ຊົມເຊີຍວັນສ້າງຕັ້ງກອງທັບປະຊາຊົນລາວ ຄົບຮອບ 65 ປີ ຢ່າງສຸດໃຈ!










ວິທີແກ້ໄຂເຂົ້າໜ້າເວັບບໍ່ໄດ້




ສະຫວັນນະເຂດ ວາງພວງມາລາທີ່ອະນຸສາວະລີນັກຮົບນິລະນາມ

    ວັນທີ 20 ມັງກອນ 2014 ຜ່ານມານີ້, ຄະນະພັກ- ອຳນາດການປົກຄອງແຂວງ, ສະມາຊິກສະພາແຫ່ງຊາດ ເຂດເລືອກຕັ້ງທີ 13, ກົງສຸນ ໃຫຍ່ແຫ່ງ ສສ ຫວຽດນາມ, ກົງສຸນໃຫຍ່ແຫ່ງ ຣາຊະອານາ ຈັກໄທ ປະຈຳແຂວງ, ພ້ອມ ດ້ວຍບັນດານາຍ ແລະ ພົນທະ ຫານຈາກກອງບັນຊາການ ປກຊ ແຂວງ, ກອງ “ກໍ 4”, ກອງ “ຂໍ 644”, ໂຮງໝໍກຸ່ມບໍ ລິເວນ 109, ກອງບັນຊາການ ປກສ ແຂວງ ຕະຫລອດຮອດ ສະມາຊິກພັກ-ພະນັກງານ, ອົງການຈັດຕັ້ງມະຫາຊົນ ແລະ ພາກສ່ວນຕ່າງໆ ທັງພາກລັດ ແລະ ເອກະຊົນໃນທົ່ວແຂວງ ສະຫວັນນະເຂດ ຈຳນວນ 19 ຄະນະ ໄດ້ພ້ອມກັນເຂົ້າຮ່ວມ ພິທີວາງພວງມາລາ ຢູ່ທີ່ອະນຸ ສາວະລີນັກຮົບນິລະນາມ ແລະ ວາງດອກໄມ້ທີ່ອະນຸສາ ວະລີ ປະທານ ໄກສອນ ພົມວິ ຫານ ເນື່ອງໃນໂອກາດສະ ເຫລີມສະຫລອງວັນສ້າງຕັ້ງ ກອງທັບປະຊາຊົນລາວ ຄົບ ຮອບ 65 ປີ (20/1/1949-20/ 1/2014).
ເປັນກຽດນຳພາຄະນະ ເຂົ້າວາງພວງມາລາຄັ້ງນີ້ມີ ທ່ານ ດຣ. ສຸພັນ ແກ້ວມີໄຊ ເລຂາພັກແຂວງ, ເຈົ້າແຂວງ ສະຫວັນນະເຂດ ທີ່ໄດ້ນຳເອົາ ພວງມາລາຈາລຶກບຸນຄຸນແດ່ ນັກຮົບຜູ້ເສຍສະຫລະຊີວິດ ວາງຕໍ່ໜ້າອະນຸສາວະລີນັກ ຮົບນິລະນາມຂອງແຂວງ ເພື່ອ ໄວ້ອາໄລ ແລະ ລະນຶກເຖິງ ຄຸນງາມຄວາມດີຂອງເຫລົ່າ ນັກຮົບລາວ ທີ່ໄດ້ເສຍສະຫລະ ເລືອດເນື້ອ ແລະ ຊີວິດອຸທິດ ເຂົ້າໃນພາລະກິດຕໍ່ສູ້ກູ້ຊາດ ຢ່າງພິລະອາດຫານຕ້ານກັບ ພວກສັດຕູຜູ້ຮຸກຮານ ເຊິ່ງນຳ ມາແຫ່ງໄຊຊະນະຍິ່ງໃຫຍ່ ແລະ ຄວາມຮັ່ງມີຜາສຸກຂອງ ປວງຊົນລາວ. ຫລັງຈາກນັ້ນ, ກໍ່ໄດ້ໄປວາງດອກໄມ້ ຢູ່ທີ່ອະ ນຸສາວະລີ ປະທານ ໄກສອນ ພົມວິຫານ ຜູ້ນຳທີ່ແສນເຄົາ ລົບຮັກຂອງປວງຊົນລາວຕື່ມ ອີກ.

 
ໜ້າຫຼັກ
ລິຂະສິດ © 2013 www.pasaxon.org.la. ສະຫງວນໄວ້ເຊິງສິດທັງຫມົດ.
ຫນັງສືພິມປະຊາຊົນ ສຳນັກງານເລກທີ 66 ຖະໜົນເສດຖາທິລາດ ນະຄອນຫຼວງວຽງຈັນ ໂທລະສັບ: 021 212466, ແຟັກ: 021 212470 ຕູ້ ປ.ນ 1110