ຊົມເຊີຍວັນສ້າງຕັ້ງກອງທັບປະຊາຊົນລາວ ຄົບຮອບ 65 ປີ ຢ່າງສຸດໃຈ!










ວິທີແກ້ໄຂເຂົ້າໜ້າເວັບບໍ່ໄດ້




ຜະລິດຕະພັນກະສິກໍາ ແລະ ປ່າໄມ້ ແຂວງອັດຕະປື ເພີ່ມຂຶ້ນ 18%

   ທ່ານ ວີໄຊ ໃສແສງຈັນ, ຫົວຫນ້າພະແນກກະສິກຳ ແລະ ປ່າໄມ້ ແຂວງອັດຕະປື ໄດ້ລາຍງານທີ່ກອງປະຊຸມສະຫລຸບວຽກງານ ກະສິກຳ ແລະ ປ່າໄມ້ ສົກປີ 2012 - 2013 ແລະ ຜ່ານທິດທາງແຜນການສົກປີ 2013 - 2014 ຂຶ້ນໃນ ຫວ່າງບໍ່ດົນມານີ້ວ່າ: ໃນສົກປີ 2013 - 2014 ນີ້ ທາງພະແນກໄດ້ພ້ອມກັນຄົ້ນຄວ້າປຶກສາຫາລືວາງທິດທາງແຜນການເຂົ້າໃສ່ການຈັດຕັ້ງປະຕິບັດວຽກ ງານ ເພື່ອໃຫ້ສອດຄ່ອງກັບເນື້ອໃນກອງປະຊຸມສະໄຫມສາມັນເທື່ອທີ V ຂອງສະພາແຫ່ງຊາດ ຊຸດທີ VII ໄດ້ຮັບຮອງເອົາໂດຍໄດ້ ກຳນົດ ທິດທາງ ແລະ ຫນ້າທີ່ບັນດາຄາດຫມາຍສູ້ຊົນຕົ້ນຕໍເສດຖະກິດ - ສັງຄົມການປະຕິບັດວຽກງານສາມສ້າງ ແລະ ລົບລ້າງຄວາມທຸກຍາກ ເປັນຕົ້ນລວມຍອດຜະລິດຕະພັນກະສິກຳ ແລະ ປ່າໄມ້ໃຫ້ເພີ່ມຂຶ້ນ 18% ກວມເອົາ 33% ຂອງ GDP ໃນນັ້ນຄ້ຳປະກັນ ສະບຽງອາ ຫານໃຫ້ພຽງພໍໃນ 5 ເມືອງ ໂດຍສະເພາະແມ່ນເຂົ້າກິນໃນລະດັບ 350 ກິໂລຕໍ່ຄົນ ຕໍ່ປີ, ການຜະລິດຊີ້ນ, ປາ, ໄຂ່ ໃຫ້ໄດ້ບໍລິໂພກ ສະເລ່ຍ 45 ກິ ໂລຕໍ່ຄົນຕໍ່ປີ, ສົ່ງເສີມກະສິກຳ ແລະ ປ່າໄມ້ຕິດພັນກັບການ ປຸງແຕ່ງສ້າງມູນຄ່າເພີ່ມ ແລະ ການສ້າງໂຄງປະກອບການ ຜະລິດກະສິກຳໃຫ້ມີຄວາມ ເຂັມແຂງ, ຈັດສັນອາຊີບຄົງທີ່ ເພື່ອຢຸດຕິການຖາງປ່າເຮັດໄຮ່ ຕິດພັນກັບການແກ້ໄຂຄວາມ ທຸກຍາກ, ປົກປັກຮັກສາລະບົບ ນິເວດເຂດເນີນສູງ ເພີ່ມອັດຕາ ການປົກຫຸ້ມຂອງປ່າໄມ້ໃຫ້ມີ ຄວາມຫນາແຫນ້ນ 65% ໂດຍ ການປູກໄມ້ໃຫ້ໄດ້ 11.800 ເຮັກຕາ ກຳນົດເຂດຟື້ນຟູປ່າ ໃຫ້ໄດ້ 20.000 ເຮັກຕາ.
   ສົກປີ 2013 - 2014 ນີ້ ຈະສູ້ຊົນຜະລິດເຂົ້າໃນເນື້ອທີ່ລວມໃຫ້ໄດ້ທັງຫມົດ 26.300 ເຮັກຕາ ຄາດຄະເນຜົນຜະລິດ 73.830 ໂຕນ ໃນນັ້ນການຜະລິດເຂົ້ານາປີໃຫ້ໄດ້ 22.772 ເຮັກຕາ, ສະມັດຕະພາບ 3,5 ໂຕນຕໍ່ເຮັກຕາ ຄາດຄະເນຜົນ ຜະລິດ 79.702 ໂຕນ, ນາ ແຊງໃຫ້ໄດ້ 1.600 ເຮັກຕາ, ສະມັດຕະພາບ 5,31 ໂຕນຕໍ່ ເຮັກຕາ ຄາດຄະເນຜົນຜະລິດ 8.500 ໂຕນ, ເຂົ້າເຂດເນີນສູງ ໃຫ້ໄດ້ 1.950 ເຮັກຕາ, ສະມັດ ຕະພາບ 1,5 ໂຕນເຮັກຕາ ຄາດຄະເນຜົນຜະລິດ 3.800 ໂຕນ; ສູ້ຊົນປູກພືດຜັກ ແລະ ໄມ້ໃຫ້ຫມາກໃຫ້ໄດ້ 950 ເຮັກ ຕາ ໃນນັ້ນສາລີຫວານໃຫ້ໄດ້ 450 ເຮັກຕາ ຄາດຄະເນຜົນ ຜະລິດ 2.250 ໂຕນ ແລະ ພືດ ຜັກໃຫ້ໄດ້ 500 ເຮັກຕາ, ປູກ ພືດ ແລະ ໄມ້ອຸດສາຫະກຳ ເຊັ່ນ: ອ້ອຍ 1.000 ເຮັກຕາ, ຢາງພາລາ 5.000 ເຮັກຕາ, ມັນຕົ້ນ 934 ເຮັກຕາ, ຫນໍ່ໄມ້ ຝຣັ່ງ 3 ເຮັກຕາ ແລະ ກາເຟ 1.155 ເຮັກຕາ ໃນນັ້ນຢູ່ເມືອງ ສະຫນາມໄຊ ມີ 150 ເຮັກຕາ ສ້າງເປັນຈຸດກ້າເບ້ຍໃຫ້ໄດ້ 150.000 ເບ້ຍ, ເມືອງຊານໄຊ ເຂດເນີນສູງມີ 1.005 ເຮັກຕາ, ການລ້ຽງສັດ ແລະ ການປະມົງ ເຊັ່ນ: ຄວາຍໃຫ້ເພີ່ມຂຶ້ນເປັນ 26.655 ໂຕ ເທົ່າກັບ 1%, ງົວ ໃຫ້ເພີ່ມຂຶ້ນເປັນ 20.258 ໂຕ ເທົ່າກັບ 1%, ຫມູໃຫ້ເພີ່ມຂຶ້ນ ເປັນ 18.241 ໂຕ ເທົ່າກັບ 1%, ແບ້ໃຫ້ເພີ່ມຂຶ້ນເປັນ 6.943 ໂຕ ເທົ່າກັບ 1%, ສັດປີກໃຫ້ ເພີ່ມຂຶ້ນເປັນ 173.508 ໂຕ ເທົ່າກັບ 1%, ການສັກຢາປ້ອງກັນພະຍາດແມ່ນສູ້ຊົນໃຫ້ໄດ້ 70% ຂອງສັດລ້ຽງທຸກປະເພດ ທົ່ວແຂວງ ນອກຈາກນັ້ນການ ຟື້ນຟູປ່າໄມ້ແມ່ນໄດ້ກຳນົດ ໃຫ້ໄດ້ໃນເນື້ອທີ່ 10.794 ເຮັກ ຕາ ໃນນີ້ລວມມີປ່າຜະລິດ 5.954 ເຮັກຕາ ແລະ ນອກ ເຂດ 3 ປະເພດປ່າມີ ປ່າປ້ອງ ກັນ, ປ່າຟື້ນຟູ, ປ່າຜະລິດແມ່ນ 4.840 ເຮັກຕາ, ຜະລິດເບ້ຍໄມ້ໃຫ້ໄດ້ 6 ລ້ານເບ້ຍ ແລະ ປູກປ່າໃຫ້ໄດ້ 6.000 ເຮັກຕາ, ສ່ວນວຽກ ງານຊົນລະປະທານແມ່ນຈະຕ້ອງໄດ້ສູ້ຊົນປະຕິບັດແຜນການກໍ່ສ້າງຊົນລະປະທານພາກປົກກະຕິໃນມູນຄ່າ 1.500 ລ້ານກີບ ແລະ ການ ຟື້ນຟູຊົນລະປະທານຫລັງນ້ຳຖ້ວມມູນຄ່າ 3.100 ລ້ານກີບ ໃຫ້ສຳເລັດໃນສົກປີ 2013-2014 ນີ້.
(ໂດຍ: ຍົມມະລາ ບຸບຜາພັນ)

 

 
ໜ້າຫຼັກ
ລິຂະສິດ © 2013 www.pasaxon.org.la. ສະຫງວນໄວ້ເຊິງສິດທັງຫມົດ.
ຫນັງສືພິມປະຊາຊົນ ສຳນັກງານເລກທີ 66 ຖະໜົນເສດຖາທິລາດ ນະຄອນຫຼວງວຽງຈັນ ໂທລະສັບ: 021 212466, ແຟັກ: 021 212470 ຕູ້ ປ.ນ 1110