ແຈ້ງການຂອງຄະນະເລຂາທິການສະພາແຫ່ງຊາດ ສປປ ລາວ


15.03.2019 9:30     

   ໂດຍຕອບສະໜອງຕາມການເຊື້ອເຊີນຂອງພະນະທ່ານ ທາດາໂມລິ ໂອຊີມາ ປະທານສະພາຜູ້ແທນລາຊະດອນ ແຫ່ງ ປະເທດຍີ່ປຸ່ນ, ພະນະທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ ພ້ອມດ້ວຍສາມີ ແລະ ຄະນະ ຈະໄດ້ເດີນທາງໄປຢ້ຽມຢາມສັນຖະວະໄມຕີ ປະເທດຍີ່ປຸ່ນ ຢ່າງເປັນທາງການ ໃນລະຫວ່າງວັນທີ 18-22 ມີນາ 2019 ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ທີ່ມີມາແຕ່ດົນນານ ລະຫວ່າງສອງປະເທດ ກໍຄືສອງອົງການນິຕິບັນຍັດລາວ-ຍີ່ປຸ່ນ ໃຫ້ນັບມື້ນັບແໜ້ນແຟ້ນ ແລະ ເປັນຮູບປະທຳຍິ່ງໆຂຶ້ນ.