ສານອວຍພອນວັນຊາດອາກຊັງຕິນ


30.05.2019 11:19     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນ ເຖິງ ທ່ານ ມາອູຣິຊິໂອ ມາກຣີ ປະທານາທິບໍດີ ແຫ່ງ ສາທາລະນະລັດ ອາກຊັງຕິນ ເມື່ອບໍ່ດົນມານີ້ ທີ່ ນະຄອນຫຼວງ ບູເອນົດສ ໄອເຣັດສ ເນື້ອໃນສານ ລະບຸວ່າ:
ເນື່ອງໃນໂອກາດວັນຊາດ ແຫ່ງ ສາທາລະນະລັດ ອາກ ຊັງຕິນ, ໃນນາມຕາງໜ້າໃຫ້ລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງທ່ານ ແລະ ຜ່ານທ່ານ ໄປຍັງ ລັດຖະບານ ແລະ ປະຊາຊົນ ອາກຊັງຕິນ ທຸກຖ້ວນໜ້າ.
ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງປະເທດ ພວກເຮົາ ຈະໄດ້ຮັບການສືບຕໍ່ເສີມຂະຫຍາຍໃຫ້ເຂັ້ມແຂງ ແລະ ກວ້າງຂວາງຍິ່ງໆຂຶ້ນ ເພື່ອຜົນປະໂຫຍດຂອງ ສອງຊາດພວກເຮົາ, ອັນເປັນການປະກອບສ່ວນເຂົ້າໃນການສົ່ງເສີມສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາແບບຍືນຍົງຢູ່ໃນພາກພື້ນ ແລະ ທົ່ວໂລກ.