ແຈ້ງຂ່າວມໍລະນະກຳ


...

17.07.2019 8:59     

   ຫ້ອງວ່າການສູນກາງພັກ, ຄະນະຈັດຕັ້ງສູນກາງພັກ, ລັດຖະບານ, ສູນກາງແນວລາວສ້າງຊາດ, ກະຊວງພະລັງງານ ແລະ ບໍ່ແຮ່, ກະຊວງອຸດສາຫະກຳ ແລະ ການຄ້າ, ກະຊວງແຜນການ ແລະ ການລົງທຶນ ພ້ອມດ້ວຍ ນາງ ຈັນສີ ດາລາວົງ ແລະ ຄອບຄົວ ດາລາວົງ, ຄອບຄົວ ໄຊສົມແພງ, ຄອບຄົວ ດວງສະຫວັນ, ຄອບຄົວມັງໜໍ່ເມກ, ຄອບຄົວ ພົມມະຈັນ ແລະ ຍາດຕິພີ່ນ້ອງທັງໝົດ ຂໍແຈ້ງຂ່າວເສົ້າສະຫຼົດໃຈມາຍັງສະມາຊິກພັກ, ພະນັກງານ, ນັກຮົບ ແລະ ພີ່ນ້ອງຮ່ວມຊາດ ຊາບທົ່ວເຖິງກັນວ່າ: ສະຫາຍ ສຸລິວົງ ດາລາວົງ ອະດີດກຳມະການສູນກາງພັກ ສະໄໝທີ V, VI, VII, VIII ແລະ IX, ອະດີດເລຂາຄະນະພັກກະຊວງ, ອະດີດລັດຖະມົນຕີກະຊວງອຸດສາຫະກຳ ແລະ ຫັດຖະກຳ, ອະດີດລັດຖະມົນຕີກະຊວງການຄ້າ, ອະດີດລັດຖະມົນຕີກະຊວງແຜນການ ແລະ ການລົງທຶນ ແລະ ອະດີດລັດຖະມົນຕີກະຊວງພະລັງງານ ແລະ ບໍ່ແຮ່, ຜູ້ເປັນຜົວ, ເປັນພໍ່, ປູ່, ພໍ່ເຖົ້າ, ລຸງ, ອາວ, ອ້າຍ, ນ້າບ່າວ ໄດ້ເຖິງແກ່ມໍລະນະກຳໃນເວລາ 17 ໂມງ 15 ນາທີ ຂອງວັນອາທິດ, ວັນທີ 14 ກໍລະກົດ 2019, ລວມອາຍຸໄດ້ 71 ປີ. - ປັດຈຸບັນສົບຂອງເພິ່ນໄດ້ບຳເພັນກຸສົນໄວ້ທີ່ເຮືອນເພິ່ນເອງ ທີ່ບ້ານຈອມມະນີ ເມືອງໄຊເສດຖາ ນະຄອນຫຼວງວຽງຈັນ. - ສ່ວນວັນຊາປະນະກິດສົບ ຈະໄດ້ຈັດຂຶ້ນຢ່າງເປັນທາງການ ໃນວັນເສົາ ວັນທີ 20 ກໍລະກົດ 2019, ເວລາ 13 ໂມງ 00 ນາທີ ທີ່ວັດເທບນິມິດ (ທາດຝຸ່ນ). - ວັນອາທິດ, ວັນທີ 21 ກໍລະກົດ 2019 ເປັນມື້ຫ້າງຫາກະກຽມຕັ້ງກອງບຸນ ແລະ ສູດປະລິຕະມົງຄຸນ. - ວັນຈັນ, ວັນທີ 22 ກໍລະກົດ 2019 ເປັນມື້ຕັກບາດຖວາຍສັງຄະທານ, ເລີກມົງຄຸນ (ພະສົງ 9 ອົງ).