ສານ​ຊົມ­ເຊີຍ

17.10.2019 8:34     

   ວັນ​ທີ 11 ຕຸ­ລາ 2019, ສະ­ຫາຍ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ແຫ່ງ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ໄດ້​ສົ່ງ​ສານສະ­ແດງ​ຄວາມ​ຊົມ­ເຊີຍ​ເຖິງ ສະ­ຫາຍ ມີ​ເກນ ດີ​ເອັດ -​ກາ​ແນນ ແບ​ຣ​ມູ​ເດັດ. ປະ­ທານ​ປະ­ເທດ ແຫ່ງ ສາ­ທາ­ລະ­ນະ​ລັດ ກູ​ບາ ທີ່ນະ­ຄອນ ຫຼວງ​ລາ​ຮາ​ວານ ຊຶ່ງ​ມີ​ເນື້ອ​ໃນ​ວ່າ: ສະ­ຫາຍ​ທີ່​ຮັກ­ແພງ, ໃນ​ນາມ​ຕາງ­ໜ້າ​ລັດ­ຖະ­ບານ ແຫ່ງ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນລາວ ແລະ ໃນ​ນາມ​ສ່ວນ​ຕົວ, ຂ້າ­ພະ­ເຈົ້າ​ຂໍ​ສະ­ແດງ​ຄວາມ​ຊົມ­ເຊີຍ​ອັນ​ອົບ​ອຸ່ນ​ມາ​ຍັງ​ສະ­ຫາຍ ໃນ​ໂອ­ກາດ​ທີ່​ສະ­ຫາຍ ໄດ້​ຮັບ​ການ​ເລືອກ​ຕັ້ງ​ໃຫ້​ດໍາ​ລົງ​ຕໍາ​ແໜ່ງເປັນປະ­ທານ​ປະ­ເທດ ແຫ່ງ ສາ­ທາ­ລະ­ນະ​ລັດ ກູ​ບາ.

   ຂ້າ­ພະ­ເຈົ້າ​ເຊື່ອ​ໝັ້ນ​ວ່າ ພາຍ​ໃຕ້​ການ​ຊີ້​ນໍາ-ນໍາ​ພາ​ຂອງ​ສະ­ຫາຍ, ລັດ­ຖະ­ບານ​ກູ​ບາ ແລະ ປະ­ຊາ­ຊົນ​ກູ​ບາ​ອ້າຍ​ນ້ອງຈະ​ສືບ­ຕໍ່​ຍາດ​ໄດ້​ຜົນ​ສໍາ​ເລັດ​ອັນ​​ໃຫຍ່​ຫຼວງ ແລະ ຮອບ­ດ້ານ​ໃນ​ການ​ສ້າງ­ສາພັດ­ທະ­ນາ​ປະ­ເທດ​ຊາດ ເພື່ອ​ຄວາມ​ສົມ­ບູນພູນ​ສຸກຂອງ ປະ­ຊາ­ຊົນ​ກູ​ບາ​ອ້າຍ​ນ້ອງ.

   ຂ້າ­ພະ­ເຈົ້າ​ຂໍ​ຖື​ໂອ­ກາດ​ນີ້ ຢືນ­ຢັນ​ຄືນ​ຄໍາ​ໝາຍ​ໝັ້ນ ທີ່​ຈະ​ສືບ­ຕໍ່​ຮັດ​ແໜ້ນ​ສາຍ​ພົວ­ພັນ​ມິດ­ຕະ­ພາບທີ່​ເປັນ​ມູນ­ເຊື້ອ, ຄວາມ​ສາ­ມັກ­ຄີ​ຖານ​ອ້າຍ​ນ້ອງ ແລະ ການ​ຮ່ວມ​ມື​ທີ່​ມີ​ໝາກ­ຜົນ​ຂອງ​ສອງ​ປະ­ເທດ​ພວກ​ເຮົາ.

   ໃນ​ໂອ­ກາດ​ອັນ​ສະ­ຫງ່າ​ລາ­ສີ​ນີ້, ຂ້າ­ພະ­ເຈົ້າ​ຂໍ​ອວຍ­ພອນ​ໄຊ​ອັນ​ປະ­ເສີດ​ມາ​ຍັງ​ສະ­ຫາຍ ຈົ່ງ​ມີ​ສຸ­ຂະ­ພາບແຂງ­ແຮງ, ມີ ຄວາມ​ຜາ​ສຸກ ແລະ ປະ­ສົບ​ຜົນ​ສໍາ​ເລັດ​ໃນ​ໜ້າ­ທີ່​ອັນ​ມີ​ກຽດ​ຂອງ​ສະ​ຫາຍ.