ແຈ້ງການຂອງຄະນະເລຂາທິການ ສະພາແຫ່ງຊາດ


     ຄະນະເລຂາທິການສະພາແຫ່ງຊາດ ມີຄວາມຍິນດີ ແລະ ຂໍຖືເປັນກຽດແຈ້ງມາຍັງພະນັກງານ, ທະຫານ - ຕຳຫຼວດ ແລະ ພໍ່ແມ່ປະຊາຊົນລາວ ບັນດາເຜົ່າທົ່ວປະເທດຊາບວ່າ: ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ VIII ຈະໄດ້ຈັດຂຶ້ນແຕ່ວັນອັງຄານທີ 25 ເມສາ ຫາ ວັນພະຫັດ ທີ 18 ພຶດສະພາ 2017 ທີ່ຫໍສະພາແຫ່ງຊາດ, ນະຄອນຫຼວງວຽງຈັນ. ການດຳເນີນກອງປະຊຸມສະໄໝສາມັນເທື່ອທີ 3 ຂອງ ສະພາແຫ່ງຊາດ ຊຸດທີ VIII ໃນຄັ້ງນີ້ ແມ່ນປະຕິບັດຕາມ ມາດຕາ 58 ຂອງກົດໝາຍວ່າດ້ວຍສະພາແຫ່ງຊາດ ແລະ ປະຕິບັດຕາມມະຕິຕົກລົງ ຂອງຄະນະປະຈຳສະພາ ແຫ່ງ ຊາດ ສະບັບ ເລກທີ 083/ຄປຈ, ລົງວັນທີ 30 ມີນາ 2017.