ລາວເດີ່ນທະເລທຸ່ມງົບເພື່ອຂະຫຍາຍການບໍລິການຂົນສົ່ງສິນຄ້າ
ປະເທດເຮົາເຖິງວ່າບໍ່ມີທະເລແຕ່ກໍ່ຍັງມີກ່ຳປັ່ນຂົນສົ່ງສິນຄ້າເຂົ້າ-ອອກປະເທດມານັບສິບກ່ວາປີແລ້ວ
ໂດຍຜ່ານທ່າເຮືອຂອງຫວຽດນາມ
ຕາມນະໂຍບາຍການພົວພັນພິເສດ ແລະ ຮ່ວມມືຮອບດ້ານທີ່ພັກ-ລັດຖະບານສອງປະເທດໄດ້ເຊັນສົນທິສັນຍາກັນເອົາໄວ້.
-
ຫລ້າສຸດບໍລິສັດບໍລິການຂົນສົ່ງທາງທະເລລາວໄດ້ຕັດສິນໃຈທຸ່ມງົບເຖິງ
95 ກ່ວາລ້ານໂດລາສະຫະລັດໃຫ້ແກ່ບໍລິສັດຕໍ່ເຮືອກາມແຣງ
ຂອງຫວຽດນາມເພື່ອສະຫນອງກ່ຳປັ່ນບັນທຸກສິນຄ້າຈຳນວນ
3 ລຳ ເຊິ່ງແຕ່ລະລຳສາມາດບັນທຸກໄດ້
20.000 ໂຕນໃຫ້ແກ່ຕົນເພື່ອເພີ່ມທ່າ
ແຮງການຂົນສົ່ງສິນຄ້າເຂົ້າ-ອອກຂຶ້ນອີກຫລາຍເທົ່າຍ້ອນການພົວພັນການຄ້າລະຫວ່າງລາວກັບຕ່າງປະເທດຂະຫຍາຍຕົວຂຶ້ນເປັນລຳດັບມາ,
ເຊິ່ງໃນວັນທີ16
ທັນວາ
2011 ຜ່ານມານີ້ກໍ່ໄດ້ມີພິທີມອບ-ຮັບກ່ຳປັ່ນເດີນທະເລລຳທຳອິດຂອງລາວໃຫ້ແກ່ບໍລິສັດບໍລິການຂົນສົ່ງທາງທະເລ
ລາວຢ່າງເປັນທາງການທີ່ນະຄອນກາມແຣງ
ສ.ສ
ຫວຽດນາມ
ໂດຍມີທ່ານ ຫງວຽນຄັກຕວານ ກຳມະການສຳຮອງສູນກາງພັກກອມມູນິດ
ຫວຽດນາມ,
ເລຂາຄະນະພັກນະຄອນກາມແຣງທ່ານ ຫງວຽນງັອກຊຶ ປະທານສະພາບໍລິຫານສາຂາກຸ່ມບໍລິສັດອຸດສາຫະກຳກ່ຳປັ່ນຂອງຫວຽດ
ນາມ
ແລະ ກົງສູນລາວປະຈຳນະຄອນດານັງ
ສ.ສ
ຫວຽດນາມເຂົ້າຮ່ວມ.
-
ກ່ຳປັ່ນເດີນທະເລຂອງລາວລຳທຳອິດນີ້,
ສາມາດບັນທຸກໄດ້
20.000 ໂຕນ,
ມີລວງຍາວ
165,45 ແມັດ,
ກ້ວາງ
25 ແມັດ ແລະ ລວງ
ສູງ 12 ແມັດ
(ນັບຈາກໜ້ານ້ຳທະເລຂຶ້ນຮອດໂຕກ່ຳປັ່ນ)
ໃຊ້ຈັກທີ່ມີຄວາມແຮງ
6.000 ແຮງມ້າ,
ມີຄວາມໄວ
10,5 ໄມຕໍ່ຊົ່ວໂມງ,
ປະກອບ
ມີນັກເດີນເຮືອ
2 ຄົນ.
-
ທ່ານ ສົງຄາມ ຫລ່ຽມຜີ ຜູ້ອຳນວຍການບໍລິສັດບໍລິການຂົນສົ່ງທາງທະເລລາວໄດ້ຊີ້ແຈງໃຫ້ຮູ້ວ່າ:
ຕາມແຜນການແລ້ວໃນທ້າຍເດືອນທັນ
ວາ 2011 ນີ້ບໍລິສັດຕໍ່ເຮືອກາມແຣງຂອງຫວຽດນາມຈະສືບຕໍ່ມອບກ່ຳປັ່ນລຳທີ
2 ແລະ
3 ໃຫ້ແກ່ບໍລິສັດບໍລິການຂົນສົ່ງທາງທະເລລາວຕາມ
ສັນຍາທີ່ໄດ້ເຊັນກັນເອົາໄວ້.
- ບໍລິສັດບໍລິການຂົນສົ່ງທາງທະເລລາວໄດ້ກຳເນີດ ແລະ ສືບທອດມາຈາກກຸ່ມບໍລິສັດພັດທະນາເຂດພູດອຍໃນເມື່ອກ່ອນ, ມາຮອດປີ 2003
ຈຶ່ງໄດ້ຮັບການປັບປຸງໃຫມ່ ໂດຍໄດ້ແຍກຕົວອອກເປັນຫົວຫນ່ວຍທຸລະກິດເອກະລາດຂຶ້ນກັບສຳນັກງານນາຍົກໂດຍກົງເຮັດໃຫ້ການເຄື່ອນໄຫວທຸ
ລະກິດຂອງບໍລິສັດປະສົບຜົນສຳເລັດ ແລະ ມີການຂະຫຍາຍຕົວເປັນກ້າວໆມາຍ້ອນການຕິດຕໍ່ພົວພັນການຄ້າລະຫວ່າງລາວກັບຕ່າງປະເທດມີ
ການເປີດກ້ວາງ ແລະ
ຂະຫຍາຍຕົວຢ່າງຕໍ່ເນື່ອງ, ດັ່ງນັ້ນການຈັດຊື້ກ່ຳປັ່ນເດີນ
ທະເລຕື່ມອີກຈຳນວນ
3 ລຳນີ້ຈຶ່ງເປັນຂີດຫມາຍສຳຄັນເພື່ອພັດ
ທະນາທຸລະກິດບໍລິການຂົນສົ່ງທາງທະເລຂອງລາວໃຫ້ກ້າວສູ່ຄຸນນະພາບອັນໃຫມ່ປະກອບສ່ວນເຂົ້າໃນການພັດທະນາເສດຖະກິດຂອງຊາດໃຫ້ນັບ
ມື້ເຂັ້ມແຂງ.