ທູດລາວ ຍື່ນສານຕາຕັ້ງຕໍ່ປະທານາທິບໍດີ ຕວກກີ

ໃນວັນທີ 24 ມັງກອນ 2012 ທີ່ທຳນຽບປະທານາທິບໍດີ, ນະຄອນຫລວງອັງກາຣາ, ປະເທດຕວກກີ ທ່ານ ຢົງ ຈັນທະລັງສີ,
ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳປະເທດສະວິດ ໄດ້ເຂົ້າຢ້ຽມຂໍ່ານັບ ພະນະທ່ານ ອັບດູນ
ລາ ກູນ (Abdullah Gul), ປະທານາທິບໍດີ ແຫ່ງ ສາທາລະນະລັດ ຕວກກີ ເພື່ອຍື່ນສານຕາຕັ້ງດຳລົງຕຳແໜ່ງເປັນ ເອກອັກຄະ
ລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສາທາລະນະລັດ ຕວກກີ, ເຊິ່ງເປັນທູດລາວຜູ້ທຳອິດທີ່ໄດ້ຍື່ນສານ
ຕາຕັ້ງນັບແຕ່ໄດ້ມີການເຊັນສັນຍາສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ຕວກກີ ແຕ່ວັນທີ 20 ມິຖຸນາ 1958
ເປັນຕົ້ນມາ.

ໃນໂອກາດດັ່ງກ່າວ, ທ່ານ ຢົງ ຈັນທະລັງສີ ໄດ້ສະແດງຄວາມຂໍ່ານັບ ແລະ ໄດ້ນຳເອົາຄວາມຢື້ຢາມຖາມຂ່າວຂອງ ະພນພທ່ານ
ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ ສົ່ງມາຍັງ ພະນະທ່ານ ອັບດູນລາ ກູນ, ປະທານາທິບໍດີ ແຫ່ງ ສ.ຕວກກີ
ແລະ ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນຕວກກີ ທີ່ໄດ້ໃຫ້ການຕ້ອນຮັບອັນອົບອຸ່ນໃນຄັ້ງນີ້ ພ້ອມທັງສະ
ແດງຄວາມຂອບໃຈຢ່າງສູງຕໍ່ ພະນະທ່ານປະທາ ນາທິບໍດີ ອັບດູນລາ ກູນ ແຫ່ງ ສ.ຕວກກີ ທີ່ໄດ້ໃຫ້ໂອກາດແກ່ຕົນເພື່ອມອບສານ
ຕາຕັ້ງໃນຄັ້ງນີ້. ທ່ານເອກອັກຄະລັດຖະທູດລາວ ຍັງໄດ້ສະແດງຄວາມຮູ້ບຸນຄຸນມາຍັງລັດຖະບານຕວກກີ ທີ່ໄດ້ໃຫ້ການຮ່ວມມືຊ່ວຍ
ເຫລືອຕໍ່ ສປປ ລາວ ໃນໄລຍະຜ່ານມາ ແລະ ສະແດງຄວາມເຊື່ອຫມັ້ນວ່າໃນຕໍ່ໜ້າຈະໄດ້ຮັບການຮ່ວມມື ແລະ ເສີມຂະຫຍາຍສາຍ
ພວພັນມິດຕະພາບ ແລະ ການຮ່ວມມືທີ່ມີມາແຕ່ດົນນານລະຫວ່າງ ສປປ ລາວ ແລະ ສ.ຕວກກີ ໃຫ້ນັບມື້ມີການຂະຫຍາຍຕົວຍິ່ງຂຶ້ນ.

ຫລັງຈາກນັ້ນ, ພະນະທ່ານ ອັບດູນລາ ກູນ ກໍ່ໄດ້ຂໍໃຫ້ທ່ານເອກອັກຄະລັດຖະທູດ ສົ່ງຄວາມຢື້ຢາມຖາມຂ່າວໄປຍັງ ພະນະທ່ານ
ຈູມມາລີ ໄຊຍະສອນ ແລະ ໄດ້ສະແດງຄວາມຂອບໃຈມາຍັງລັດຖະບານ ສປປ ລາວ ທີ່ໄດ້ແຕ່ງຕັ້ງເອກອັກຄະລັດຖະທູດຂອງຕົນມາ
ປະຈຳ ສ.ຕວກກີ ອັນຈະສ້າງເງື່ອນໄຂທີ່ດີໃຫ້ແກ່ການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ
ໃຫ້ນັບມື້ນັບແໜ້ນແຟ້ນກວ່າເກົ່າ.