ດັງໄຟຝີງ
ເຮັດໃຫ້ລະເບີດແຕກມີຜູ້ເສຍຊີວິດ
4 ຄົນ
ບາດເຈັບ 3
ຄົນ
ໃນຕອນບ່າຍຂອງວັນທີ
23 ມັງກອນ
2012, ປະຊາຊົນຢູ່ບ້ານຕຳລວງ,
ເມືອງນອງ,
ແຂວງສະຫວັນນະເຂດ
ຈຳນວນ 7 ຄົນ
ເຊິ່ງ
ເກືອບທັງຫມົດເປັນເດັກນ້ອຍໄດ້ພາກັນນັ່ງຝີງໄຟຢູ່ກາງເດີ່ນບ້ານ
ແລະ
ມາເຖິິງເວລາປະມານ
14:15 ໂມງ
ໄດ້ເກີດລະເປີດຂຶ້ນອັນເຮັດ
ໃຫ້ເດັກນ້ອຍຈຳນວນ
4 ຄົນ
ເສຍຊີວິດ
ແລະ ອີກ 3
ຄົນ
ໄດ້ຮັບບາດເຈັບສາຫັດ.
ພາຍຫລັງເຫດການອຸບັດເຫດເກີດຂຶ້ນເຈົ້າຫນ້າທີ່ກ່ຽວ
ຂ້ອງໄດ້ລົງເກັບກຳລາຍລະອຽດ
ແລະ ໄດ້ຊາບວ່າ:
ລະເບີດທີ່ແຕກແມ່ນລະເບີດລູກຫວ່ານ
(ບົ່ມບີ່)
ຊະນິດ
BLU 26 ເຊິ່ງເປັນຊະນິດບົ່ມ
ບີ່ທີ່ບໍ່ທັນແຕກຕົກຄ້າງຢ່າງຫລວງຫລາຍຢູ່
ສປປ ລາວ
ນັບແຕ່ສະໄຫມສົງຄາມ.
ລູກລະເບີດດັ່ງກ່າວຖືກຝັງຢູ່ບ່ອນທີ່ເດັກນ້ອຍດັງໄຟຝີງ
ແລະ
ເມື່ອຖືກຄວາມຮ້ອນຈຶ່ງເກີດລະເບີດຂຶ້ນອັນເຮັດໃຫ້ເດັກນ້ອຍ
3 ຄົນເສຍຊີວິດກັບທີ່
ແລະ 1 ຄົນເສຍຊີວິດຢູ່ໂຮງຫມໍ,
ຄື
ທ້າວ ສັກ
ອາຍຸ 12
ປີ,
ທ້າວ
ຈິດ ອາຍຸ 10
ປີ,
ທ້າວ
ຕຸກ ອາຍຸ 9
ປີ
ແລະ ນາງ ເຊີ
ອາຍຸ 3 ປີ ແລະ 3
ຄົນ
ຖືກບາດເຈັບສາຫັດຄື:
ນາງ
ກະເລ້
ອາຍຸ 28 ປີ, ທ້າວ
ມືດ ອາຍຸ 11
ປີ
ແລະ ທ້າວ
ຍະອົກ ອາຍຸ 9
ປີ.
ສປປ ລາວ
ເປັນປະເທດທີ່ໄດ້ຮັບຜົນກະທົບຈາກລະເບີດລູກຫວ່ານຫລາຍກ່ວາໝູ່ໃນໂລກ.
ໃນໄລຍະສົງຄາມແຕ່ປີ
1964 ເຖິງ
1973
ລະເບີດຫລາຍກ່ວາ
2 ລ້ານໂຕນ
ໄດ້ຖືກຖິ້ມລົງໃສ່ລາວ,
ໃນນັ້ນມີລະເບີດລູກຫວ່ານຫລາຍກ່ວາ
80 ລ້ານຫນ່ວຍບໍ່ທັນແຕກຕົກຄ້າງຢັ່ງຢາຍ
ຢູ່ໃນ 14
ແຂວງຂອງ
ສປປ ລາວ. ແຂວງສະຫວັນນະເຂດແມ່ນຫນຶ່ງໃນ
10 ແຂວງທີ່ໄດ້ຮັບຜົນກະທົບຫລາຍກ່ວາຫມູ່.
ລັດຖະບານລາວໄດ້ໃຫ້ຄວາມສຳຄັນໃນການແກ້ໄຂບັນຫາລະເບີດບໍ່ທັນແຕກ
ແລະ ນັບແຕ່ປີ
1996 ເປັນຕົ້ນມາໄດ້ເລີ່ມຕົ້ນການເກັບກູ້,
ການໂຄສະນາກ່ຽວກັບຄວາມອັນຕະລາຍຂອງລະເບີດບົ່ມບີ່
ແລະ
ການຊ່ວຍເຫລືອຜູ້ເຄາະຮ້າຍ.
ພ້ອມດຽວກັນນີ້,
ເພື່ອສະແດງເຖິງການຮ່ວມ
ມືກັບວົງຄະນາຍາດສາກົນ
ໃນການຕ້ານລະເບີດລູກຫວ່ານ,
ສປປ
ລາວ ໄດ້ເຂົ້າເປັນພາຄີຂອງສົນທິສັນຍາວ່າດ້ວຍການເກືອດຫ້າມລະເບີດ
ລູກຫວ່ານ (ສົນທິສັນຍາໂອດສະໂລ)
ແລະ
ໄດ້ເປັນເຈົ້າພາບຈັດກອງປະຊຸມຄັ້ງທຳອິດຂອງລັດພາຄີສົນທິສັນຍາໂອດສະໂລ
ໃນເດືອນພະຈິກ
2010. ປະຈຸບັນລັດຖະບານກຳລັງພິຈາລະນາຮັບຮອງເອົາແຜນຍຸດທະສາດແຫ່ງຊາດ
ສະບັບທີ 2
ສຳລັບປີ
2011-2020 ແລະ
ແຜນດຳ
ເນີນການ 10
ປີ
ສຳລັບການຈັດຕັ້ງປະຕິບັດສົນທິສັນຍາໂອດສະໂລ
ເຊິ່ງໄດ້ວາງຄາດຫມາຍສູ້ຊົນເພື່ອການເກັບກູ້ລະເບີດອອກຈາກເນື້ອ
ທີ່ໃຫ້ໄດ້ປະມານ
20.000 ເຮັກຕາຕໍ່ປີ.
ການເກັບກູ້ລະເບີດບໍ່ທັນແຕກອອກຈາກເນື້ອທີ່ຕ່າງໆ
ໃນທົ່ວປະເທດບໍ່ພຽງແຕ່ເປັນການຊ່ວຍເຫລືອ
ແລະ ປົກປ້ອງຊີວິດຂອງປະຊາຊົນ
ລາວ
ຈາກຜົນກະທົບຂອງລະເບີດບົ່ມບີ່,
ແຕ່ຍັງເປັນການແກ້ໄຂຄວາມທຸກຍາກ
ແລະ
ເປີດໂອກາດໃຫ້ປະຊາຊົນລາວໃນທົ່ວປະເທດສາມາດ
ທຳມາຫາກິນ
ແລະ
ດຳເນີນຊີວິດຂອງຕົນເອງໄດ້ໂດຍປາສະຈາກຄວາມຢ້ານກົວ
ແລະ
ຫວາດລະແວງໄພອັນຕະລາຍຈາກລະເບີດບໍ່ທັນແຕກ.