ກະສິກຳແຂວງອັດຕະປື ຊຸກຍູ້ການປູກຝັງ
ແລະ
ລ້ຽງສັດຢູ່ກຸ່ມບ້ານເປົ້າໝາຍຂອງໂຄງການ
ໂຄງການສົ່ງເສີມຜະລິດສິນຄ້າກະສິກຳ ແລະ ປ່າໄມ້ແບບຍືນຍົງປະຈຳແຂວງອັດຕະປື ເປັນໂຄງການໜຶ່ງທີ່ໄດ້ລົງທຶນໃສ່ການ
ປູກຝັງ ແລະ
ລ້ຽງສັດໃຫ້ພໍ່ແມ່ປະຊາຊົນກຸ່ມບ້ານເປົ້າໝາຍຂອງໂຄງການໃນມູນຄ່າຫລາຍກວ່າ
4 ແສນ
7 ໝື່ນໂດລາສະຫະລັດ.
ດັ່ງນັ້ນ,
ໃນອາທິດຜ່ານມາໂຄງການຜະລິດກະສິກຳ ແລະ ປ່າໄມ້ແບບຍືນຍົງ ປະຈຳແຂວງ ໄດ້ລົງເຄື່ອນໄຫວ
ແລະ ຊຸກຍູ້ການ
ປູກຝັງໃຫ້ພໍ່ແມ່ປະຊາຊົນກຸ່ມບ້ານເປົ້າໝາຍຂອງໂຄງການ ເຊິ່ງນຳໂດຍ ທ່ານ
ວິໄຊ ໃສແສງຈັນ ຫົວໜ້າພະແນກກະສິກຳ ແລະ
ປ່າໄມ້ແຂວງ,
ມີທ່ານ ແສງສົດ ໃໝ່ບຸນມະນີ ຮອງຫົວໜ້າໂຄງການຜະລິດກະສິກຳ ແລະ ປ່າໄມ້ແບບຍືນຍົງປະຈຳແຂວງ ພ້ອມ
ດ້ວຍພະນັກງານວິຊາການ.
ການລົງເຄື່ອນໄຫວຊຸກຍູ້ການປູກຝັງ ແລະ
ລ້ຽງສັດຢູ່ກຸ່ມບ້ານເປົ້າໝາຍຂອງໂຄງການໃນຄັ້ງນີ້
ໄດ້ສຸມໃສ່ກຸ່ມຊຸກຍູ້ປູກຝັງ ແລະ
ລ້ຽງສັດ ເຊັ່ນ:
ການປູກເຂົ້ານາແຊງຂອງພໍ່ແມ່ປະຊາຊົນກຸ່ມບ້ານພະເມືອງ,
ເມືອງໄຊເສດຖາ ໃນເນື້ອທີ່ການປັກດຳ
85 ເຮັກຕາ.
ປະຈຸບັນສຳເລັດ
100% ຄາດວ່າສະເລ່ຍສະມັດຕະພາບການຜະລິດ
6 ໂຕນ/ເຮັກຕາ ແລະ ການບຸກເບີກເນື້ອທີ່ລ້ຽງງົວ,
ລ້ຽງຄວາຍ
ຂອງພໍ່ແມ່ປະຊາຊົນກຸ່ມບ້ານຕາດແສງ ເມືອງຊານໄຊ ໃນເນື້ອທີ່ບຸກເບີກ
243 ກວ່າເຮັກຕາ.
ປະຈຸບັນກຳລັງບຸກເບີກ ແລະ ສຳເລັດ
ແລ້ວ 13
ເຮັກຕາ ຄາດວ່າຈະຊື້ງົວ,
ຄວາຍໃຫ້ພໍ່ແມ່ປະຊາຊົນລ້ຽງຄອບຄົວໜຶ່ງ
5 ໂຕ ລວມມູນຄ່າ
4 ແສນ
51 ພັນໂດລາສະຫະລັດ.
ຈາກນັ້ນ,
ໃນວັນຕໍ່ມາກໍ່ໄດ້ລົງຕິດຕາມຊຸກຍູ້ການປູກເຂົ້ານາແຊງຂອງພໍ່ແມ່ປະຊາຊົນບ້ານຫີນລາດ,
ເມືອງສະໜາມໄຊ ເຊິ່ງມີເນື້ອ
ທີ່ໃນການປັກດຳ
72,2 ເຮັກຕາ.
ປະຈຸບັນສຳເລັດແລ້ວ
40 ກວ່າສ່ວນຮ້ອຍ ຄາດວ່າຜົນການຜະລິດສະເລ່ຍໄດ້
4 ໂຕນກວ່າ/ເຮັກຕາ.
ທັງນີ້ກໍ່ເພື່ອແກ້ໄຂ ແລະ ຫລຸດຜ່ອນຄວາມທຸກຍາກຂອງພໍ່ແມ່ປະຊາຊົນໃຫ້ຫລຸດພົ້ນໄປເທື່ອລະກ້າວ.