ການ​ນຳ​ສູນ​ກາງ​ແນວ​ລາວ​ສ້າງ​ຊາດ​ເຂົ້າອວຍ
ພອນ​ວັນ​ສ້າງຕັ້ງກອງທັບ ຄົບຮອບ 63 ປີ

ໃນວັນທີ 20 ມັງກອນ 2012 ເນື່ອງໃນໂອກາດວັນສ້າງຕັ້ງກອງທັບຄົບຮອບ 63 ປີ (20/1/1949-20/1/2012)  ທ່ານ ດຣ. ພັນດວງຈິດວົງສາກຳມະການສູນກາງພັກ,ປະທານສູນກາງແນວລາວສ້າງຊາດ, ພ້ອມທັງຄະນະໄດ້ເຂົ້າອວຍພອນໃນໂອກາດວັນສ້າງ
ຕັ້ງກອງທັບຄົບຮອບ 63 ປີ ຢູ່ທີ່ກະຊວງປ້ອງກັນປະເທດ ຈາກນັ້ນໄດ້ໄປອວຍພອນກອງພົນໃຫຍ່ທະຫານລາດທີ I, ​ເມືອງ​ວັງ​ວຽງ,
​ແຂວງ​ວຽງ​ຈັນ ​ແລະ ກອງ ຂ642 ຢູ່​ແຂວງ​ບໍລິຄຳ​ໄຊ.

ກ່ອນ​ນັ້ນໃນ​ວັນ​ທີ 19 ມັງກອນ 2012 ທ່ານ ຕົງ ​ເຢີ​ທໍ່ ກຳມະການ​ສູນ​ກາງ​ພັກ ຮອງປະທານ​ສູນ​ກາງ​ແນວ​ລາວສ້າງ​ຊາດ, ​ໄດ້​ເຂົ້າ​
ອວຍພອນການ​ນຳ​ແພດ​ຫມໍ​ຢູ່​ໂຮງຫມໍ 103 ​ແລະ ທ່ານ ນາງ ບົວ​ວອນ ອ່ອນ​ຈັນ​ຫອມ ຮອງ​ປະທານ​ສູນ​ກາງ​ແນວ​ລາວ​ສ້າງ​ຊາດ ​
ເຂົ້າ​ອວຍພອນ​ກອງພັນ​ໃຫຍ່ 11, ນອກຈາກ​ນີ້ຂ່າວ​ຍັງ​ໃຫ້​ຮູ້ອີກ​ວ່າ ​ໃນ​ໂອກາດ​ທ່ານ​ປະທານ​ໄປ​ຢ້ຽມຢາມ​ກອງ​ພົນທະຫານ​ລາດ​ທີ I ຢູ່
​ເມືອງ​ວັງ​ວຽງ, ​ແຂວງ​ວຽງ​ຈັນ ​ແລະ ກອງ​ຂ 642 ຢູ່​ແຂວງ​ບໍລິ​ຄຳ​ໄຊ ຄັ້ງນີ້ ທ່ານ ພັນ​ໂທ ປ້າ ​ສີສະຫລຽວ ທຳ​ມະ​ເທວາ ກຳມະການ
​ສູນກາງ​ແນວ​ລາວສ້າ​ງຊາດ, ປະທານ​ມູນ​ນິທິ​ຊ່ວຍ​ເຫລືອຄວາມທຸກ​ຍາກ​ແຫ່ງ​ຊາດ ພ້ອມ​ຄະນະ​ໄດ້​ນຳ​ເອົາ​ເຄື່ອງຊ່ວຍ​ເຫລືອ​ປະ​ເພດ
​ເຄື່ອງ​ອຸປະ​ໂພກຄິດ​ເປັນມູນ​ຄ່າ​ຫລາຍສິບ​ລ້ານ​ກີບ​ໄປ​ມອບ​ເພື່ອ​ເປັນຂວັນ​ກຳລັງ​ໃຈ​ໃຫ້​ນາຍ ​ແລະ ພົນທະຫານ​ໃນ​ກົມ​ກອງ​ດັ່ງກ່າວ ​
ເພື່ອເປັນ​ສິ່ງ​ຊຸກ​ຍູ້​ກຳລັງ​ໃຈ​ໃນ​ການ​ປະຕິບັດ​ຫນ້າ​ທີ່.