ບໍລິຄຳໄຊ ມອບເງິນບູລະນະຖ້ຳມູນເຊື້ອເມືອງວຽງໄຊ

ເພື່ອເປັນການປະກອບສ່ວນເຂົ້າໃນການບູລະນະປົກປັກຮັກສາສະຖານທີ່ມູນເຊື້ອປະຫວັດສາດທີ່ຖ້ຳງູ ເມືອງວຽງໄຊ ແຂວງຫົວພັນ.
ຕອນເຊົ້າວັນທີ 1 ກຸມພາ 2012 ນີ້, ຄະນະພັກ, ອຳນາດການປົກຄອງແຂວງບໍລິຄຳໄຊ ໄດ້ນຳເອົາເງິນຈຳນວນ 200 ລ້ານກີບມາມອບ
ໃຫ້ຄະນະຈັດຕັ້ງສູນກາງພັກ; ພິທີດັ່ງກ່າວໄດ້ຈັດຂຶ້ນທີ່ສຳນັກງານຄະນະຈັດຕັ້ງສູນກາງພັກ ໂດຍມີສະຫາຍ ດຣ. ກອງແກ້ວ ໄຊສົງຄາມ
ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງບໍລິຄຳໄຊເປັນຜູ້ກ່າວມອບ ແລະ ສະຫາຍ ດຣ. ອ່ອນແກ້ວ ພົມມະກອນ ຮອງຫົວໜ້າ
ຄະນະຈັດຕັ້ງສູນກາງພັກຕາງໜ້າໃຫ້ຄະນະຈັດຕັ້ງສູນກາງພັກເປັນຜູ້ກ່າວຮັບໂດຍຊ້ອງໜ້າພະນັກງານທັງສອງຝ່າຍທີ່ກ່ຽວຂ້ອງ ເຊິ່ງຈຳ
ນວນເງິນດັ່ງກ່າວແມ່ນໄດ້ຈາກການສົມທົບທຶນຈາກພາກສ່ວນຕ່າງໆຂອງແຂວງ. ຈຸດປະສົງໃນການມອບເງິນຄັ້ງນີ້ແມ່ນແນໃສ່ປະກອບ
ສ່ວນປົກປັກຮັກສາ ແລະ ບູລະນະຖ້ຳມູນເຊື້ອ ຊຶ່ງເປັນສຳນັກງານບ່ອນເຮັດວຽກຂອງຄະນະຈັດຕັ້ງສູນກາງພັກໃນສະໄຫມຕໍ່ສູ້ກູ້ຊາດເມື່ອ
ກ່ອນຢູ່ເມືອງວຽງໄຊ ແຂວງຫົວພັນທີ່ເປັນຮ່ອງຮອຍປະຫວັດສາດຕິດພັນກັບປະຫວັດການກຳເນີດ ແລະ ການເຕີບໃຫຍ່ຂະຫຍາຍຕົວຂອງ
ວຽກງານຈັດຕັ້ງພັກ-ພະນັກງານຂອງພັກປະຊາຊົນປະຕິວັດລາວ. ໃນໂອກາດນີ້, ສະຫາຍ ດຣ. ອ່ອນແກ້ວ ພົມມະກອນ ຮອງຫົວໜ້າຄະ
ນະຈັດຕັ້ງສູນກາງພັກໄດ້ສະແດງຄວາມຍ້ອງຍໍຊົມເຊີຍ ແລະ ຂອບໃຈຕໍ່ຄະນະພັກ, ອຳນາດການປົກຄອງແຂວງບໍລິຄຳໄຊທີ່ໃຫ້ການຊ່ວຍ
ເຫລືອໃນຄັ້ງນີ້ ຊຶ່ງເປັນການປະກອບສ່ວນອັນໃຫຍ່ຫລວງເຂົ້າໃນການບູລະນະສະຖານທີ່ທີ່ເປັນຕົ້ນກຳເນີດມູນເຊື້ອຂອງຄະນະຈັດຕັ້ງສູນ
ກາງພັກໃຫ້ຄົງຢູ່ຕະຫລອດໄປ.