ບົດນໍາ ຊົມເຊີຍການຢ້ຽມຢາມ ສປປ ລາວ
ຢ່າງເປັນທາງການຂອງພະນະທ່ານ
ເຈືອງ ເຕິນຊາງ
ປະທານປະເທດ ແຫ່ງ
ສສ ຫວຽດນາມ
ຢ່າງສຸດໃຈ
ໂດຍຕອບສະຫນອງຄຳເຊີນຂອງພະນະທ່ານ ຈູມມາລີ ໄຊຍະສອນ ປະທານປະເທດແຫ່ງສາທາລະນະລັດ ປະຊາທິປະໄຕ
ປະຊາຊົນລາວ,
ພະນະທ່ານ ເຈືອງ
ເຕິນຊາງ
ປະທານປະເທດແຫ່ງສາທາລະນະລັດສັງຄົມນິຍົມຫວຽດນາມ
ພ້ອມດ້ວຍພັນລະຍາ
ແລະ
ຄະນະໄດ້ເດີນທາງມາຢ້ຽມຢາມສັນຖະວະໄມຕີສາທາລະນະລັດ ປະຊາທິປະໄຕ ປະຊາຊົນລາວ
ຢ່າງເປັນທາງການ,
ແຕ່ວັນ
ທີ 9-11 ກຸມພາ
2012. ການເດີນທາງມາຢ້ຽມຢາມດັ່ງກ່າວນີ້ມີຂຶ້ນໃນຂະນະທີ່ປະຊາຊົນລາວບັນດາເຜົ່າກຳລັງຈັດຕັ້ງເຊື່ອມຊຶມຜັນ
ຂະຫຍາຍມະຕິກອງປະຊຸມໃຫຍ່ ຄັ້ງທີ
IX ຂອງພັກ,
ການສະເຫລີມສະຫລອງປີສາມັກຄີມິດຕະພາບລາວ-ຫວຽດນາມຄື:
35 ປີວັນ
ເຊັນສົນທິສັນຍາມິດຕະພາບ ແລະ ການຮ່ວມມື
(18/7/1977-18/7/2012) ແລະ ການສ້າງຕັ້ງສາຍພົວພັນການທູດຄົບຮອບ
50 ປີ
(5/9/1962-5/9/2012), ປະຊາຊົນລາວບັນດາເຜົ່າທົ່ວທັງປະເທດມີຄວາມປິຕິຊົມຊື່ນ
ແລະ ເອກອ້າງທະນົງໃຈທີ່ໄດ້ມີໂອກາດຂ່ຳນັບ
ຮັບຕ້ອນພະນະທ່ານ ເຈືອງ
ເຕິນຊາງ, ປະທານປະເທດແຫ່ງສາທາລະນະລັດສັງຄົມນິຍົມຫວຽດນາມ
ພ້ອມດ້ວຍພັນລະຍາ ແລະ
ຄະ
ນະເພື່ອນມິດທີ່ສະໜິດສະໜົມຂອງປະຊາຊົນລາວພວກເຮົາ
ທີ່ໄດ້ນຳເອົານ້ຳໃຈມິດຕະພາບອັນຍິ່ງໃຫຍ່ ແລະ ຄວາມສາມັກຄີຮັກແພງ
ແບບພິເສດຂອງປະຊາຊົນຫວຽດນາມອ້າຍນ້ອງມາສູ່ປະຊາຊົນລາວບັນດາເຜົ່າລາວ
ແລະ ຫວຽດນາມແມ່ນສອງປະເທດອ້າຍນ້ອງທີ່ຢູ່
ຮ່ວມກັນບົນແຫລມອິນດູຈີນ,
ປະຊາຊົນສອງຊາດມີມູນເຊື້ອໄປມາຫາສູ່ແລກປ່ຽນສິນຄ້າແລກປ່ຽນວັດທະນະທຳ,
ມີການໄປມາຫາສູ່ກັນ
ຖານບ້ານໃກ້ເຮືອນຄຽງຢ່າງສະໜິດແໜ້ນມາແຕ່ດົນນານ.
ສາຍພົວພັນມິດຕະພາບອັນເປັນມູນເຊື້ອ,
ຄວາມສາມັກຄີພິເສດ ແລະ ການ
ຮ່ວມມືຮອບດ້ານລະຫວ່າງສອງພັກ,
ສອງລັດ ແລະ ປະຊາຊົນສອງຊາດລາວ-ຫວຽດນາມທີ່ປະທານໂຮ່ຈິມິນຜູ້ຍິ່ງໃຫຍ່ປະທານໄກສອນ
ພົມວິຫານ ແລະ ປະທານສຸພານຸວົງ ເປັນຜູ້ກໍ່ຕັ້ງ
ແລະ ຝຶກຝົນຫລໍ່ຫລອມບົນແປວໄຟປະຕິວັດ ແລະ ໄດ້ຜ່ານຜ່າການທົດສອບນາໆປະ
ການມານັ້ນປະຈຸບັນໄດ້ກາຍເປັນມໍລະດົກອັນລ້ຳຄ່າ,
ເປັນກົດເກນແຫ່ງການຄົງຕົວ
ແລະ ຂະຫຍາຍຕົວຂອງທັງສອງຊາດ,
ເປັນປັດໄຈ
ຕັດສິນໄຊຊະນະຂອງແຕ່ລະປະເທດ ແລະ ພວມໄດ້ຮັບການເພີ່ມທະວີ ແລະ ຂະຫຍາຍຕົວທັງທາງກ້ວາງ ແລະ ທາງເລິກໃນທຸກຂົງເຂດ
ແລະ
ແຕກດອກອອກຜົນຢ່າງບໍ່ຢຸດຢັ້ງນຳເອົາຜົນປະໂຫຍດຢ່າງແທ້ຈິງມາໃຫ້ປະຊາຊົນສອງຊາດ.
ບົນພື້ນຖານສັນຍາວ່າດ້ວຍການຮ່ວມມື
ດ້ານເສດຖະກິດ,
ວັດທະນະທຳ,
ສຶກສາ,
ວິທະຍາສາດ-ເຕັກນິກໃນປີທີ່ຜ່ານມາສອງຝ່າຍໄດ້ປະສານສົມທົບກັນຢ່າງແໜ້ນແຟ້ນໃນການ
ຈັດຕັ້ງປະຕິບັດບັນດາຂໍ້ຕົກລົງທີ່ໄດ້ເຊັນກັນ;
ການຮ່ວມມືລະຫວ່າງສອງປະເທດໃນຫລາຍຂົງເຂດມີການຫັນປ່ຽນຢ່າງຕັ້ງໜ້າດ້ວຍເນື້ອໃນ
ຮູບການທີ່ອຸດົມສົມບູນ,
ນັບມື້ນັບເຂົ້າສູ່ລວງເລິກ,
ແທດເໝາະກັບຕົວຈິງມີປະສິດທິຜົນປະກອບສ່ວນເຂົ້າໃນການປັບປຸງ ແລະ
ເພີ່ມທະວີ
ສາຍພົວພັນທີ່ເປັນມູນເຊື້ອ,
ຄວາມສາມັກຄີພິເສດລະຫວ່າງສອງປະເທດການພົບປະແລກປ່ຽນຄະນະຜູ້ແທນລະຫວ່າງການນຳຂັ້ນສູງ ແລະ
ຂັ້ນຕ່າງໆ,
ບັນດາຂະແໜງການ,
ທ້ອງຖິ່ນຂອງສອງປະເທດ ໂດຍສະເພາະແມ່ນການຢ້ຽມຢາມຂອງການນຳຂັ້ນສູງຂອງພັກ,
ລັດ,
ສະພາ
ແຫ່ງຊາດ ແລະ ລັດຖະບານພາຍຫລັງກອງປະຊຸມໃຫຍ່ຂອງແຕ່ລະຝ່າຍພ້ອມດ້ວຍຜົນສຳເລັດຂອງກອງປະຊຸມຂອງຄະນະກຳມາທິການຮ່ວມ
ມືລະຫວ່າງສອງລັດຖະບານໄດ້ປະກອບສ່ວນເຮັດໃຫ້ການພົວພັນດ້ານຕ່າງໆໄດ້ຮັບການປັບປຸງ ແລະ ເສີມຂະຫຍາຍຢ່າງໜັກແໜ້ນ,
ສ້າງ
ຄວາມໄວ້ເນື້ອເຊື່ອໃຈ,
ຄວາມຜູກພັນລະຫວ່າງການນຳ ແລະ ປະຊາຊົນສອງປະເທດໃຫ້ມີຄວາມເລິກເຊິ່ງກວ່າເກົ່າ.
ປະຊາຊົນລາວບັນດາເຜົ່າຂໍສະແດງຄວາມຊົມເຊີຍຢ່າງສຸດອົກສຸດໃຈຕໍ່ການເດີນທາງມາຢ້ຽມຢາມສັນຖະວະໄມຕີສາທາລະນະລັດ ປະຊາທິປະ
ໄຕ ປະຊາຊົນລາວຢ່າງເປັນທາງການຂອງພະນະທ່ານ ເຈືອງ ເຕີນຊາງປະທານປະເທດແຫ່ງສາທາລະນະລັດສັງຄົມນິຍົມຫວຽດນາມ
ພ້ອມ
ດ້ວຍພັນລະຍາ ແລະ ຄະນະ, ພ້ອມກັນນັ້ນກໍ່ຂໍອວຍພອນໃຫ້ການມາຢ້ຽມຢາມຄັ້ງນີ້ຈົ່ງປະສົບຜົນສຳເລັດຢ່າງຈົບງາມ
ຊຶ່ງຈະເປັນການປະກອບ
ສ່ວນອັນສຳຄັນເຂົ້າໃນການຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຣ່ວມມືຮອບດ້ານລະຫວ່າງສອງພັກ,
ສອງລັດ ແລະ ປະຊາຊົນສອງຊາດລາວ-ຫວຽດນາມທີ່ມີມູນເຊື້ອອັນດີງາມມາເປັນເວລາຍາວນານນັ້ນໃຫ້ກ້າວສູ່ລະດັບສູງໃໝ່ເພື່ອຜົນປະໂຫຍດ
ຂອງປະຊາຊົນສອງຊາດລາວ-ຫວຽດນາມກໍ່ຄືເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ແລະ ໃນໂລກ.