ລັດຖະມົນຕີກະຊວງຍຸຕິທຳ ຕ້ອນຮັບຄະນະຜູ້ແທນລຸກຊຳບວກ


...

28.05.2019 9:43     

   ທ່ານ ໄຊສີ ສັນ-ຕິວົງ ລັດຖະມົນຕີກະຊວງຍຸຕິທຳ ໄດ້ຕ້ອນຮັບ ທ່ານ ສະເຕຟານ ບອມ (Stefan Braum) ຫົວໜ້າຄະນະຜູ້ແທນຈາກມະຫາວິທະຍາໄລ ລຸກຊຳບວກ ພ້ອມຄະນະເຂົ້າຢ້ຽມຂາໍ່ນັບ ເມື່ອບໍ່ດົນຜ່ານມາ ທີ່ຫ້ອງຮັບແຂກ ກະຊວງດັ່ງກ່າວ ໃນໂອກາດ ທີ່ທ່ານພ້ອມຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ໃນໂອ-ກາດດັ່ງກ່າວ ທ່ານ ລັດຖະມົນຕີກະຊວງຍຸຕິທຳ ໄດ້ສະແດງຄວາມຍິນດີຕ້ອນຮັບ ທ່ານ ສະເຕຟານ ບອມ ພ້ອມຄະນະທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຊຶ່ງເປັນການປະກອບສ່ວນເສີມສ້າງສາຍພົວພັນຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນລະຫວ່າງ ລາວລຸກຊຳ ບວກທີ່ມີມາແຕ່ດົນນານແລ້ວນັ້ນໃຫ້ ນັບມື້ເພີ່ມພູນຄູນສ້າງຍິ່ງໆຂຶ້ນ, ທ່ານລັດຖະມົນຕີຍັງ ໄດ້ສະແດງຄວາມຂອບໃຈລັດ ຖະບານລຸກຊຳບວກທີ່ໃຫ້ການ ສະໜັບສະໜູນກະຊວງຍຸຕິທຳ ໂດຍຜ່ານໂຄງການສະ ໜັບສະນູນການຝຶກອົບຮົມ ແລະ ການສິດ-ສອນກົດໝາຍ ເພື່ອສ້າງຄວາມເຂັ້ມ ແຂງການສ້າງລັດທີ່ປົກຄອງດ້ວຍກົດໝາຍ (LAO/031) ຊຶ່ງເປັນຂີດໝາຍສຳຄັນໃນການຍົກລະດັບຄວາມຮູ້ຄວາມສາມາດທາງດ້ານກົດໝາຍໃຫ້ແກ່ພະນັກງານບັນດາກົມ, ຄູອາຈານສະຖາບັນຍຸຕິທຳແຫ່ງຊາດຂອງ ກະຊວງຍຸຕິທຳ ແລະ ຫວັງຢ່າງຍິ່ງວ່າຈະມີການຮ່ວມມືທາງດ້ານເຕັກ-ນິກວິຊາການ ແລະ ແລກປ່ຽນບົດຮຽນຊຶ່ງກັນ ແລະ ກັນລະຫວ່າງ ກະຊວງຍຸຕິທຳ ແລະ ມະຫາວິທະຍາໄລລຸກຊຳບວກໃນຕໍ່ໜ້າ. ທ່ານ ສະເຕຟານ ບອມກໍໄດ້ສະແດງຄວາມຂອບໃຈຕໍ່ທ່ານລັດຖະມົນຕີກະຊວງຍຸຕິທຳທີ່ໄດ້ໃຫ້ການຕ້ອນ-ຮັບຢ່າງອົບອຸ່ນ ພ້ອມນີ້ຍັງໄດ້ແຈ້ງຈຸດປະສົງໃນການເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ໃຫ້ທ່ານໄດ້ ຮັບຊາບອີກດ້ວຍ. (ຂ່າວ-ພາບ: ສຳນານ)