ລັດຖະມົນຕີ ຮສສ ຕ້ອນຮັບຄະນະຜູ້ແທນ ສູນແລກປ່ຽນການຮ່ວມມືມິດຕະພາບສາກົນ ສປ ຈີນ


...

05.06.2019 11:08     

   ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຕ້ອນຮັບທ່ານ ເຄີ້ ຈື້ ຫົວ ປະທານສູນແລກປ່ຽນການ ຮ່ວມມືມິດຕະພາບສາກົນ ສປ ຈີນ ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ເມື່ອວັນທີ 4 ມິຖຸນາ ຜ່ານມາ ທີ່ຫ້ອງຮັບແຂກ ຮສສ.
ທ່ານ ຄຳແພງ ໄຊສົມແພງ ໄດ້ສະແດງຄວາມຍ້ອງຍໍຊົມເຊີຍ ແລະ ຍິນດີຕ້ອນຮັບທ່ານ ເຄີ້ ຈື້ ຫົວ ພ້ອມດ້ວຍຄະນະທີ່ໄດ້ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ຊຶ່ງຈະເປັນການປະກອບສ່ວນເສີມສ້າງຮັດແໜ້ນສາຍພົວພັນ ມິດຕະພາບ ແລະ ການຮ່ວມມື ລະຫວ່າງ ສປປ ລາວ - ສປ ຈີນ ທີ່ມີມາແລ້ວນັ້ນ ໃຫ້ເຕີບໃຫ່ຍຂະຫຍາຍຕົວຢ່າງບໍ່ຢຸດຢັ້ງ.
ທ່ານ ເຄີ້ ຈື້ ຫົວ ໄດ້ສະ ແດງຄວາມຂອບໃຈຕໍ່ທ່ານລັດ ຖະມົນຕີ ທີ່ໄດ້ໃຫ້ການຕ້ອນຮັບ ພ້ອມທັງໄດ້ແຈ້ງເຖິງຈຸດປະສົງຂອງການເດີນທາງຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ໃຫ້ທ່ານ ລມຕ ຊາບອີກດ້ວຍ.
(ຂ່າວ: ຮສສ)