ລາວ-ຈີນ ຫາລືຊ່ອງທາງການຮ່ວມມືດ້ານທຸລະກິດ ໃນຂົງເຂດວິທະຍາສາດ ແລະ ເຕັກໂນໂລຊີ


...

05.06.2019 11:08     

   ໃນການເສີມສ້າງການຮ່ວມມືຂອງສອງປະເທດ ສປປ ລາວ ແລະ ສປ ຈີນ ໂດຍສະເພາະການມາເຮັດວຽກກັບ ສປປ ລາວ ຄັ້ງນີ້ ໂດຍມີຫົວຂໍ້ຫຼັກແມ່ນການສ້າງສູນກວດກາ ແລະ ແລະ ຢັ້ງຢືນມາດຕະຖານສາກົນ ຢູ່ ສປປ ລາວ ແລະ ເສດຖະກິດດິຈິຕອນ. ທ່ານລັດຖະມົນຕີ ຍັງໄດ້ແຈ້ງໂດຍຫຍໍ້ເຖິງພາລະບົດບາດ, ກົງຈັກການຈັດຕັ້ງ ແລະ ແຜນຍຸດທະສາດຂອງກະຊວງວິທະຍາສາດ ແລະ ເຕັກໂນໂລຊີ ໃຫ້ທ່ານ ເຄີ້ ຈື້ ຫົວ ແລະ ຄະນະໄດ້ຮັບຊາບ ເພື່ອເປັນຂໍ້ມູນພື້ນຖານໃນການຫາຊ່ອງທາງຮ່ວມມືກັນໃນອະນາຄົດ ໂດຍສະເພາະແມ່ນການຊຸກຍູ້ສົ່ງເສີມໃຫ້ບັນດາວິສາຫະກິດ, ທຸລະກິດ ແລະ ຜູ້ປະກອບການ ຂົງເຂດວິທະຍາສາດ-ເຕັກໂນໂລຊີ ແລະ ດີຈີຕອນຂອງທັງສອງປະເທດ ສປປ ລາວ - ສປ ຈີນ ໃນອະນາຄົດໃຫ້ເປັນກຳລັງແຮງໃນການຂັບເຄື່ອນການພັດ ທະນາເສດຖະກິດ-ສັງຄົມຂອງ ສປປ ລາວ. ພ້ອມນັ້ນ, ກໍຖືເປັນການຈັດຕັ້ງປະຕິບັດຕາມນະໂຍບາຍ "ໜຶ່ງແລວ ໜຶ່ງເສັ້ນ ທາງ" ຂອງ ສປ ຈີນ ແລະ ທັງເປັນການຈັດຕັ້ງປະຕິບັດສາຍພົວພັນ ລະຫວ່າງ ລາວ-ຈີນ ທີ່ເປັນສາຍພົວພັນຄູ່ຮ່ວມຍຸດ ທະສາດຮອບດ້ານໄດ້ມີການເຕີບໃຫຍ່ຂະຫຍາຍຕົວຂຶ້ນ ຢ່າງບໍ່ຢຸດຢັ້ງ ແລະ ນຳຜົນປະໂຫຍດສູງສຸດມາສູ່ປະຊາຊົນສອງຊາດ ລາວ-ຈີນ.
ໂອກາດດຽວກັນນີ້, ທ່ານ ເຄີ້ ຈື້ ຫົວ ໄດ້ສະແດງຄວາມຂອບໃຈຕໍ່ທ່ານລັດຖະມົນຕີທີ່ໃຫ້ກຽດຕ້ອນຮັບຢ່າງອົບອຸ່ນ ພ້ອມທັງໄດ້ລາຍງານຈຸດປະສົງຂອງການມາຢ້ຽມຢາມ ແລະ ເຮັດວຽກ ຢູ່ ສປປ ລາວ ພ້ອມນັ້ນໄດ້ປຶກສາຫາລືກັບທ່ານລັດ ຖະມົນຕີ ເພື່ອຊອກຫາຊ່ອງທາງຮ່ວມມືກັນແລກປ່ຽນບົດຮຽນ ຊຶ່ງກັນ ແລະ ກັນ ໂດຍສະເພາະແມ່ນການຊຸກຍູ້ສົ່ງເສີມການນຳໃຊ້ເສດຖະກິດດີຈີຕອນ ເພື່ອປະກອບສ່ວນເຂົ້າໃນການພັດ ທະນາເສດຖະກິດ-ສັງຄົມຂອງ ສປປ ລາວ ເປັນຕົ້ນແມ່ນວຽກງານດ້ານມາດຕະຖານ ແລະ ຄຸນນະພາບ ແລະ ອື່ນໆ ທີ່ ສປ ຈີນ ມີບົດຮຽນ ແລະ ເຕັກໂນໂລຊີໃໝ່ໆທັນສະໄໝ.
(ຂ່າວ: ສຸກສະຫວັນ; ພາບ: ສຸກສາຄອນ)