ສປປ ລາວ ເປັນເຈົ້າພາບງານຕັ້ງຄ້າຍນັກຮຽນອາຊຽນ ຄັ້ງທີ 3


...

05.06.2019 11:08     

   ພິທີເປີດງານຕັ້ງຄ້າຍນັກ ຮຽນອາຊຽນ ຍາມພັກແລ້ງ ຄັ້ງທີ 3 ໂດຍ ສປປ ລາວ ເປັນເຈົ້າ ພາບໄດ້ຈັດຂຶ້ນຢ່າງເປັນທາງ ການ ເມື່ອວັນທີ 4 ມິຖຸນານີ້ ທີ່ສວນພຸໄທທິລະ ເມືອງຫາດ ຊາຍຟອງ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມ ຂອງທ່ານ ພຸດ ສິມມາລາວົງ ຮອງລັດຖະມົນຕີກະຊວງສຶກ ສາທິການ ແລະ ກິລາ, ມີແຂກຖືກເຊີນ, ພາກສ່ວນທີ່ ກ່ຽວຂ້ອງ ແລະ ນັກສຶກສາປະເທດອາຊຽນ ແລະ ແຄວ້ນໄຕ້ຫວັນເຂົ້າຮ່ວມ.
ທ່ານ ຄຳພຸດ ພົມມະສອນ ຜູ້ອຳນວຍການໂຮງຮຽນ ພອນສະຫວັນ-ຊົນເຜົ່າ ກຽມມະຫາວິທະຍາໄລ (ມຊ) ກ່າວ ວ່າ: ຈຸດປະສົງຂອງງານດັ່ງ ກ່າວຈັດຂຶ້ນ ເພື່ອໃຫ້ນັກຮຽນໄດ້ຮຽນຮູ້ກ່ຽວກັບວັດທະນະທຳຂອງແຕ່ລະປະເທດໃນອາຊຽນ ແລະ ໃຫ້ນັກຮຽນໄດ້ຮູ້ກ່ຽວກັບວັດທະນະທຳ, ວິຖີຊີວິດ, ການພັດທະນາ, ການນຸ່ງຖື ແລະ ຮີດ ຄອງປະເພນີ, ຊຶ່ງງານຄັ້ງທີ່ ໜຶ່ງຜ່ານມາແມ່ນປະເທດຫວຽດ ນາມເປັນເຈົ້າພາບມີນັກສຶກສາເຂົ້າຮ່ວມ 45 ຄົນ ແລະ ຄັ້ງທີ ສອງແມ່ນປະເທດໄທເປັນເຈົ້າ ພາບ ໂດຍເນັ້ນ ໃນການພັດທະ ນາດ້ານການທ່ອງທ່ຽວ ແລະ ວັດທະນະທຳກ່ຽວກັບຮີດຄອງ ປະເພນີອັນດີງາມ ເພື່ອໃຫ້ນັກ ຮຽນໄດ້ຮຽນຮູ້ ແລະ ແລກປ່ຽນວັດທະນະທຳ ຊຶ່ງກັນ ແລະ ກັນ.
ນັກຮຽນທີ່ເຂົ້າຮ່ວມໃນງານແຕ່ລະຄັ້ງແມ່ນນັກຮຽນຊັ້ນ ມ.ປາຍ ແລະ ກຽມມະຫາວິ ທະຍາໄລ ສຳລັບລາວເຮົາເປັນເຈົ້າພາບ ຄັ້ງທີ 3 ມີນັກຮຽນເຂົ້າຮ່ວມ 68 ຄົນ.
ງານຄັ້ງນີ້ ແມ່ນຈະເຮັດໃຫ້ນັກຮຽນບັນດາປະເທດອາຊຽນໄດ້ມາຮຽນຮູ້ ແຫຼ່ງວັດທະນະທຳຂອງລາວມີການຂະຫຍາຍຕົວແນວໃດ, ຄືລາວເຮົາໄດ້ເອົາສຽງແຄນເປັນຈຸດເດັ່ນໃນການສ້າງຊື່ສຽງໃນບັນດາປະເທດໃນອາຊຽນ ນອກຈາກນັ້ນ ຍັງໄດ້ໄປທ່ຽວຊົມວັດຖຸບູຮານຕ່າງໆ ໃນນະຄອນຫຼວງວຽງຈັນ ເຊັ່ນ: ຫໍພະແກ້ວ, ພະທາດຫຼວງ, ປະຕູໄຊ, ສວນພຶກສາ ແລະ ສວນ ພຸໄທທິລະ ແລະ ແຫ່ງອື່ນໆ, ທ່ານກ່າວ ຕື່ມວ່າ: ໃນການຈັດ ງານຄັ້ງນີ້ ໂດຍການປະກອບ ສ່ວນເປັນເຈົ້າພາບແມ່ນມະ ຫາວິທະຍາໄລແຫ່ງຊາດ ໂດຍທາງມະຫາວິທະຍາໄລແຫ່ງຊາດໄດ້ມອບໃຫ້ໂຮງຮຽນພອນສະຫວັນ-ຊົນເຜົ່າ, ໂຮງຮຽນກຽດຕິສັກນາໆຊາດ ຮ່ວມກັນເປັນເຈົ້າພາບ, ສຳລັບປະເທດອາຊຽນທີ່ມາເຂົ້າຮ່ວມຄັ້ງນີ້ ມີ 8 ປະເທດຄື: ປະເທດມາເລເຊຍ, ມຽນມາ, ຟີລິປິນ, ສິງກະໂປ, ໄທ, ຫວຽດນາມ, ສປປ ລາວ, ໃນນັ້ນຍັງມີແຄວ້ນໄຕ້ຫວັນເຂົ້າຮ່ວມ ສຳລັບກິດຈະກຳຂອງງານຄັ້ງນີ້: ຄືໃນມື້ຕ້ອນຮັບກໍໄດ້ຈັດໃຫ້ມີການບາສີສູ່ຂວັນ, ຈັດພິທີເປີດຢ່າງເປັນທາງການທີ່ສວນພຸໄທທິລະ, ຈາກນັ້ນ ກໍໄດ້ທ່ຽວຊົມພື້ນຖານວັດທະນະທຳຮີດຄອງປະເພນີອັນດີງາມຂອງລາວ ແລະ ອື່ນໆຕື່ມອີກ.
(ຂ່າວ-ພາບ: ສຳນານ)