ປະທານ ສນຊ ຕ້ອນຮັບທູດຍີ່ປຸ່ນ ເຂົ້າຢ້ຽມອຳລາ


...

13.08.2019 8:38     

   ທ່ານ ໄຊສົມພອນ ພົມ ວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ໄດ້ຕ້ອນຮັບການເຂົ້າຢ້ຽມອໍາລາຂອງທ່ານ ທາເຄຊິ ຮິຄິຮາ ຣະ (Takeshi Hikihara) ເອກອັກຄະຣາຊະທູດ ແຫ່ງ ຍີ່ປຸ່ນ ປະຈໍາ ສປປ ລາວ ໃນວັນທີ 9 ສິງຫາຜ່ານມາ ຢູ່ທີ່ ສນຊ ໃນໂອກາດທີ່ທ່ານສໍາເລັດການ ປະຕິບັດໜ້າທີ່ການທູດຢູ່ ສປປ ລາວ.
    ໂອກາດດັ່ງກ່າວ ທ່ານ ໄຊສົມພອນ ພົມວິຫານ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ການປະຕິ ບັດໜ້າທີ່ ທີ່ເປັນນັກການທູດຢູ່ ສປປ ລາວ ຂອງທ່ານ ທາເຄ ຊິ ຮິຄິຮາຣະ ຊຶ່ງຕະຫຼອດໄລ ຍະໃນການປະຕິບັດໜ້າທີ່ຢູ່ລາວນັ້ນ ທ່ານທູດໄດ້ຕັ້ງໜ້າປະກອບສ່ວນໜ້າທີ່ອັນສໍາຄັນໃນການເພີ່ມພູນຄູນສ້າງສາຍພົວພັນມິດຕະພາບ, ຄວາມສາ ມັກຄີ ແລະ ການຮ່ວມມືຊ່ວຍ ເຫຼືອລະຫວ່າງສອງລັດ ແລະ ປະຊາຊົນສອງຊາດລາວ-ຍີ່ປຸ່ນ ທີ່ເປັນມູນເຊື້ອໃຫ້ນັບມື້ກ້າວ ສູ່ລວງເລິກ, ພ້ອມນັ້ນ ທ່ານປະທານ ສນຊ ຍັງອວຍພອນ ທ່ານເອກອັກຄະຣາຊະທູດ ຈົ່ງປະສົບຜົນສຳເລັດໃນໜ້າທີ່ການງານໃໝ່ ແລະ ເດີນທາງກັບປະເທດດ້ວຍຄວາມສະຫວັດດີພາບ.
    ທ່ານທູດ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານປະທານສູນກາງແນວລາວສ້າງຊາດໃນຄັ້ງນີ້ ພ້ອມທັງສະແດງຄວາມຂອບໃຈຕໍ່ພັກ-ລັດຖະບານ ແລະ ຂະແໜງການຕ່າງໆ ຂອງລາວທີ່ອຳນວຍຄວາມສະດວກ ແລະ ໃຫ້ການສະໜັບສະໜູນຕໍ່ການປະຕິບັດໜ້າທີ່ການທູດຢູ່ ສປປ ລາວ ຈົນສຳເລັດຢ່າງຈົບງາມ.
(ຂ່າວ-ພາບ: ສນຊ)