ລາວ-ສະຫະພາບເອີຣົບ ເສີມຂະຫຍາຍ ການຮ່ວມມືດ້ານວັດທະນະທຳ


...

29.08.2019 11:05     

   ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງ ທ່ຽວ (ຖວທ) ໄດ້ຕ້ອນຮັບທ່ານ ລີໂອ ຟາເບີ (Leo Faber) ເອກ ອັກຄະລັດຖະທູດແຫ່ງສະຫະ ພາບເອີຣົບ ປະຈໍາ ສປປ ລາວ ເຂົ້າຢ້ຽມພົບປະເມື່ອວັນທີ 28 ສິງຫານີ້ທີ່ກະຊວງ ຖວທ ໂດຍ ມີຈຸດປະສົງ ເພື່ອປຶກສາຫາລືກ່ຽວກັບວຽກງານຕ່າງໆ ໃນຂອບ ເຂດການຮ່ວມມືລະຫວ່າງ ສປປ ລາວ ແລະ ສະຫະພາບເອີຣົບ ເພື່ອຈັດກິດຈະກໍາເຄື່ອນ ໄຫວທາງດ້ານວັດທະນະທໍາ ແລະ ທ່ອງທ່ຽວ ໂດຍສະເພາະການຈັດເທດສະການຮູບເງົາເອີຣົບນໍາສະເໜີວັດທະນະທໍາທີ່ທັນສະໄໝຂອງສະຫະພາບເອີຣົບ ໃຫ້ປະຊາຊົນລາວໄດ້ຮູ້ຈັກຫຼາຍຂຶ້ນ.
ໂອກາດນີ້ ທ່ານ ບໍ່ແສງຄໍາ ວົງດາລາ ກໍໄດ້ສະແດງຄວາມຍິນດີຕ້ອນຮັບທ່ານ ລີໂອ ຟາເບີ ຊຶ່ງເປັນນິມິດໝາຍອັນດີເປັນ ການປະກອບສ່ວນສໍາຄັນເຂົ້າ ໃນການເສີມຂະຫຍາຍການພົວ ພັນ, ມິດຕະພາບ, ການຮ່ວມມື ລະຫວ່າງ ລາວ-ສະຫະພາບເອີ ຣົບສືບຕໍ່ກິດຈະກໍາການຮ່ວມມືທີ່ມີມາແລ້ວນັ້ນ ແລະ ໜ້າວຽກໃໝ່ ພ້ອມທັງສະແດງຄວາມຂອບໃຈຕໍ່ສະຫະພາບເອີຣົບ ໂດຍສະເພາະແມ່ນການຮ່ວມມືທາງດ້ານວັດທະນະທໍາທີ່ທາງສະຫະພາບເອີຣົບໃຫ້ຄວາມເອົາໃຈໃສ່ ໃນ ການຍົກສະຖານທີ່ທົ່ງໄຫຫີນ ແຂວງຊຽງຂວາງຂຶ້ນເປັນມໍລະ ດົກໂລກ ແລະ ຍັງມີສະຖານທີ່ ຫີນໜາມໜໍ່ ແຂວງຄໍາມ່ວນ ຕື່ມ ອີກທີ່ຍັງຢູ່ຂັ້ນຕອນການພິຈາ ລະນາ. ຂອງອົງການອຸຍແນັສ ໂກ ພ້ອມນັ້ນ ທ່ານລັດຖະມົນ ຕີກໍໄດ້ສະແດງຄວາມຍິນດີນໍາ ການສະແດງດົນຕີແຈັສທີ່ໄດ້ຈັດຂຶ້ນທີ່ຫໍວັດທະນະທໍາແຫ່ງຊາດທີ່ຜ່ານມາ, ແມ່ນໄດ້ປະ ສົບຜົນສໍາເລັດເປັນຢ່າງດີ ແລະ ໃນຕໍ່ໜ້າອາດຈະມີຫຼາຍກິດຈະ ກໍາການຮ່ວມມືໃຫ້ຫຼາຍຂຶ້ນຕື່ມທາງດ້ານວັດທະນະທໍາ. ພ້ອມນັ້ນ ທ່ານເອກອັກຄະ ລັດຖະທູດສະຫະພາບເອີຣົບຍັງໄດ້ຢືນຢັນຈະສືບຕໍ່ການຮ່ວມ ມືນໍາກັນ ໃນດ້ານວັດທະນະທໍາ ພ້ອມທັງໄດ້ແຈ້ງກ່ຽວກັບວຽກ ງານກິດຈະກໍາເທດສະການຮູບ ເງົາເອີຣົບໃຫ້ທ່ານລັດຖະມົນຕີ ຮັບຊາບຕື່ມອີກ.
(ຂ່າວ-ພາບ: ຍຸພິນທອງ)