ຄຕພ ປາຖະກະຖາເຊ່ືອມຊຶມເອກະສານ ສຳຄັນຂອງຊາດ ແລະ ສາກົນ


...

29.08.2019 11:07     

   ຄະນະພົວພັນຕ່າງປະເທດ ສູນກາງພັກ (ຄຕພ) ໄດ້ຈັດ ປາຖະກະຖາເຊື່ອມຊຶມເອ ກະສານສຳຄັນຂອງຊາດ ແລະ ສາກົນຂຶ້ນເມື່ອບໍ່ດົນຜ່ານມາ ທີ່ ຄຕພ ໂດຍມີສະຫາຍນາງ ສູນທອນ ໄຊຍະຈັກ ກຳມະ ການສູນກາງພັກ ເລຂາຄະນະ ພັກ ຫົວໜ້າ ຄຕພ, ມີບັນດາ ສະຫາຍໃນຄະນະພັກ, ຄະນະ ກົມ, ພະແນກ ແລະ ພະນັກງານ ວິຊາການພາຍໃນ ຄຕພ ເຂົ້າຮ່ວມຮັບຟັງຢ່າງພ້ອມພຽງ.
ສະຫາຍນາງ ສູນທອນ ໄຊຍະຈັກ ໄດ້ປາຖະກະຖາຫວນ ຄືນມູນເຊື້ອວັນຢຶດອຳນາດທົ່ວ ປະເທດ 23 ສິງຫາ ປີ 1945 ຄົບຮອບ 74 ປີ, ວັນຢຶດອຳນາດ ທົ່ວປະເທດ ໃນເດືອນສິງຫາ ປີ 1975 ແລະ ວັນສ້າງຕັ້ງແນວລາວສ້າງ ຊາດ ຄົບຮອບ 69 ປີ ຊຶ່ງສະ ຫາຍໄດ້ຍົກໃຫ້ເຫັນມູນເຊື້ອ ການຕໍ່ສູ້ກູ້ຊາດອັນພິລະອາດ ຫານຂອງປະຊາຊົນລາວກ່ອນ ທີ່ບໍ່ທັນມີພັກປະຕິວັດນຳພາ ແລະ ການຕໍ່ສູ້ຕ້ານພວກລ່າເມືອງ ຂຶ້ນແບບເກົ່າ ແລະ ໃໝ່ ພາຍ ໃຕ້ການນຳພາອັນຖືກຕ້ອງສະ ຫຼາດສ່ອງໃສຂອງພັກປະຕິວັດ ຄືພັກກອມມູນິດອິນດູຈີນ ຊຶ່ງ ເປັນຕົ້ນກຳເນີດຂອງພັກປະ ຊາຊົນປະຕິວັດລາວ ຈົນກ້າວໄປເຖິງການນຳພາຂອງພັກເຮົາ ໄປສູ່ໄຊຊະນະສຸດທ້າຍຂອງ ການຕໍ່ສູ້ກູ້ຊາດ ແລະ ສຳເລັດ ການປະຕິວັດຊາດ ປະຊາທິ ປະໄຕ ສະຖາປະນາເປັນ ສປປ ລາວ ໃນປີ 1975 ແລະ ໄດ້ຫວນ ຄືນປະຫວັດການກຳເນີດ, ການ ເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າງາມ, ຜົນ ງານອັນພົ້ນເດັ່ນຂອງແນວລາວສ້າງຊາດຕະຫຼອດໄລຍະ 69 ປີ ຜ່ານມາ. ສະຫາຍນາງ ສູນທອນ ໄຊຍະຈັກ ຍັງໄດ້ປາ ຖະກະຖາວັນສ້າງຕັ້ງອາຊຽນ ຄົບຮອບ 52 ປີ ໂດຍໄດ້ຫວນ ຄືນປະຫວັດຄວາມເປັນມາຂອງ ອາຊຽນ, ການສ້າງປະຊາຄົມອາຊຽນ ແລະ ຜົນປະໂຫຍດທີ່ ສປປ ລາວ ໄດ້ຮັບການຮ່ວມມືກັບອາຊຽນ ແລະ ສາກົນ ພ້ອມຍົກໃຫ້ເຫັນຄວາມຫຍຸ້ງຍາກ ແລະ ສິ່ງທ້າທາຍທີ່ປະເທດເຮົາ ຈະຕ້ອງປັບຕົວໃນການເຊື່ອມໂຍງກັບສາກົນ.
ໃນພິທີປາຖະກະຖາຄັ້ງ ນີ້ ສະຫາຍ ສົມພອນ ສິຈະເລີນ ຮອງຫົວໜ້າ ຄຕພ ກໍໄດ້ຂຶ້ນ ປາຖະກະຖາວັນລັດຖະທຳມະ ນູນ ແຫ່ງ ສປປ ລາວ ຄົບຮອບ 28 ປີ ໂດຍສະຫາຍໄດ້ເນັ້ນເຖິງຄວາມສຳຄັນຂອງລັດຖະທຳມະນູນ ແລະ ການປະຕິບັດ ລັດຖະທຳມະນູນ, ການສ້າງລະບົບກົດໝາຍ ເພື່ອແນໃສ່ສ້າງລັດເຮົາເປັນລັດທີ່ຄຸ້ມຄອງ ດ້ວຍກົດໝາຍ ເພື່ອປົກປ້ອງສິດທິອັນຊອບທຳ ແລະ ນຳເອົາ ຜົນປະໂຫຍດຕົວຈິງມາສູ່ປະ ຊາຊົນລາວບັນດາເຜົ່າ. ສະຫາຍ ຍັງໄດ້ປາຖະກະຖາວັນເກີດ ທ່ານ ຟີແດນ ກາສໂຕຣຣຸດ ຄົບຮອບ 93 ປີທີ່ເປັນຜູ້ນຳທີ່ ແສນເຄົາລົບຮັກ, ເປັນວິລະ ຊົນ ແລະ ນັກປະຕິວັດທີ່ດີເດັ່ນ ຂອງປະຊາຊົນກູບາ ແລະ ປະ ຊາຊົນຊາວຜູ້ອອກແຮງງານທີ່ຮັກຫອມສັນຕິພາບ ໃນໂລກ ແລະ ໃນຕ້ອນທ້າຍຂອງການປາຖະກະຖາ ສະຫາຍ ສົມພອນ ສິຈະເລີນ ຍັງໄດ້ເຜີຍແຜ່ເອກະ ສານກ່ຽວກັບດຳລັດຂອງລັດ ຖະບານ ວ່າດ້ວຍການແຂ່ງຂັນ ແລະ ຍ້ອງຍໍ, ຄຳແນະນຳຂອງ ກະຊວງພາຍໃນກ່ຽວກັບການ ຈັດຕັ້ງປະຕິບັດດຳລັດ ວ່າດ້ວຍ ການແຂ່ງຂັນ ແລະ ຍ້ອງຍໍ ໂດຍ ຍົກໃຫ້ເຫັນເຖິງເນື້ອໃນ, ຫຼັກ ການ, ລະບຽບການ ແລະ ມາດຕະການ ໃນການຄຸ້ມຄອງ, ຕິດ ຕາມ, ກວດກາການເຄື່ອນໄຫວ ວຽກງານແຂ່ງຂັນຍ້ອງຍໍ ເພື່ອ ເຮັດໃຫ້ວຽກງານດັ່ງກ່າວໄດ້ ຮັບການຈັດຕັ້ງປະຕິບັດໃຫ້ມີປະສິດທິພາບ ແລະ ມີຄວາມເປັນເອກະພາບ.
(ຂ່າວ-ພາບ: ສຸກສະຫວັນ)