ຄະນະຜູ້ແທນກຳປູເຈຍ ຢ້ຽມຢາມ ແລະ ເຮັດວຽກ ທີ່ ສປປ ລາວ


...

09.09.2019 9:42     

   ທ່ານ ທອງລຸນ ສີສຸລິດ ນາ ຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບທ່ານ ປຣາກໂຊຄົນ ຮອງນາຍົກລັດ ຖະມົນຕີ ລັດຖະມົນຕີກະຊວງ ການຕ່າງປະເທດ ແລະ ຮ່ວມມືສາກົນ ແຫ່ງ ຣາຊະອານາຈັກ ກຳປູເຈຍ ເມື່ອວັນທີ 6 ກັນຍາ ຜ່ານມາ ທີ່ສຳນັກງານນາຍົກ ລັດຖະມົນຕີ ເນື່ອງໃນໂອກາດ ທີ່ທ່ານ ປຣາກໂຊຄົນ ເດີນທາງມາຢ້ຽມຢາມ ສປປ ລາວ ຢ່າງ ເປັນທາງການຕາມການເຊື້ອ ເຊີນຂອງທ່ານລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ. ໃນການພົບປະ ລະຫວ່າງແຂກ ແລະ ເຈົົ້າພາບໄດ້ ດຳເນີນໄປດ້ວຍບັນຍາກາດແຫ່ງ ໄມຕີຈິດມິດຕະພາບ ແລະ ຄວາມເຂົ້າອົກເຂົ້າໃຈຊຶ່ງກັນ ແລະ ກັນເປັນຢ່າງດີ.
ຂ່າວແຈ້ງໃຫ້ຮູ້ຕື່ມອີກ ວ່າ: ກ່ອນການເຂົ້າຢ້ຽມຂາໍ່ນັບທ່ານນາຍົກລັດຖະມົນຕີ ແຫ່ງ ສປປ ລາວ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການຢ້ຽມຢາມເຮັດວຽກຂອງ ຄະນະຜູ້ແທນກຳປູເຈຍ ນຳ ໂດຍທ່ານ ປຣາກໂຊຄົນ ຮອງ ນາຍົກລັດຖະມົນຕີ ລັດຖະ ມົນຕີກະຊວງການຕ່າງປະເທດ ແລະ ຮ່ວມມືສາກົນ ແຫ່ງ ຣາຊະອານາຈັກກຳປູເຈຍ. ຈຸດ ປະສົງຂອງການຢ້ຽມຢາມ ແລະ ເຮັດວຽກຂອງຄະນະຜູ້ແທນກຳປູເຈຍ ໃນຄັ້ງນີ້ແມ່ນ ເພື່ອປຶກສາຫາລື ແລະ ແລກ ປ່ຽນຄຳຄິດຄຳເຫັນກ່ຽວກັບການກະກຽມໃຫ້ແກ່ການຢ້ຽມ ຢາມຢ່າງເປັນທາງການຢູ່ຣາ ຊະອານາຈັກກຳປູເຈຍຂອງ ທ່ານ ທອງລຸນ ສີສຸລິດ ນາຍົກ ລັດຖະມົນຕີ ແຫ່ງ ສປປ ລາວ ໃນໄວໆນີ້. ພ້ອມກັນນີ້, ທັງສອງຝ່າຍໄດ້ສືບຕໍ່ປະຕິບັດຕາມການຕົກລົງຂອງສອງນາຍົກລັດຖະມົນຕີລາວ ແລະ ກຳປູເຈຍ ກ່ຽວກັບຮ່າງຂໍ້ກຳນົດ ວ່າດ້ວຍການສະເໜີຂໍໃຫ້ລັດ ຖະບານຝຣັ່ງສົ່ງຊ່ຽວຊານມາຊ່ວຍຖ່າຍທອດແຜນທີ່ ແລະ ສະໜອງເອກະສານທາງການ ແລະ ແຜນທີ່ທີ່ກ່ຽວຂ້ອງໃຫ້ລາວ ແລະ ກຳປູເຈຍ ເພື່ອເປັນ ບ່ອນອີງໃຫ້ແກ່ການແກ້ໄຂ ບັນ ຫາຊາຍແດນທີ່ຄົງຄ້າງ ຊຶ່ງທັງສອງຝ່າຍຍັງບໍ່ທັນໄດ້ສຳຫຼວດ ແລະ ປັກຫຼັກໝາຍຊາຍແດນຮ່ວມກັນນັ້ນໃຫ້ສຳເລັດໂດຍໄວ ເພື່ອສ້າງຊາຍແດນລະຫວ່າງສອງປະເທດໃຫ້ເປັນຊາຍແດນແຫ່ງສັນຕິພາບມິດຕະພາບ ແລະ ຮ່ວມມືພັດທະນາຢ່າງຍືນຍົງ.
ໃນລະຫວ່າງກອງປະຊຸມປຶກສາຫາລືຮ່າງຂໍ້ກຳນົດຮ່ວມ (TOR) ທັງສອງຝ່າຍໄດ້ຕີລາ ຄາສູງຕໍ່ຜົນສຳເລັດ ໃນຂອບການຮ່ວມມືດ້ານຕ່າງໆ ໃນໄລ ຍະຜ່ານມາ ພ້ອມທັງໄດ້ແລກ ປ່ຽນທັດສະນະຂອງຕົນກ່ຽວກັບຮ່າງຂໍ້ກຳນົດດັ່ງກ່າວຢ່າງສ້າງສັນກົງໄປກົງມາ ແລະ ໄດ້ເອກະພາບກັນທາງດ້ານຫຼັກ ການພື້ນຖານ ເພື່ອຈະໄດ້ລາຍງານຜົນການປຶກສາຫາລືຄັ້ງນີ້ໃຫ້ແກ່ຂັ້ນເທິງຂອງຕົນ ແລະ ຈະສືບຕໍ່ປຶກສາຫາລືລາຍລະ ອຽດຮ່ວມກັນຕໍ່ໄປ ເພື່ອໃຫ້ສາ ມາດບັນລຸຂໍ້ກຳນົດຮ່ວມດັ່ງ ກ່າວໂດຍໄວ ແລະ ຈະໄດ້ນຳ ສະເໜີຕໍ່ລັດຖະບານຝຣັ່ງຕໍ່ໄປ.
(ຂ່າວ: ກະຊວງການຕ່າງ ປະເທດ, ພາບ: ພູວຽງຄຳ)