ສະເຫຼີມສະຫຼອງວັນຊາດ ສປປ ເກົາຫຼີ ຄົບຮອບ 71 ປີ


...

11.09.2019 9:20     

   ທ່ານ ລີຢົງຊົນ ເອກອັກຄະລັດຖະທູດ ແຫ່ງ ສປປ ເກົາຫຼີ ປະຈຳ ສປປ ລາວ ໄດ້ຈັດງານລ້ຽງອາຫານຄ່ຳ ເນື່ອງໃນໂອກາດວັນສະຖາປະນາ ສປປ ເກົາຫຼີ ຄົບຮອບ 71 ປີ (9/9/1948-9/9/2019) ຂຶ້ນທີ່ຮ້ານອາຫານແບກດູ-ຫານນາ ຢູ່ໃນໂຮງແຮມເມືອງແທງໂດຍການເຂົ້າຮ່ວມເປັນກຽດຂອງ ທ່ານ ປ້ານ ນ້ອຍມະນີ ປະທານສະຫະພັນກຳມະບານລາວ ປະທານສະມາຄົມມິດຕະ ພາບ ສປປ ລາວ-ສປປ ເກົາຫຼີ, ທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງ ປະເທດສູນກາງພັກ ປປ ລາວ ພ້ອມດ້ວຍແຂກຖືກເຊີນຈາກບັນດາກະຊວງ, ທະບວງກົມ ອົງການຈັດຕັ້ງມະຫາຊົນເຂົ້າຮ່ວມ. ໃນພິທີ ພາຍຫຼັງເຄົາລົບທຸງຊາດ ສປປ ລາວ ແລະ ສປປ ເກົາຫຼີແລ້ວ, ທ່ານ ລີຢົງຊົນ ກໍໄດ້ຂຶ້ນກ່າວຄຳປາໄສ ໂດຍຍົກໃຫ້ເຫັນວ່າ: ຕະຫຼອດໄລຍະ 71 ປີຜ່ານມາ ສປປ ເກົາຫຼີ ພາຍໃຕ້ການຊີ້ນຳ ແລະ ນຳພາຂອງພັກແຮງງານເກົາຫຼີ, ປະຊາຊົນທຸກຖ້ວນໜ້າຂອງ ສປປ ເກົາຫຼີ ໄດ້ເຊື່ອໝັ້ນຕໍ່ໄຊຊະນະ ແລະ ບຸກບືນຕໍ່ສູ້ເຂົ້າໃນການບັນລຸພາລະກິດສ້າງສາປະເທດສັງຄົມນິຍົມ ໃຫ້ຈະເລີນຮຸ່ງເຮືອງ ແລະ ເຂັ້ມແຂງ ມາຮອດປັດຈຸບັນ. (ຂ່າວ: ລູກເຂົ້າໜຽວ)