ລັດ­ຖະ­ມົນ­ຕີ ກະ­ຊວງ ຍທຂ ຕ້ອນ­ຮັບ​ທູດ​ຍ່ີປຸ່ນ ຄົນ​ໃໝ່

11.10.2019 8:48     

   ທ່ານ ບຸນ​ຈັນ ສິນ​ທະ​ວົງ ລັດຖະມົນຕີ​ກະຊວງໂຍທາ​ທິ​ການ ແລະ ຂົນສົ່ງ (ຍທຂ) ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ ທ່ານ ເຄ​ໂຊ ທາ​ເກ​ວະກະ ເອກ​ອັກ​ຄະ​ຣາ​ຊະ​ທູດ​ຍີ່ປຸ່ນ​ ປະ ຈຳ ສປປ ລາວ ເຂົ້າ​ຢ້ຽມຂາໍ່ນັບ ​ເມື່ອ​ບໍ່​ດົນ​ຜ່ານມາ​ນີ້ ທີ່ຫ້ອງຮັບ ແຂກ​ກະຊວງ ຍທຂ ເນື່ອງໃນ ໂອກາດ​ທີ່​ທ່ານມາ​ດຳລົງ​ຕຳ ແໜ່​ງ​ເປັນ​ເອກ​ອັກ​ຄະ​ຣາ​ຊະ​ທູດຍີ່ປຸ່ນ​ຄົນ​ໃໝ່​ ປະຈຳ​ລາວ.

   ໃນ​ໂອກາດ​ດັ່ງກ່າວ, ທ່ານ ບຸນ​ຈັນ ສິນ​ທະ​ວົງ ກໍໄດ້​ສະແດງ ​ຄວາມ​ຍິນດີຕ້ອນຮັບ ແລະ ຊົມ ເຊີຍ ພ້ອມ​ຕີ​ລາຄາສູງຕໍ່​ການ ​ເຂົ້າ​ຢ້ຽມ​ຂ່ຳນັບຂອງທ່ານ ເຄ​ໂຊ ທາ​ເກ​ວະ​ກະ ຊຶ່ງ​ມາດຳລົງ ຕຳແໜ່ງ​ເປັນ​ເອກອັກຄະ​ຣາ​ຊະ​ ທູດ​ຍີ່ປຸ່ນ​ຄົນ​ໃໝ່ ປະ​ຈໍາ ສປປ ລາວ ຄັ້ງນີ້ເປັນ​ຂີດ​ໝາຍສຳຄັນ ໃນ​ການ​ຮັດ​ແໜ້ນ​ສາຍ​ພົວພັນ​ມິດຕະພາບ ແລະ ການ​ຮ່ວມມື,ຊ່ວຍເຫຼືອ​ ຊຶ່ງ​ກັນ ແລະ ກັນ​ລະຫວ່າງ ລາວ​-​ຍີ່ປຸ່ນ ໃຫ້​ເຕີບ​ໃຫຍ່​ຂະຫຍາຍຕົວ ແລະ ແໜ້ນ​ແຟ້ນ​ຍິ່ໆ​ຂຶ້ນ ພ້ອມ​ດຽວ​ກັນນັ້ນ ຍັງ​ໄດ້​ມີ​ການ​ປຶກສາ​ຫາລືກ່ຽວ ​ກັບ​ການ​ສືບຕໍ່​ວຽກ​ງານ​ການ ​ຮ່ວມ​ມືແລກປ່ຽນວຽກງານການ​ ພັດທະນາ​ພື້ນຖານ​ໂຄງ​ລ່າງໃນ​ ຂົງເຂດ​ວຽກ​ງານ ຍທຂ ຕື່ມອີກ. ທ່ານ​ທູດ​ກໍ​ໄດ້​ສະແດງຄວາມ​ ຂອບໃຈ​ຕໍ່​ທ່ານລັດຖະມົນຕີກະ ຊວງ ຍທຂ ທີ່​ໃຫ້ການ​ຕ້ອນຮັບ ​ຢ່າງ​ອົບ​ອຸ່ນ​ໃນ​ຄັ້ງ​ນີ້.
(ຂ່າວ​-​ພາບ: ກະຊວງ ຍທຂ)