ວາງ­ສະ­ແດງ​ຮູບ​ພາບສາຍ­ໃຈ ລາວ​-​ຫວຽດ­ນາມ

14.10.2019 8:32     

    ໃນ​ວັນ​ທີ 11 ຕຸລາຜ່ານ​​ມານີ້ ທີ່​ຫໍ​ພິ​ພິ​ທະ​ພັນ ໄກສອນ ພົມວິຫານ ໄດ້​ຈັດ​ພິທີ​ເປີດ​ງານ​ວາງສະແດງ​ຮູບ​ພາບ ພາຍ​ໃຕ້​ຫົວຂໍ້ "ສາຍໃຈ ລາວ - ຫວຽດ ນາມ" ເພື່ອ​ເປັນ​ການ​ສະເຫຼີມ ສະຫຼອງ​ວັນ​ສ້າງຕັ້ງ​ສາຍ​ພົວພັນ​ທາງ​ການ​ທູດ​ ລາວ​-​ຫວຽດນາມ ຄົບຮອບ 57 ປີ ແລະ ວັນ​ປະ ກາດ​ເອກະລາດ​ຂອງ​ລາວ ຄົບ ຮອບ 74 ປີ.

   ໃນ​ພິທີ​ທີ່​ມີ​ຄວາມ​ໝາຍ​ສໍາ​ຄັນ​ນີ້ໃຫ້​ກຽດ​ເຂົ້າ​ຮ່ວມ ໂດຍ ​ທ່ານ ຄໍາ​ຜາ ພິມ​ມະ​ສອນ ຄະນະ​ ປະ​ຈໍາ​ພັກ​ຫ້ອງ​ວ່າການສູນ​ກາງ​ພັກ ຮອງ​ຫົວໜ້າ​ຫ້ອງວ່າການ​ສູນ​ກາງ​ພັກ ແລະ ມີຕາງໜ້າຈາກ​ ບັນດາ​ກະຊວງ, ອົງການ​ທີ່ກ່ຽວ ຂ້ອງ, ຫົວໜ້າ​ກົມ, ຮອງ​ກົມ, ພະນັກງານ​ອາ​ວຸ​ໂສ​ບໍາ​ນານ ແລະ ພະນັກ​ງານ​-​ລັດຖະ ກອນ ພາຍ​ໃນ​ຄະນະ​ຮັບຜິດຊອບ​ຫໍພິ​ພິ​ທະ​ພັນ ໄກສອນ ພົມວິຫານ ເຂົ້າ​ຮ່ວມ. ໃນ​ພິທີ ທ່ານ ສິງ​ທອງ ສິງຫາ​ປັນຍາ ຄະນະ​ພັກ​ຫ້ອງ​ວ່າການ​ສູນ​ກາງ​ພັກ ເລຂາ​ຄະ ນະ​ພັກ​ຮາກ​ຖານ ຮັກສາ​ການ​ຫົວໜ້າ​ຄະນະ​ຮັບຜິດຊອບ​ພິ​ພິ​ທະ​ພັນ ໄກສອນ ພົມວິຫານ ຂຶ້ນ ​ກ່າວ​ປາ​ໄສ​ເປີດ​ງານ​ວາງສະ ແດງ ແລະ ຂຶ້ນ​ຕັດ​ແຖບ​ຜ້າ​ເປີດ​ງານ​ວາງສະແດງ ຮ່ວມ​ກັບທ່ານ ເຈີນ ເຕີນ ຟ໋ອງ ວ່າການ​ຫົວໜ້າ​ພະແນ​ກວັດ​ທະ​ນະ​ທໍາ, ກິລາ ແລະ ທ່ອງ​ທ່ຽວ ແຂວງ​ເຊິນລາ ສສ ຫວຽດນາມຢ່າງ​ເປັນ​ທາງ​ການ.

   ໃນ​ການ​ຈັດ​ພິທີ​ດັ່ງກ່າວ ເປັນ​ການ​ຮ່ວມ​ມື​ລະຫວ່າງ​ຄະ ນະ​ຮັບຜິດຊອບ​ພິ​ພິ​ທະ​ພັນ ໄກສອນ ພົມວິຫານ ກັບ​ຫໍ​ພິພິ​ ທະ​ພັນ ​ແຂວງ​ເຊິ​ນ​ລາ ແຫ່ງ ສສ ຫວຽດນາມ ທີ່​ສະແດງ​ໃຫ້​ເຫັນ​ເຖິງ​ມູນເຊື້ອ​ຄວາມ​ສາມັກ​ຄີ​ພິເສດ ແລະ ການ​ຮ່ວມມືຮອບ ດ້ານ ລະຫວ່າງ ປະຊາ​ຊົນ 2 ຊາດ ລາວ - ຫວຽດນາມທີ່ໄດ້ສາ ມັກ​ຄີຊ່ວຍເຫຼືອ​ ຊຶ່ງ​ກັນ ແລະ ກັນ ໃນ​ໄລຍະ​ສົງຄາມ​ຕໍ່ສູ້​ກູ້​ຊາດ ຈົນ​ເຖິງ​ໄລຍະສ້າງສາພັດທະ ນາ​ປະເທດ​ຊາດ ໃນ​ປັດຈຸ​ບັນ.

    ໂດຍ​ແນໃສ່​ໂຄສະນາສຶກ ສາ​ອົບຮົມ​ພະນັກງານ, ສະ ມາຊິກ​ພັກ ຕະຫຼອດ​ເຖິງ​ປະ ຊາຊົນ​ລາວ​ບັນດາເຜົ່າໃຫ້​ມີ​ຄວາມ​ຮູ້ ແລະ ເຂົ້າໃຈ​ກ່ຽວກັບ ​ມູນເຊື້ອແຫ່ງ​ສາຍ​ພົວພັນມິດ ຕະພາບ, ຄວາມ​ສາມັກ​ຄີພິ ເສດ ແລະ ການ​ຮ່ວມ​ມື​ຮອບ ດ້ານ​ລະຫວ່າງ 2 ພັກ, 2 ລັດ ແລະ ປະຊາຊົນ 2 ຊາດ​ລາວ​-​ຫວຽດນາມໃຫ້​ເລິກເຊິ່ງ ພ້ອມ ​ທັງ​ເປັນ​ເຈົ້າການຖະນຸຖະໜອມ, ເພີ່ມພູນ​ຄູນ​ສ້າງ​ມູນເຊື້ອ​ດັ່ງ ກ່າວ​ໃຫ້​ຈະເລີນງອກງາມຍິ່ງໆ ຂຶ້ນ ແລະ ສືບຕໍ່​ເສີມ​ຂະຫຍາຍ​ມູນເຊື້ອ ໃນ​ເງື່ອນໄຂ​ໃໝ່.

   ຫວນ​ຄືນ​ມູນເຊື້ອ​ແຫ່ງ​ການ​ກຳເນີດ ແລະ ເຕີບໃຫຍ່ຂະ ຫຍາຍຕົວຄວາມ​ສາມັກຄີພິ ເສດ ແລະ ການ​ຮ່ວມມືຮອບ ດ້ານ ລະຫວ່າງ​ລາວ​-​ຫວຽດ ນາມ ຊຶ່ງ​ເປັນ​ປະເທດ​ບ້ານ​ໃກ້​ເຮືອນ​ຄຽງ, ມີ​ຊາຍ​ແດນ​ຮ່ວມ​ກັນ​ຍາວ 2.000 ກວ່າ​ກິໂລແມັດ ພ້ອມ​ກັນ​ຊົມໃຊ້​ແມ່​ນໍ້າ​ລຳເຊ, ພູຜາ​ປ່າດົງ, ດິນ​ດອນ​ຕອນ​ຫຍ້າ ເພື່ອ​ດຳລົງ​ຊີວິດ ແລະ ດຳເນີນ​ການ​ຕໍ່ສູ້​ຕ້ານ​ສັດຕູ​ຜູ້​ຮຸກ​ຮານໂຕ​ດຽວ​ກັນ ແລະ ມີມູນ ເຊື້ອ​ໄປ​ມາຫາສູ່​ແລກປ່ຽນສິນ ຄ້າ, ວັດທະນະທຳ​ ຊຶ່ງ​ກັນ ແລະ ກັນ, ມີ​ອຸດົມ​ຄະຕິ ແລະ ຄວາມ​ ມຸ່ງ​ມາດ​ປາຖະ​ນາອັນດ່ຽວກັນ ​ຄື: ຢາກ​ມີ​ຄວາມ​ເປັນ​ເອກະ ລາດ, ສັນຕິພາບ ແລະ ຄວາມ​ ຮັ່ງມີ​ຜາ​ສຸກ.

   ສາຍ​ພົວພັນ​ ລາວ​-​ຫວຽດ ນາມ, ຫວຽດນາມ​-​ລາວ ແມ່ນ​ການ​ເຕົ້າໂຮມ​ສິ່ງ​ຍອດ​ຍິ່ງ​ແຫ່ງ​ມານະ​ຈິດ ແລະ ຄວາມ​ມຸ່ງ​ມາດ​ປາຖະໜາ​ອັນ​ແຮງ​ກ້າ ທັງ​ຜົນ​ປະໂຫຍດ ແລະ ລວມ​ທັງ​ເລືອດ​ເນື້ອ​ເຫື່ອ​ໄຄຂອງ​ຖັນ​ແຖວການນໍາ ແລະ ປະຊາຊົນ​ທັງ 2 ປະເທດ, ບໍ່​ວ່າ​ຈັກເ​ທົ່າ ໃດ​ຮຸ່ນຄົນຕັ້ງ ແຕ່​ດົນ​ນານທີ່​ປະທານ ໂຮ່ຈິມິນ ແລະ ປະທານ ໄກສອນ ພົມວິຫານ ເປັນ​ຜູ້​ກໍ່​ຕັ້ງ, ການ​ນໍາ​ຮຸ່ນ​ຕ່າງໆ ແລະ ປະຊາຊົນ​ທັງ​ສອງ​ຊາດໄດ້​ເພີ່ມ​ພູນ​ຄູນ​ສ້າງ ເຮັດ​ໃຫ້​ສາຍ​ພົວພັນ​ມິດຕະພາບ​ ລາວ​-​ຫວຽດນາມ ໄດ້​ຕິດ​ພັນ​ຢ່າງ​ສະໜິດ​ແໜ້ນ​ຢ່າງ​ສຸດ​ກົກ​ສຸດ​ປາຍທີ່​ໃສ​ແຈ້ງ ແຫ່ງ​ຂະບວນ​ການ​ຕໍ່ສູ້​ ເພື່ອ​ເອກະລາດ, ອິດສະຫຼະ​ພາບ ແລະ ຄວາມ​ກ້າວໜ້າ​ຂອງ​ສັງ ຄົມ​ຕະຫຼອດ​ມາ.

   ວັນ​ປະກາດ​ເອກະລາດ​ຂອງ​ລາວ 12 ຕຸລາ 1945 ແມ່ນ​ວັນ​ທີ່​ມີ​ຄວາມ​ໝາຍ​ສຳຄັນ​ທາງ​ປະຫວັດສາດ​ຂອງ​ຊາດ​ລາວ​ເຮົາຍັງ​ເປັນ​ວັນ​ແຫ່ງ​ການ​ປະ ກາດ​ເອກະລາດ​​ແຫ່ງຊາດ​ລາວ​ຕໍ່​ຊາວ​ໂລກໄດ້​ຮັບ​ຮູ້ວ່າ ຜືນ​ແຜ່ນດິນ​ແຫ່ງ​ນີ້ແມ່ນ​ປະເທດ​ລາວແມ່ນ​ຄົນ​ລາວ​ເປັນ​ເຈົ້າ​ຂອງ​ປະເທດ​ຊາດ, ອຳນາດ​ອະທິປະ​ໄຕ ແລະ ຜືນ​ແຜ່ນ​ດິນອັນ​ຄົບ​ຖ້ວນ ໂດຍ​ໄດ້​ສ້າງ​ເງື່ອນໄຂ ໃຫ້​ແກ່​ການ​ປະກາດ ເອກະລາດ 12 ຕຸລາ ຊຶ່ງ​ໄດ້​ເປັນ​ຂີດ​ໝາຍ​ແຫ່ງ​ໄຊຊະນະ​ຂອງ​ການ​ຕໍ່ສູ້​ອັນ​ພິລະ​ອາດ​ຫານ ດ້ວຍ​ຄວາມ​ສາມັກຄີ ແລະ ການ​ເສຍສະຫຼະ​ອັນ​ໃຫຍ່​ຫຼວງ​ຂອງ​ກອງທັບ ແລະ ປະຊາຊົນ​ລາວ ຮ່ວມ​ສໍາ​ພັນ​ສູ້​ຮົບ​ຄຽງ​ບ່າ​ຄຽງ​ ໄ​ຫ່​ຼກັບ​ກອງທັບ ແລະ ປະຊາຊົນ​ອ້າຍ​ນ້ອງ​ຫວຽດນາມ ພາຍ​ໃຕ້​ການ​ນຳພາຂອງ​ພັກ​ກອມ​ມູ​ນິດ​ອິນດູຈີນກໍຄື​ພັກ​ປະຊາຊົນ ປະຕິວັດ​ລາວ ໃນ​ໄລຍະ​ຕໍ່​ມາ. ຊຶ່ງ​ໄດ້​ເຮັດ​ໃຫ້​ຊາວ​ໂລກ​ຮັບ​ຮູ້​ເຖິງ​ຄວາມ​ເປັນ​ຊາດ​ລາວ ກໍ​ຄື​ຮັບ​ຮູ້​ອະທິປະ​ໄຕ ແລະ ຜືນ​ແ​ຜ່ນ​ດິນ​ອັນ​ຄົບ​ຖ້ວນ, ເຂດ​ນ້ຳ​ແດນ​ດິນ​ຂອງ​ປະເທດ​ລາວ ພ້ອມ​ກັນ​ນັ້ນ ກໍ​ຮັບ​ຮູ້​ວ່າ​ຊາດ​ລາວ - ຄົນ​ລາວ ກໍ​ມີ​ອິດສະຫຼະພາບ ເປັນ​ເຈົ້າ​ຂອງ​ປະເທດ​ຊາດ​ອັນ​ແສນ​ຮັກ​ຂອງ​ຕົນ.