ງານ​ແລກ­ປ່ຽນ​ວັດ­ທະ­ນະ­ທຳ​ຊາວ​ໜຸ່ມ​ອາ​ຊຽນ

16.10.2019 8:46     

   ງານ​ແລກປ່ຽນ​ວັດທະນະ​ທຳ​ຊາວ​ໜຸ່ມ​ອາ​ຊຽນ ​ ຄັ້ງ​ທີ 17 ແລະ​ ອາ​ຊຽນ+3 ຄັ້ງ​ທີ7 ໃນ​ຫົວຂໍ້ ''ວິຖີອາ​ຊຽນ ໄດ້​ຈັດ​ຂຶ້ນ​ທີ່​ມະຫາວິທະຍາໄລ​ແຫ່ງ​ຊາດ'' ໃນ​ວັນ​ທີ 14 ຕຸລາ ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສົມ​ສີ ຍໍ​ພັນ​ໄຊ ອະທິການ​ບໍດີ​ມະຫາວິທະຍາໄລ​ແຫ່ງຊາດ. ທ່ານ ໂຊ​ທິດ ດິ​ຣາດ​ທິ​ຕິ ປະ ທານ​ຜູ້​ບໍລິຫານ​ເຄືອ​ຂ່າຍມະ ຫາວິທະຍາໄລ​ອາ​ຊຽນ ພ້ອມ ​ດ້ວຍ​ແຂກ​ຖືກ​ເຊີນ ແລະ​ ພາກ ສ່ວນ​ກ່ຽວຂ້ອງ​ເຂົ້າ​ຮ່ວມ.

   ທ່ານ ສົມ​ສີ ຍໍ​ພັນ​ໄຊ ໄດ້​ກ່າວ​ຕ້ອນຮັບ ​ແລະ ເປີດ​ງານ ຊຶ່ງ​ ທ່ານ​ກ່າວ​ວ່າ: ງານ​ວັດທະນະ​ທຳ​ຄັ້ງ​ນີ້​ຈະ​ເຮັດ​ໃຫ້​ບັນດາ​ຊາວ​ໜຸ່ມ​ນັກ​ສຶກ​ສາ​ທີ່​ເຂົ້າ​ຮ່ວມ​ໄດ້​ຮັບ​ຮູ້ ແລະ​ເຂົ້າໃຈ​ວັດທະນະ​ທຳ ແລະ ​ຮີດ​ຄອງ​ປະເພນີ​ຂອງ​ລາວ​ ຜ່ານ​ການ​ແລກປ່ຽນ​ຮຽນ​ຮູ້ ແລະ​ ເຂົ້າ​ຮ່ວມ​ກິດຈະກຳ​ຕ່າງໆ ຊຶ່ງ​ເປັນ​ສ່ວນ​ໜຶ່ງ​ຂອງ​ການ​ຮຽນ​ຮູ້ ແລະ ສ້າງ​ຄວາມ​ເຂົ້າໃຈໃນ​ ຄວາມ​ຫຼາກ​ຫຼາຍ​ທາງ​ດ້ານ​ວັດ ທະນະ​ທຳ​ອາ​ຊຽນ​ທີ່​ວິຈິດ​ງົດ​ງາມ.

   ໃນ​ງານ​ແລກປ່ຽນ​ວັດທະ ນະ​ທຳ​ຊາວ​ໜຸ່ມ​ອາ​ຊຽນ​ຄັ້ງ​ນີ້​ເລີ່ມ​ແຕ່​ວັນ​ທີ 13-18 ຕຸລາ ເພື່ອ​ເປັນ​ການ​ເຜີຍແຜ່ ແລະ​ແລກປ່ຽນ​ວັດທະນະ​ທຳ​ຂອງ​ບັນດາ​ປະເທດ​ສະມາຊິກ​ອາ​ຊຽນ ແລະ ອາຊີ​ຕາເວັນ​ອອກ​ຜ່ານ​ສຽງ​ດົນຕີ, ບົດ​ຟ້ອນ ແລະ​ການສະແດງ​ສິລະ​ປະ​ ໃນ​ຮູບ​ແບບ​ຕ່າງໆ​ທີ່​ເປັນ​ມໍລະດົກ​ທາງ​ດ້ານ​ວັດທະນະ​ທຳ ແລະ ສື່​ເຖິງ​ເອກະລັກ​ສະເພາະ​ຊາດ​ຂອງ​ຕົນ.

   ໃນ​ໂອກາດ​ນີ້​ກໍໄດ້​ຈັດ​ສຳ​ມະ​ນາ​ໃນ​ຫົວຂໍ້​ຕ່າງໆ​ເຊັ່ນ: ເພື່ອ​ໃຫ້​ຜູ້​ເຂົ້າ​ຮ່ວມ​ມີ​ຄວາມ​ຮັບ​ຮູ້​ ແລະ​ ເຂົ້າໃຈ​ໃນ​ວັດທະນະ​ທຳພາສາ, ສາ​ສ​ະໜາ ແລະ​ວັດທະນະທຳອັນ​ດີງາມ​ຂອງ​ຊາດ​ອື່ນ​ເຂົ້າໃຈ​ເອກະລັກ​ສະ ເພາະ​ຂອງ​ອາ​ຊຽນ.
(ຂ່າວ: ມະ​ລິ, ພາບ: ມຊ)