ກອງ​ປະ­ຊຸມ​ປະ­ສານ​ງານ​ຄື້ນ​ຄວາມ​ຖີ່ລຽບ​ຊາຍ​ແດນ​ລາວ - ໄທ

17.10.2019 9:09     

   ກົມ​ຄື້ນ​ຄວາມ​ຖີ່ ກະຊວງ​ໄປສະນີ ໂທລະ​ຄົມມະນາຄົມ​ແລະ​ ການ​ສື່ສານ ໄດ້​ຈັດ​ກອງ​ປະຊຸມ​ປະສານ​ງານ​ຄື້ນ​ຄວາມ​ຖີ່ ລຽບ​ຕາມ​ຊາຍ​ແດນ ລາວ​-​ໄທ ຄັ້ງ​ທີ X (JTC-10) ຂຶ້ນ​ໃນ​ວັນ​ທີ 16 ຕຸລາ​ນີ້ ທີ່​ນະຄອນ ຫຼວງ​ວຽງ​ຈັນ ຝ່າຍ​ລາວ​ນຳ​ໂດຍ ທ່ານ ຈະເລີນ ສີ​ບຸນ​ເຮືອງ ຮອງ​ຫົວໜ້າ​ກົມ​ຄື້ນ​ຄວາມ​ຖີ່ ກະຊວງ​ໄປສະນີ ໂທລະ​ຄົມມະນາຄົມ​ແລະ​ ການ​ສື່ສານ (ປທສ) ພ້ອມ​ຄະນະ​ ແລະ​ ຝ່າຍ​ໄທນຳ ​ໂດຍ ທ່ານພົນ​ອາກາດ​ໂທ ທະ​ນາ​ພັນ ຣ່າຍ​ຈະ​ເຣີນ ຮອງເລຂາ​ທິ​ການ​ສໍາ​ນັກ​ງານ​ຄະ​ນະ​ກໍາ​ມະ​ການ​ກິດຈະການ​ກະຈາຍສຽງ, ກິດຈະການໂທ ລະພາບ, ກິດຈະການໂທລະ​ ຄົມມະນາຄົມ​ແຫ່ງ​ຊາດ (ກສ ທຊ), ແຫ່ງ​ລາຊະ​ອານາຈັກ​ໄທ​ ພ້ອມ​ຄະນະ ຈຸດປະສົງ​ຂອງ​ກອງ​ປະຊຸມ​ຄັ້ງ​ນີ້ ເພື່ອ​ສະຫຼຸບ ຕີ​ລາຄາ​ຄືນ​ຜົນ​ການຈັດຕັ້ງປະ ຕິບັດຕາມ​ຂໍ້​ຕົກລົງ​ໃນ​ກອງປະ ຊຸມ JTC-10, ການ​ປ້ອງ​ກັນ ​ແລະ​ ແກ້​ໄຂ​ບັນຫາ​ສັນຍານ​ຂ້າມ​ແດນ​ ແລະ​ ຄື້ນ​ຄວາມ​ຖີ່​ລົບ​ກວນໃນ​ເຂດ​ຊາຍແດນ, ທົບ​ທວນ​ ແລະ ​ເຈລະຈາ​ການ​ແບ່ງ​ຊ່ອງ​ສັນຍານ, ຍົກ​ບັນຫາ​ ແລະ​ ປະກົດການ​ຫຍໍ້ທໍ້ທີ່​ເກີດ​ຂຶ້ນກ່ຽວ​ກັບ​ການ​ໃຊ້​ຄື້ນ​ຄວາມ​ຖີ່​ລຽບ​ຕາມ​ຊາຍ​ແດນມາ​ປຶກ ສາຫາລື ແລະ ແລກປ່ຽນ​ຂໍ້​ມູນ​ສະພາບການ​ໃໝ່ໃນ​ວຽກ​ ງານ​ວິທະຍຸ​ກະຈາຍສຽງ, ໂທ ລະພາບ ແລະ ວຽກ​ງານ​ໂທລະ​ຄົມມະນາຄົມ ກ່ຽວ​ກັບການ​ຄຸ້ມ​ຄອງ​ຄື້ນ​ຄວາມ​ຖີ່​ໃນ​ປັດຈຸບັນ ແລະ​ ແຜນ​ການ​ນໍາ​ໃຊ້​ຄື້ນ​ຄວາມ​ຖີ່​ໃນ​ອະນາຄົດ ພ້ອມທັງ ລາຍ​ງານ​ການ​ແຈ້ງ​ຂໍ້​ມູນ​ການ​ນໍາ​ໃຊ້​ຄື້ນ​ຄວາມ​ຖີ່​ລຽບ​ຕາມ​ຊາຍ​ແດນ, ຕົກລົງ​ສືບຕໍ່​ຮ່ວມ​ກັນ ວັດແທກ​ສັນຍານ ເພື່ອ​ໃຫ້​ຖືກຕ້ອງຕາມ​ການ​ຕົກລົງ​ຂອງ​ກອງ​ປະຊຸມ, ສະເໜີ​ແຜນ​ຮ່ວມ​ມື​ກັນ​ແກ້​ໄຂ​ບັນຫາ​ຄື້ນ​ຄວາມ​ຖີ່​ລົບ​ກວນ ແລະ ການ​ນໍາ​ໃຊ້​ສັນ ຍານ​ອິນ​ເຕີ​ເນັດ​ຂ້າມ​ແດນ​ຕາມ​ຊາຍ​ແດນ. ( ຂ່າວ: ພູ​ວຽງ​ຄໍາ)