ນາ­ຍົກ­ລັດ­ຖະ­ມົນ­ຕີ ຕ້ອນ­ຮັບ​ປະ­ທານ​ສະ­ຫະ­ພັນບານ­ເຕະ​ສາ­ກົນ

21.10.2019 9:45     

   ໃນ​ຕອນ​ເຊົ້າ​ຂອງ​ວັນ​ທີ 19 ຕຸລານີ້ ທີ່​ສໍາ​ນັກ​ງານ​ນາ ຍົກລັດຖະມົນຕີ ທ່ານ ທອງລຸນ ສີ​ສຸ​ລິດ ນາຍົກລັດຖະມົນຕີ ແຫ່ງ ສປປ ລາວ ໄດ້​ໃຫ້​ກຽດ ​ຕ້ອນຮັບ​ການ​ເຂົ້າ​ຢ້ຽມຂໍ່ານັບ​ຂອງທ່ານ Gianni Infantino ປະທານ​ສະຫະພັນ​ບານເຕະ​ສາກົນ ຫຼື FiFA ພ້ອມ​ຄະ​ນະ.

   ໂອກາດ​ດັ່ງກ່າວ, ທ່ານ​ນາຍົກລັດຖະມົນຕີ ໄດ້​ກ່າວ​ສະແດງ​ຄວາມ​ຍິນດີ​ຕ້ອນຮັບ​ແລະ ຍ້ອງຍໍ​ຊົມເຊີຍ​ຕໍ່​ທ່ານ​ປະທານ​ສະຫະພັນ​ບານເຕະ​ສາກົນ ​ພ້ອມ​ດ້ວຍ​ຄະນະ​ທີ່​ໄດ້​ເດີ​ນທາງ​ມາ​ຢ້ຽມຢາມ ສປປ ລາວ ພາຍຫຼັງ​ທີ່​ທ່ານ​ໄດ້​ຖືກ​ເລືອກ​ຕັ້ງ​ເປັນ​ປະທານ FiFA ຄົນ​ໃໝ່ ແລະ ກໍເປັນ​ຄັ້ງ​ທໍາ​ອິດ​ທີ່​ເດີນທາງ​ມາ​ຢ້ຽມຢາມ ສປປ ລາວ ຊຶ່ງ​ເປັນ​ການ​ປະກອບສ່ວນ​ອັນ​ສຳຄັນ​ ໃນ​ການ​ພົວພັນ​ຮ່ວມ​ມື​ທີ່​ດີ​ລະຫວ່າງ ສະຫະພັນ​ບານ ເຕະ​ສາກົນແລະ ສປປ ລາວ ເວົ້າ​ລວມ, ເວົ້າ​ສະເພາະ ​ກໍແມ່ນ​ການພົວ ພັນ​ຮ່ວມ​ມື​ກັບ​ສະຫະພັນ​ບານ ເຕະແຫ່ງ​ຊາດ​ລາວ ສຳ​ລັບ​ການເຄື່ອນໄຫວ​ຢ້ຽມຢາມ​ລາວ​ຂອງ​ປະທານ FiFA ໃນ​ຄັ້ງ​ນີ້, ທ່ານ​ປະທານ​ພ້ອມ​ດ້ວຍ​ຄະນະຍັງ​ໄດ້​ໄປ​ຢ້ຽມຢາມໂຄງ ການ​ຕ່າງໆ​ທີ່​ສະຫະພັນບານ ເຕະ​ສາກົນ ຫຼື FiFA ໄດ້​ໃຫ້ ການ​ຊ່ວຍເຫຼືອ​ສະ​ໜັບ​ສະໜູນ ​ລາວ​ ໃນ​ໄລຍະ​ທີ່​ຜ່ານ​ມາ ເປັນຕົ້ນໂຄງການ​ກໍ່ສ້າງ​ຫໍພັກ ​ນັກ​ກິລາ​ຊາຍ​ ແລະ​ ຫ້ອງ​ອາ ຫານ, ໂຄງການ​ອາຄານ​ພະ​ແນ​ກ​ເຕັກນິກ​ວິທະຍາ ​ແລະ ພັດທະນາ​ເດີ່ນ​ຟຸດ​ຊໍໃນ​ຮົ່ມ, ອາຄານ​ຫໍ​ພັກ​ນັກ​ລິ​ລາ​ຍິງ, ສະໜາມຫຍ້າ​ທຽມ​ຢູ່​ສູນ​ຝຶກ​ຫ້ວຍ​ຫົງ, ອາຄານ​ຫ້ອງການ​ບໍລິຫານ, ຫໍ​ພັກ​ນັກ​ກິລາ​ ແລະ​ ຄູ​ຝຶກ​ທີ່​ສະໜາມກິລາ​ແຫ່ງ​ຊາດ, ນອກ​ນັ້ນ FiFA ໄດ້​ຊ່ວຍ​ງົບປະມານ​ບໍລິຫານ​ສະຫະພັນ​ບານເຕະ​ແຫ່ງ​ຊາດ​ລາວ​ກໍຄື​ສະຫະພັນ​ບານເຕະ​ປະເທດ​ອື່ນໆ​ທີ່​ເປັນ​ສະມາຊິກ ລວມ​ມູນ​ຄ່າ​ການ​ຊ່ວຍເຫຼືອ​ທັງ​ໝົດ 3 ລ້ານ​ກວ່າ​ໂດ​ລາ​.
(ຂ່າວ​-​ພາບ: ພູ​ວຽງ​ຄຳ)