ທ່ານ​ລັດ­ຖະ­ມົນ­ຕີ​ກະ­ຊວງ ຖວທ ຕ້ອນ­ຮັບ​ທູດ​ຍີ່­ປຸ່ນ

07.10.2019 8:56     

   ທ່ານ ບໍ່​ແສງ​ຄຳ ວົງ​ດາລາ ລັດຖະມົນຕີ​ກະຊວງ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ ທ່ານ ເຄ​ໂຊ ທາ​ເກ​ວະ​ກະ ເອກ​ອັກ​ຄະ​ຣາ​ຊະ​ທູດ​ຍີ່ປຸ່ນ​ປະຈຳ​ລາວ ເຂົ້າ​ຢ້ຽມ​ຂ່ຳນັບ​ໃນ​ວັນ​ທີ 4 ຕຸລາ​ຜ່ານ​ມາ​ ທີ່​ກະຊວງ ຖວທ ເນື່ອງ​ໃນ​ໂອກາດ​ທີ່​ທ່ານ ມາ​ດຳລົງ​ຕຳ​ແໜ່​ງ​ເປັນ​ເອກ​ອັກ​ຄະ​ຣາ​ຊະ​ທູດ​ຍີ່ປຸ່ນ​ຄົນ​ໃໝ່​ປະຈຳ​ລາວ.

   ໃນ​ໂອກາດ​ດັ່ງກ່າວ​ ທ່ານ ບໍ່​ແສງ​ຄຳ ວົງ​ດາລາ ກໍ​ໄດ້​ສະ ແດງ​ຄວາມ​ຍິນດີ​ຕ້ອນຮັບ ແລະ ຊົມເຊີຍ​ ພ້ອມ​ຕີ​ລາຄາ​ສູງ​ຕໍ່​ການ​ເຂົ້າ​ຢ້ຽມ​ຂ່ຳນັບ​ຂອງ​ ທ່ານ ເຄ​ໂຊ ທາ​ເກ​ວະ​ກະ ຊຶ່ງ​ມາ​ດຳລົງ​ຕຳແໜ່​ງ​ເປັນ​ເອກ​ອັກ​ຄະ​ຣາ​ຊະ​ທູດ​ຍີ່ປຸ່ນ​ຄົນ​ໃໝ່​ ປະ ຈຳ​ລາວ​ ຄັ້ງ​ນີ້​ ເປັນ​ຂີດ​ໝາຍ​ສຳຄັນ​ ໃນ​ການ​ຮັດ​ແໜ້ນ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື, ຊ່ວຍເຫຼືອ​ຊຶ່ງ​ກັນ ແລະ ກັນ​ລະຫວ່າງ ລາວ​-​ຍີ່ປຸ່ນ ໃຫ້​ເຕີບ​ໃຫຍ່​ຂະຫຍາຍຕົວ ແລະ ແໜ້ນ​ແຟ້ນ​ຍິ່ໆ​ຂຶ້ນ ພ້ອມ​ດຽວ​ກັນ​ນັ້ນ ຍັງ​ໄດ້​ມີ​ການ​ປຶກສາ​ຫາລື​ກ່ຽວ​ກັບ​ການ​ສືບ​ຕໍ່​ວຽກ​ງານ​ການ​ຮ່ວມ​ມື ແລກປ່ຽນ ວັດທະນະທຳ ແລະ ທ່ອງ​ທຽວ​ຕື່ມ​ອີກ. ທ່ານທູດ​ກໍ​ໄດ້​ສະແດງ​ຄວາມ​ຂອບໃຈ​ຕໍ່​ທ່ານ ລັດຖະມົນຕີ​ກະຊວງ ຖວທ ທີ່​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ.
(ພາບ,ຂ່າວ: ບຸນ​ອູ້ມ)