ລັດຖະມົນຕີກະຊວງ ຖວທ ຕ້ອນຮັບ ຄະນະຜູ້ແທນຍີ່ປຸ່ນ

08.10.2019 9:38     

   ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບທ່ານ ຄະສຶຮິເດ ນາກະນິວະ (Kasuhide Nakaniwa) ປະທານບໍລິສັດ ຄຸໂມໂນສ (Kumonos Corperation)ປະເທດຍີ່ປຸ່ນ ພ້ອມຄະນະ ເຂົ້າຢ້ຽມຂໍ່ານັບ ເມື່ອວັນທີ 7 ຕຸລາ ທີ່ກະຊວງດັ່ງກ່າວ ໃນໂອກາດທີ່ທ່ານ ພ້ອມຄະນະເດີນທາງມາຢ້ຽມ ຢາມ ແລະ ເຮັດວຽກຢູ່ ສປປ ລາວ.
ໃນໂອກາດດັ່ງກ່າວ ທ່ານ ລັດຖະມົນຕີ ກະຊວງ ຖວທ ກໍໄດ້ສະແດງຄວາມຕ້ອນຮັບຊົມ ເຊີຍຕໍ່ທ່ານ ຄະສຶ ຮິເດ ນາກະນິວະ ພ້ອມຄະນະ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງ ເປັນ ການປະກອບສ່ວນເສີມສ້າງ ສາຍພົວພັນຮ່ວມມື ແລະ ຊ່ວຍ ເຫຼືອ ຊຶ່ງກັນ ແລະ ກັນ ເວົ້າລວມ ເວົ້າສະເພາະ ໃນຂົງເຂດວຽກ ງານ ຖວທ ລາວ-ຍີ່ປຸ່ນ ທີ່ມີມາແຕ່ດົນນານ ແລ້ວນັ້ນ ໃຫ້ນັບມື້ເພີ່ມພູນຄູນສ້າງຍິ່ງໆຂຶ້ນ.
ທ່ານ ຄະສຶຮິເດ ນາກະນິວະ ກໍໄດ້ສະແດງຄວາມຂອບໃຈຕໍ່ ທ່ານລັດຖະມົນຕີກະຊວງ ຖວທ ທີ່ໃຫ້ການຕ້ອນຮັບຢ່າງອົບອຸ່ນ ໃນນັ້ນຍັງໄດ້ນຳສະເໜີອຸປະ ກອນເຕັກໂນໂລຊີທີ່ເປັນເຄື່ອງສະແກນ 3 ມິຕິໃຫ້ທ່ານລັດຖະ ມົນຕີໄດ້ຮັບຊາບ ຊຶ່ງສາມາດເກັບກຳຂໍ້ມູນບູຮານສະຖານຕ່າງໆໄວ້ໃນຄອມພິວເຕີ ແລະ ສາມາດເອົາຂໍ້ມູນດັ່ງກ່າວມານຳໃຊ້ໃນການບູລະນະປະຕິສັງ ຂອນວັດວາອາຮາມໃນຄັ້ງຕໍ່ໄປ ເນື່ອງຈາກວ່າຂໍ້ມູນນັ້ນສາມາດສົ່ງທອດໄປຮອດຄົນຮຸ່ນຫຼັງໂດຍບໍ່ມີວັນເສຍຫາຍ.
(ຂ່າວ-ພາບ: ບຸນອູ້ມ)