ປະ­ດັບ​ຫຼຽນ​ໄຊ​ຂອງ​ລັດ­ຖະ­ບານ ສສ ຫວຽດ­ນາມ ໃຫ້​ກອງ­ທັບ​ປະ­ຊາ­ຊົນ​ລາວ

05.11.2019 8:52     

   ກະຊວງ​ປ້ອງ​ກັນ​ປະເທດ​ແຫ່ງ ສສ ຫວຽດນາມ ໄດ້​ຮ່ວມ​ກັບກອງທັບ​ປະຊາຊົນ​ລາວ ຈັດ​ພິທີ​ປະດັບ​ຫຼຽນ​ໄຊ​ປະເພດ​ຕ່າງໆ​ໃຫ້​ແກ່​ກົມ​ກອງ​ລວມ​ໝູ່ ແລະ ບຸກຄົນ​ໃນ​ກອງທັບ​ປະຊາຊົນ​ລາວ ທີ່​ມີ​ຜົນງານ​ດີເດັ່ນ​ໃນ​ການ​ປະກອບສ່ວນ ສ້າງ​ສາຍ​ພົວພັນ​ມິດຕະພາບ ຄວາມ​ສາມັກຄີ​ລະຫວ່າງ ສອງ​ຊາດ, ສອງ​ກອງທັບ ລາວ​-​ຫວຽດນາມ, ຫວຽດນາມ​-​ລາວ​ໃນ​ໄລຍະ​ຜ່ານ​ມາ, ໃນ​ນັ້ນ​ໄດ້ ປະດັບ​ຫຼຽນ​ໄຊ ດາວ​ຄໍາ ແຫ່ງ ສສ ຫວຽດນາມ ໃຫ້​ແກ່​ກອງທັບ​ປະຊາຊົນ​ລາວ, ປະດັບ​ຫຼຽນ​ໄຊ​ເອກະລາດ​ຊັ້ນ I ໃຫ້​ແກ່​ກົມ​ໃຫຍ່​ເສນາ​ທິ​ການ​ກອງທັບ, ກົມ​ໃຫຍ່​ການເມືອງ​ກອງທັບ, ກົມ​ໃຫຍ່​ພະລາທິການ​ກອງທັບ, ກົມ​ໃຫຍ່​ເຕັກນິກ​ກອງທັບ, ຫ້ອງ​ວ່າການ​ກະຊວງ​ປ້ອງ​ກັນ​ປະເທດ, ຫ້ອງການ ປກຊ-ປກສ ແລະ ກົມ 213, ປະດັບ​ຫຼຽນ​ໄຊ​ເອກະລາດ​ຊັ້ນ II ໃຫ້ ວິທະຍາຄານ​ປ້ອງ​ກັນ​ຊາດ​ໄກສອນ​ພົມວິຫານ, ກົມ​ວິທະຍາ​ສາດ​-​ປະຫວັດສາດ​ການ​ທະຫານ, ວິທະຍາຄານ​ກົມ​ມະ​ດຳ, ກົມ​ພົວພັນ​ຕ່າງປະເທດ, ວິທະຍາຄານ​ພະລາທິການ, ກອງ​ພົນ​ທີ 1, 2, 3, 4, 5 ແລະ ບຸກຄົນ 4 ສະຫາຍ, ປະດັບ​ຫຼຽນ​ໄຊ​ເອກະລາດ​ຊັ້ນ III ໃຫ້ ກົມ​ໂຄສະນາ​ອົບຮົມ, ກົມ​ສູ້​ຮົບ, ກົມ​ທະຫານ​ຊາຍ​ແດນ, ກົມ​ນະໂຍບາຍ, ວິທະຍາຄານ​ເຕັກນິກ​ການ​ທະຫານ, ກົມ​ແຜນທີ່, ກົມ​ເຄ​ມີ​ສາດ, ກົມ 49, ກົມປ້ອງ​ກັນ​ອາກາດ, ກົມ​ກົດ​ລັບ, ວິທະຍາຄານ​ການ​ແພດ, ໂຮງຮຽນ​ກໍ່ສ້າງ​ນາຍ​ສິບ​ເລກ 2 ວຽງ​ໄຊ, ໜັງສືພິມ​ກອງທັບ, ກອງ​ສິລະ​ປະກອນ​ກອງທັບ, ຫໍ​ພິ​ພິ​ທະ​ພັນ​ປະຫວັດສາດ​ກອງທັບ, ຫ້ອງການ​ກົມ​ໃຫຍ່​ການເມືອງ, ກົມ​ຄຸ້ມ​ຄອງ​ອາ​ວຸດ​-​ກະ​ສູນ, ກອງ​ບັນຊາ​ການ​ທະຫານ​ແຂວງ​ຜົ້ງ​ສາລີ, ບໍ່​ແກ້ວ, ຫຼວງ​ນໍ້າ​ທາ, ອຸດົມ​ໄຊ, ໄຊ​ຍະ​ບູ​ລີ, ຫຼວງ​ພະ​ບາງ, ຫົວພັນ, ຊຽງ​ຂວາງ, ໄຊ​ສົມບູນ, ບໍ​ລິ​ຄໍາ​ໄຊ, ຄໍາ​ມ່ວນ, ສະຫວັນ​ນະ​ເຂດ, ສາລະ​ວັນ, ຈໍາ​ປາ​ສັກ, ເຊ​ກອງ, ອັດ​ຕະ​ປື, ແຂວງ ວຽງ​ຈັນ, ນະຄອນຫຼວງ​ວຽງ​ຈັນ ແລະ ບຸກຄົນ 15 ສະຫາຍ ແລະ ປະດັບ​ຫຼຽນ​ໄຊ​ມິດຕະພາບ​ໃຫ້​ບຸກຄົນ 15 ສະ​ຫາຍ.

   ພິທີ​ດັ່ງກ່າວ ໄດ້​ຈັດ​ຂຶ້ນ​ໃນ​ວັນ​ທີ 4 ພະຈິກ​ນີ້ ທີ່​ກະຊວງ​ປ້ອງ​ກັນ​ປະເທດ​ ໂດຍ​ການ​ເຂົ້າ​ຮ່ວມ​ໃນ​ພິທີ​ຂອງ ສະຫາຍ ພັນ​ຄຳ ວິພາ​ວັນ ກຳມະການ​ກົມ​ການເມືອງ​ສູນ​ກາງ​ພັກ ຮອງ​ປະທານ​ປະເທດ​ແຫ່ງ ສປປ ລາວ, ສະຫາຍ ພົນ​ເອກ ໂງ ​ຊ​ວັນ ລິກ ກໍາ​ມະ​ການ​ກົມ​ການເມືອງ​ສູນ​ກາງ​ພັກ ກອມ​ມູ​ນິດ ສສ ຫວຽດນາມ ລັດຖະມົນຕີ​ກະຊວງ​ປ້ອງ​ກັນ​ປະເທດ ຫວຽດນາມ, ສະຫາຍ ພົນ​ເອກ ຈັນ​ສະໝອນ ຈັນ​ຍາ​ລາດ ກໍາ​ມະ​ການ​ກົມ​ການເມືອງ​ສູນ​ກາງ​ພັກ ລັດຖະມົນຕີ​ກະຊວງ​ປ້ອງ​ກັນ​ປະເທດ, ມີ​ເອກ​ອັກ​ຄະ​ລັດ​ຖະ​ທູດ ສສ ຫວຽດນາມ​ປະ​ຈໍາ​ລາວ, ການ​ນໍາ​ພັກ​-​ລັດ, ການ​ນໍາ​ກະຊວງ, ບັນດາ​ກົມ​ໃຫຍ່ ຫວຽດນາມ​-​ລາວ ແລະ ຕາງໜ້າ​ຄະນະ​ພັກ​-​ຄະນະ​ບັນຊາ​ອົງການ, ກົມ​ກອງ ອ້ອມ​ຂ້າງ​ກະຊວງ​ປ້ອງ​ກັນ​ປະເທດ​​ເຂົ້າ​ຮ່ວມ.
(ຂ່າວ​-​ພາບ: ນສພ ກອງທັບ)