ສະ­ຫາຍ ນາງ ສູນ​ທອນ ໄຊ​ຍະ​ຈັກ ເຂົ້າ​ຮ່ວມ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ ຄະ­ນະ​ພົວ­ພັນ​ຕ່າງ­ປະ­ເທດ​ສູນ​ກາງ​ພັກ​ກອມ​ມູ​ນິດ​ຫວຽດ­ນາມ

05.11.2019 8:56     

   ໂດຍ​ຕອບ​ສະໜອງ​ຕາມ​ການ​ເຊື້ອ​ເຊີນ​ຂອງ​ສະຫາຍ ຮວ່າງ ບິ່ງ ກວັນ ກຳມະການ​ສູນ​ກາງ​ພັກ ຫົວໜ້າຄະນະ​ພົວພັນ​ຕ່າງປະເທດ​ສູນ​ກາງ​ພັກ​ກອມ​ມູ​ນິດ​ຫວຽດນາມ, ສະຫາຍ ນາງ ສູນ​ທອນ ໄຊ​ຍະ​ຈັກ ກຳ ມະການ​ສູນ​ກາງ​ພັກ ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ (ຄຕພ) ພ້ອມ​ດ້ວຍ​ຄະນະ ໄດ້​ໄປ​ເຂົ້າ​ຮ່ວມ ພິທີ​ສະ ເຫຼີມສະຫຼອງ ວັນ​ສ້າງຕັ້ງ ຄະນະ​ພົວພັນ​ຕ່າງປະເທດ​ສູນ​ກາງ​ພັກ​ກອມ​ມູ​ນິດ​ຫວຽດນາມ ຄົບຮອບ 70 ປີ ທີ່​ນະຄອນຫຼວງ​ຮ່າ​ໂນ້ຍ ສສ ຫວຽດນາມ.

   ໃນ​ຕອນ​ແລງ​ຂອງ​ວັນ​ທີ 29 ຕຸລາ, ສະຫາຍ ນາງ ສູນ​ທອນ ໄຊ​ຍະ​ຈັກ ໄດ້​ພົບ​ປະ​ກັບ ສະຫາຍ ຮວ່າງ ບິ່ງ ກ​ວັນ ຫົວໜ້າ​ຄະນະ​ພົວພັນ​ຕ່າງປະເທດ ສູນ​ກາງ​ພັກ​ກອມ​ມູ​ນິດ ຫວຽດນາມ, ໃນ​ການ​ພົບ​ປະ​ດັ່ງກ່າວ, ສະຫາຍ ນາງ ສູນ​ທອນ ໄຊ​ຍະ​ຈັກ ໄດ້​ສະແດງ​ຄວາມ​ຂອບໃຈ​ຢ່າງ​ຈິງ​ໃຈ​ທີ່​ສະຫາຍ ຮວ່າງ ບິ່ງ ກວັນ ໄດ້​ເຊື້ອ​ເຊີນ​ຄະນະ​ຜູ້​ແທນ​ ຄະນະ​ພົວພັນ​ຕ່າງປະເທດ​ສູນ​ກາງ​ພັກ ປປ ລາວ ເຂົ້າ​ຮ່ວມ​ພິທີ​ສະເຫຼີມສະຫຼອງວັນ​ສຳ​ຄັັນ​ດັ່ງ ກ່າວ, ອັນ​ເປັນ​ການສະແດງ​ໃຫ້​ເຫັນ​ເຖິງສາຍ​ພົວພັນ​ມິດຕະ ພາບ​ທີ່​ຍິ່ງ​ໃຫຍ່, ຄວາມ​ສາມັກ ຄີ​ແບບ​ພິເສດ ແລະ ການຮ່ວມ ​ມື​ຮອບດ້ານ ລະຫວ່າງ ສອງພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຫວຽດນາມ ເວົ້າ ລວມ, ເວົ້າ​ສະເພາະ ລະຫວ່າງ ສອງ​ຄະນະ​ພົວພັນ​ຕ່າງປະເທດ​ສູນ​ກາງ​ພັກຂອງ​ສອງ​ພັກ; ໄດ້​ຕີ​ລາຄາ​ສູງ ແລະ ອວຍພອນຜົນ ສຳເລັດ​ຮອບດ້ານ, ໃຫຍ່​ຫຼວງທີ່​ຄະນະ​ພົວພັນ​ຕ່າງປະເທດ​ສູນ​ກາງ​ພັກ​ກອມ​ມູນິດຫວຽດນາມ ຍາດ​ມາ​ໄດ້ຕະຫຼອດໄລຍະ 70 ປີ ຜ່ານມາອັນເປັນ​ການປະ ກອບສ່ວນ​ຍົກສູງບົດບາດ ແລະ ອິດ​ທິ​ພົນ​ຂອງພັກ, ລັດຫວຽດ ນາມ ໃນ​ເວທີ​ພາກ​ພື້ນ ແລະ ສາກົນ, ໄດ້​ສະແດງ​ຄວາມປິຕິ​ ຍິນດີຕໍ່​ສາຍ​ພົວພັນ​ມິດຕະພາບ​ ແບບ​ພິເສດ ລະຫວ່າງ ຫວຽດ ນາມ​-​ລາວ ເວົ້າ​ລວມ ແລະລະ ຫວ່າງ ສອງ​ຄະນະພົວພັນຕ່າງ ປະເທດ​ສູນ​ກາງ​ພັກຂອງສອງ ​ພັກ ທີ່​ໄດ້​ຮັບ​ການ​ພັດທະນາ ຢ່າງ​ເລິກເຊິ່ງ, ຮອບດ້ານຕະ ຫຼອດ​ໄລຍະ​ຜ່ານມາ; ສະແດງ​ຄວາມ​ຂອບໃຈ ແລະ ຮູ້​ບຸນຄຸນ​ຢ່າງ​ສູງ​ຕໍ່​ການ​ສະໜັບສະໜູນ, ຊ່ວຍເຫຼືອອັນໃຫຍ່​ຫຼວງ ແລະ ມີ​ປະສິດ​ທິ​ຜົນຂອງ ຄະນະພົວ ພັນ​ຕ່າງປະເທດ​ສູນ​ກາງ​ພັກ ​ກອມ​ມູ​ນິດຫວຽດນາມແກ່​ຄະ ນະພົວພັນ​ຕ່າງປະເທດສູນ​ກາງ​ພັກ ປປ ລາວ ແລະ ຕີລາຄາສູງ​ ຕໍ່​ໝາກຜົນ​ຂອງການຮ່ວມ​ມື​ລະຫວ່າງ​ສອງພັກ, ສອງລັດ ໄລຍະ​ຜ່ານ​ມາ, ກໍຄື ລະ ຫວ່າງ ຄະນະພົວພັນຕ່າງປະເທດ​ສູນ​ກາງ​ພັກຂອງສອງພັກ ໂດຍ​ສະເພາະ​ການ​ປະສານ​ສົມທົບ​ຢ່າງ​ແໜ້ນ​ແຟ້ນ, ຊ່ວຍ​ເຫ​ຼື​ອຊຶ່ງ ​ກັນ ແລະ ກັນ​ໃນ​ເວທີ​ພາກ ​ພື້ນ ແລະ ສາກົນ, ການ​ແລກ ປ່ຽນ​ຂໍ້​ມູນ​ຂ່າວສານ, ແບ່ງປັນ ​ບົດຮຽນ, ປະຕິບັດ​ບັນດາ​ບົດ ບັນທຶກ​ລະຫວ່າງ​ການ​ນຳຂັ້ນ ສູງ​ຂອງ​ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ​ຢ່າງ​ມີ​ປະສິດ​ທິ​ຜົນ.

   ສະຫາຍ ຮວ່າງ ບິ່ງ ກວັນ ໄດ້​ສະແດງ​ຄວາມ​ຍິນດີ ແລະ ຂອບໃຈ​ເປັນ​ຢ່າງ​ສູງ​ຕໍ່ສະ ຫາຍ ນາງ ສູນ​ທອນ ໄຊ​ຍະຈັກ ທີ່ໄດ້​ ນຳພາ​ຄະນະເຂົ້າຮ່ວມພິທີສະ ເຫຼີມສະຫຼອງວັນ​ມູນເຊື້ອສ້າງ ຕັ້ງຄະນະ​ພົວພັນ​ຕ່າງປະເທດ ​ສູນ​ກາງ​ພັກ​ກອມ​ມູນິດຫວຽດ ນາມ ຄົບຮອບ 70 ປີ, ສະຫາຍ ຮວ່າງບ່ິງກວັນ ໄດ້​ແຈ້ງ​ໃຫ້​ຊາບ ​ຜົົນສຳເລັດທີ່ສຳຄັນ​ຂອງຄະນະ​ພົວພັນ​ຕ່າງປະເທດ​ສູນ​ກາງ​ພັກ​ກອມ​ມູ​ນິດຫວຽດນາມ ໃນ​ຕະຫຼອດ 70 ປີ​ທີ່​ຜ່ານ​ມາ ດ້ວຍ​ມູນເຊື້ອ "ເດັດດ່ຽວ ຈົງຮັກພັກ ດີ, ເປັນ​ເຈົ້າ​ການ, ປະດິດ​ສ້າງ", "ສາມັກຄີ​ເປັນຈິດໜຶ່ງໃຈ​ດຽວ​ກັນ, ຮັກແພງ​ຊຶ່ງ​ກັນ ​ແລະ ​ກັນ", "ຜ່ານ​ຜ່າ​ທຸກ​ຄວາມຫຍຸ້ງຍາກ, ບາກບັ່ນເສຍສະ​ຫຼະ" ພະນັກ ງານ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ​ແຕ່​ລະ​ຮຸ່ນ​ຄົນ ໄດ້​ເຮັດ​ສຳເລັດ​ໜ້າທີ່ ທີ່​ໄດ້​ຮັບ​ການ​ມອບ​ໝາຍ​ຢ່າງ​ໂດດ​ເດັ່ນ. ສະຫາຍ ຮວ່າງ ບິ່ງ ກວັນ ໄດ້ສະ ແດງ​ຄວາມ​ພາກພູມ​ໃຈ​ຕໍ່​ສາຍ​ພົວພັນຄວາມ​ສາມັກຄີ​ພິເສດ ຫວຽດນາມ​-​ລາວ ທີ່​ນັບມື້​ນັບ​ເຕີບ​ໃຫຍ່​ຂະຫຍາຍຕົວ, ໃນ​ນັ້ນ ​ມີ​ການ​ປະກອບສ່ວນ​ອັນສຳຄັນ ​ຂອງສອງ​ຄະນະ​ພົວພັນຕ່າງ ປະເທດ​ຂອງສອງ​ພັກ. ຕີລາ ຄາ​ສູງບັນດາ​ຜົນສຳເລັດ​ຂອງ ​ພັກ, ລັດ ສປປ ລາວ ທີ່​ຍາດ ມາ​ໄດ້​ໃນ​ໄລຍະ​ຜ່ານ​ມາ ແລະ ສະແດງ​ຄວາມຂອບໃຈ​ຕໍ່​ການ ສະໜັບສະໜູນ, ຊ່ວຍເຫຼືອ​ຂອງ ພັກ, ລັດ ແລະ ປະຊາຊົນ​ລາວ ໃຫ້​ແກ່ພັກ, ລັດ ແລະ ປະ ຊາຊົນ​ຫວຽດນາມ ໃນ​ເມື່ອກ່ອນກໍຄື​ໃນ​ປັດຈຸບັນ ພ້ອມ​ທັງຢືນຢັນ​ວ່າຈະ​ສືບຕໍ່​ປະສານ​ສົມທົບ​ກັນ​ຢ່າງ​ແໜ້ນ​ແຟ້ນກັບ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ປປ​ລາວ ໃນ​ການ​ປະຕິບັດ​ບັນດາ​ບົດ​ບັນທຶກ​ລະຫວ່າງ​ການນຳ ຂັ້ນ​ສູງ​ຂອງ​ສອງ​ພັກ ແລະ ບັນ ດາ​ບົດ​ບັນທຶກ​ການ​ຮ່ວມ​ມື​ລະ ຫວ່າງ​ສອງ​ຄະນະ​ພົວພັນ ເພື່ອ​ເປັນ​ການ​ປະກອບສ່ວນ​ນຳ​ເອົາ​ສາຍ​ພົວພັນ ລະຫວ່າງ ລາວ​-​ຫວຽດນາມ ໃຫ້​ນັບ​ມື້​ມີ​ຄວາມ​ເລິກເຊິ່ງ, ແທດເໝາະ​ກັບ​ຕົວ​ຈິງ ແລະ ມີ​ປະສິດ​ທິ​ຜົນ​ໃນ​ທຸກ​ຂົງເຂດ.

   ໃນ​ຕອນ​ເຊົ້າ​ຂອງວັນທີ 1/11/2019, ໃນ​ພິທີ​ສະເຫຼີມ ສະຫຼອງວັນ​ສ້າງຕັ້ງ​ຄະນະພົວ ພັນ​ຕ່າງປະເທດ​ສູນ​ກາງພັກ ​ກອມ​ມູ​ນິດ​ຫວຽດນາມ ຄົບ ຮອບ 70 ປີ ໂດຍ​ໄດ້​ຮັບ​ການ​ມອບໝາຍ​ຈາກ​ພັກ, ລັດຖະ ບານແຫ່ງ ສປປ ລາວ, ສະ ຫາຍ ນາງ ສູນທອນ ໄຊ​ຍະ ຈັກ ໄດ້ປະດັບຫຼຽນ​ໄຊ​ແຮງ ງານຊັ້ນ I ໃຫ້​ແກ່ ຄະນະ​ພົວ ພັນ​ຕ່າງປະເທດ​ສູນ​ກາງ​ພັກ​ກອມ​ມູນິດຫວຽດນາມ ເພື່ອ​ເປັນການສະແດງ​ຄວາມ​ຊົມ ເຊີຍ​ຕໍ່​ບັນດາຜົນສຳເລັດ​ອັນ​ໃຫຍ່​ຫຼວງ​ທີ່ຄະນະ​ພົວພັນຕ່າງ ປະເທດ​ສູນກາງ​ພັກ​ກອມ​ມູ​ນິດຫວຽດນາມຍາດ​ມາ​ໄດ້​ ໃນ​ແນວ​ຮົບ​ການ​ຕ່າງປະເທດ ຂອງ​ພັກ​ກອມ​ມູ​ນິດ​ຫວຽດນາມຕະ ຫຼອດ 70 ປີ​ທີ່​ຜ່ານ​ມາ, ສະ ແດງ​ຄວາມ​ຮູ້​ບຸນຄຸນ​ຢ່າງ​ເລິກ ເຊິ່ງ​ຂອງ​ພັກ, ລັດ ແລະ ປະຊາ ຊົນ​ລາວ ທີ່​ມີ​ຕໍ່​ພັກ, ລັດ ແລະ ປະຊາຊົນຫວຽດນາມ ເວົ້າ ລວມ ເວົ້າ​ສະເພາະຕໍ່ບັນດາສະ ຫາຍ ​ການ​ນຳ ແລະ ພະນັກງານ ຄຕພ ຫວຽດນາມທຸກໆ​ຮຸ່ນ​ທີ່​ ໄດ້​ທຸ້ມເທ​ເຫື່ອແຮງ, ສະຕິປັນຍາ, ກຳລັງວັງຊາ ແລະ ​ໄດ້ມີຜົນ ງານ​ ອັນ​ດີເດັ່ນ​ ໃນ​ການ​ປະກອບ ສ່ວນ​ຢ່າງ​ຫ້າວຫັນ ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດ ຕະພາບ​ທີ່​ຍິ່ງ​ໃຫຍ່, ຄວາມ​ສາ ມັກຄີ​ພິເສດ ແລະ ການ​ຮ່ວມ​ມື​ຮອບດ້ານ​ລະຫວ່າງ​ສອງພັກ, ສອງ​ລັດ ແລະ ປະຊາຊົນ​ສອງ​ ຊາດ​ລາວ​-​ຫວຽດນາມຕະຫຼອດ​ໄລຍະ​ທີ່​ຜ່ານ​ມາ.

   ກ່ອນ​ໜ້າ​ນີ້, ສະຫາຍຫົວ ໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ປປ ລາວ ພ້ອມ​ຄະ ນະ​ໄດ້​ໄປ​ຢ້ຽມຢາມ​ແຂວງລາວ​ກາຍ ໂດຍ​ໄດ້​ຮັບ​ການ​ຕ້ອນຮັບ​ຢ່າງ​ສະໜິດສະໜົມ​ຈາກສະ ຫາຍ ຫ​ງວຽນ ວັນ ຫວິິງ ກຳ​ມະ​ ການ​ສູນ​ກາງ​ພັກ ປະທານ​ສະ ພາ​ປະຊາຊົນ ຂອງ​ແຂວງລາວ​ກາຍ ພ້ອມ​ດ້ວຍ​ຄະນະ​ນຳຂອງ​ ແຂວງ ແລະ ເມືອງ​ຊາ​ປາ.
(ຂ່າວ​-​ພາບ: ຄຕພ)