ຫົວ­ໜ່ວຍ​ທຸ­ລະ​ກິດ ລາວ​-​ຈີນ ຫາ­ລື​ຊອກ​ຫາ​ຊ່ອງ​ທາງ​ການ​ຮ່ວມ​ມື

08.11.2019 8:33     

    ບັນ­ດາ​ຫົວ­ໜ່ວຍ​ທຸ­ລະ​ກິດ ລາວ​-​ຈີນ ໄດ້​ຈັດ​ກອງ​ປະ­ຊຸມ​ແນະ­ນຳ​ຜະ­ລິດ​ຕະ​ພັນ​ອາ­ຫານ​ສີ­ຂຽວ​ ລາວ​-​ຈີນ (ຢຸນ​ນານ) ປີ 2019 ເພື່ອ​ປຶກ­ສາ​ຫາ­ລື ແລະ ກ້າວ​ໄປ ​ເພື່ອ​ຊອກ​ຫາ​ຊ່ອງ​ທາງ​ການ​ຮ່ວມ​ມື​ ໃນ​ຂະແໜງກະສິ­ ກຳ ​ລາວ​-​ຈີນ​ ໃຫ້​ມີ​ປະສິດ­ທິ​ຜົນ ແລະ ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ­ໂຫຍດ ກອງ​ປະ­ຊຸມ​ດັ່ງ­ກ່າວ​ໄດ້​ຈັດ​ຂຶ້ນ​ເມື່ອ​ວັນ​ທີ 7 ພະ­ຈິກ​ນີ້ ທີ່​ນະ­ຄອນ­ຫຼວງ​ວຽງ​ຈັນ ຊຶ່ງ​ມີທ່ານ ບຸນ​ລໍ້າ ວົງ​ສຸດ­ທິ ຮອງ​ຫົວ­ໜ້າ​ພະ­ແນກ­ການ​ຄ້າ ແລະ ອຸດ­ສາ­ຫະ­ກຳ ນະ­ຄອນ­ຫຼວງ​ວຽງ​ຈັນ, ທ່ານ ຈາງ​ເຈີ້ນ​ລີ້ ຮອງ​ຫົວ ­ໜ້າ​ພະ​ແນ​ກ​ຊັບ­ພະ­ຍາ­ກອນ​ມະ­ນຸດ ແລະ ສະ­ຫວັດ­ດີ​ການສັງ ­ຄົມ ແຂວງ​ຢຸນ​ນານ, ມີ​ຜູ້­ຕາງ ­ໜ້າ​ຈາກ​ກະ­ຊວງ ແລະ ພາກ​ທຸ­ ລະ​ກິດ​ລາວ​-​ຈີນ​ເຂົ້າ​ຮ່ວມ.

   ກອງ​ປະ­ຊຸມ​ດັ່ງ­ກ່າວ ເປັນ​ເວ­ທີ​ໜຶ່ງ​ທີ່​ມີ​ຄວາມ​ໝາຍ​ຄວາມ​ສຳ­ຄັນ​ໃນ​ການ​ສົ່ງ­ເສີມ​ການ​ຮ່ວມ​ມື​ເສດ​ຖະ​ກິດ​-​ການ​ຄ້າ ລະ­ຫວ່າງ ​ລາວ​-​ຈີນ ເວົ້າ​ລວມ​ເວົ້າ​ສະ­ເພາະແມ່ນ​ການ​ຮ່ວມມື​ ທຸ­ລະ​ກິດ​ໃນ​ຂະແໜງ​ກະສິກຳ ລະ­ຫວ່າງ ທຸ­ລະ​ກິດ​ລາວ ແລະ ແຂວງ​ຢຸນ​ນານ ສປ ຈີນ ໃຫ້​ນັບ​ ມືື້​ນັບ​ຂະ­ຫຍາຍ­ຕົວ​ຢ່າງມີປະ­ ສິດ​ທິ​ຜົນ ພ້ອມນັ້ນ,​ ກອງປະຊຸມ ຍັງ​ໄດ້​ມີ​ການ​ປຶກ­ສາ​ຫາ­ລື​ ເພື່ອ​ຊອກ​ຫາ​ຊ່ອງ​ທາງ ​ໃນ​ການ​ຮ່ວມ​ມື​ກັນ ​ ໃນ​ຂະ­ແໜງກະສິ­ ກຳ ​ລາວ​-​ຈີນ ໃຫ້​ມີ​ປະ­ສິດ​ທິຜົນ ແລະ ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ­ໂຫຍດ ຊຶ່ງ​ໃນ​ປັດ­ຈຸ­ບັນ​ສອງ​ປະເ​ທດ ​ລາວ​-​ຈີນ ແມ່ນ​ເປັນ​ປະ­ເທດ​ຄູ່​ຮ່ວມ​ຊາ​ຕາ​ກຳ​ດຽວ​ກັນ ສະ­ນັ້ນ, ນັກ­ທຸ­ລະ­ກິດ​ທັງ​ສອງ​ປະ­ເທດ​ຕ້ອງ​ຊ່ວຍ­ເຫຼືອ​ຊຶ່ງ​ກັນ ແລະ ກັນ​ພ້ອມ​ກັນ​ປະ ­ກອບ​ສ່ວນ​ພັດ­ທະ­ນາ​ເສດ​ຖະ​ກິດ​-​ສັງ­ຄົມ​ຂອງ​ສອງ​ປະ­ເທດ​ໃຫ້​ມີ​ການ​ຂະ­ຫຍາຍ­ຕົວ​ຂຶ້ນ​ໄປ​ເລື້ອຍໆ ແລະ ຍັງ​ໄດ້​ປຶກ­ສາຫາ­ ລື​ຮ່ວມ​ມື​ກັນ​ຊອກ​ວິ­ທີ​ທາງ​ ໃນ​ການ​ແກ້​ໄຂ​ບັນ­ຫາ ແລະ ສິ່ງກີດ​ ຂວາງ​ຕ່າງໆ​ອີກ​ດ້ວຍ.
(ຂ່າວ-ພາ​ບ: ຕຸ​ໄລ​ເພັດ)