ທົ່ງໄຫຫີນ ແຂວງຊຽງຂວາງ ຖືກຮັບຮອງ ເປັນມໍລະດົກໂລກ


...

09.07.2019 9:42     

   ຄະນະກຳມະການມໍລະ ດົກໂລກອຸຍແນັສໂກໄດ້ຮັບ ຮອງເອົາທົ່ງໄຫຫີນແຂວງຊຽງຂວາງ ເປັນມໍລະດົກໂລກ ເມື່ອວັນທີ 6 ກໍລະກົດ ຜ່ານມາ. ທົ່ງໄຫຫີນທີ່ໄດ້ຮັບຮອງເປັນມໍລະດົກໂລກ ມີຈຳນວນ 11 ແຫ່ງ ໃນຈຳນວນທັງໝົດ 20 ແຫ່ງ ທີ່ມີການຄົ້ນພົບ ແລະ ຖືກບັນທຶກຢ່າງເປັນທາງການຂຶ້ນເປັນມໍລະດົກໂລກ. ໃນໂອກາດເຂົ້າຮ່ວມກອງປະຊຸມຄະນະກຳມະການມໍລະດົກໂລກ ຄັ້ງທີ 43 ທີ່ນະ ຄອນຫຼວງບາກູ ແຫ່ງ ສ.ອາແຊັກໄບຊານ ນັ້ນ, ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ກ່າວວ່າ: ຂໍສະແດງຄວາມປຶ້ມປິຕິເປັນຢ່າງຍິ່ງ ແລະ ຮັບຊາບກ່ຽວກັບການສະໜັບສະໜູນ ແລະ ການພິຈາລະນາທີ່ມີຄຸນຄ່າຂອງສູນມໍລະດົກໂລກອົງການອຸຍແນັສ ໂກ ລວມທັງບັນດາຄະນະກຳ ມະການ, ບັນດາຜູ້ແທນທຸກທ່ານທີ່ເຂົ້າຮ່ວມກອງປະຊຸມທີ່ນີ້ຕໍ່ການຮັບຮອງເອົາທົ່ງໄຫຫີນ ຊຽງຂວາງ ຂອງ ສປປ ລາວ ຢ່າງເປັນທາງການເຂົ້າໃນບັນຊີມໍລະດົກໂລກຂອງອຸຍແນັສໂກ. ການຮັບຮອງເອົາທົ່ງໄຫ ຫີນ ແຂວງຊຽງຂວາງເປັນມໍ ລະດົກໂລກກໍໄດ້ເປັນການເພີ່ມ ຈຳນວນມໍລະດົກໂລກຢູ່ ສປປ ລາວ ຂຶ້ນອີກ ຊຶ່ງປະກອບມີມໍລະດົກໂລກເມືອງຫຼວງພະບາງ ແຂວງຫຼວງພະບາງ; ມໍ ລະດົກໂລກວັດພູ ແຂວງຈຳປາສັກ; ມໍລະດົກໂລກ ທົ່ງໄຫຫີນ ແຂວງຊຽງຂວາງ. ນອກຈາກນີ້ ຍັງມີ "ສຽງແຄນລາວ" ກໍໄດ້ ຮັບຮອງເປັນມໍລະດົກວັດທະ ນະທຳທີ່ບໍ່ເປັນວັດຖຸຂອງມວນມະນຸດ. (ຂ່າວ: ມິ່ງໂກ)