ຫາລືປ່າສະຫງວນແຫ່ງຊາດຫີນໜາມໜໍ່ ເຂົ້າບັນຊີມໍລະດົກໂລກທາງທຳມະຊາດ


...

30.08.2019 9:56     

   ກອງປະຊຸມຄະນະກຳມະການລະດັບຊາດ ເພື່ອມໍລະດົກໂລກ ຄັ້ງທີ 18 ໄດ້ຈັດຂຶ້ນເມື່ອວັນທີ 29 ສິງຫານີ້ທີ່ຫໍວັດທະ ນະທຳແຫ່ງຊາດ ໂດຍການເປັນ ປະທານຂອງທ່ານ ບໍ່ແສງຄຳ ວົງດາລາ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ປະທານຄະນະ ກຳມະການລະດັບຊາດ ເພື່ອມໍລະດົກໂລກ, ມີບັນດາຮອງລັດຖະມົນຕີ, ຮອງເຈົ້າແຂວງຄຳມ່ວນ, ຫົວໜ້າກົມ, ຮອງກົມ ແລະ ຜູ້ຕາງໜ້າອົງການຈັດຕັ້ງສາກົນທີ່ກ່ຽວຂ້ອງເຂົ້າຮ່ວມ.
ທ່ານ ບໍ່ແສງຄຳ ວົງດາລາ ກ່າວວ່າ: ອີງໃສ່ແຜນຍຸດທະສາດຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) 2016-2020, ໄປຄຽງຄູ່ກັບການປົກປັກຮັກສາມໍລະດົກວັດທະນະທຳ, ມໍລະດົກທາງດ້ານທຳມະຊາດກໍແມ່ນເປັນບຸລິມະສິດໜຶ່ງທີ່ສຳຄັນຂອງຊາດ, ກະຊວງ ຖວທ ໄດ້ສົມທົບ ກັບຂະ-ແໜງ-ການ ແລະ ອົງການຈັດຕັ້ງທີ່ກ່ຽວຂ້ອງກຳລັງຂຸ້ນຂ້ຽວກະກຽມເອກະສານຄຳຮ້ອງກ່ຽວກັບປ່າສະຫງວນແຫ່ງຊາດຫີນໜາມໜໍ່ ເມືອງບົວລະພາ ແຂວງຄຳມ່ວນ ເພື່ອ ປະສານສົມທົບກັບລັດຖະບານ ສສ ຫວຽດນາມ ໃນການນຳສະເໜີເປັນມໍລະດົກໂລກທາງທຳມະຊາດ ຮ່ວມຊາຍແດນ ກັບປ່າສະຫງວນຟອງຍາເກ ບັງ ແຂວງກວາງບິ່ງ ສສ ຫວຽດ ນາມ ຊຶ່ງຄາດວ່າປ່າສະຫງວນ ແຫ່ງຊາດຫີນໜາມໜໍ່ຈະກາຍເປັນມໍລະດົກໂລກທາງທຳມະຊາດແຫ່ງທຳອິດຂອງ ສປປ ລາວ ທັງຈະເປັນມໍລະດົກໂລກ ທາງທຳມະຊາດຂ້າມຊາຍແດນແຫ່ງທຳອິດ ໃນພູມີພາກ, ດັ່ງນັ້ນ ກອງປະຊຸມ ໃນຄັ້ງນີ້ຈະ ໄດ້ພ້ອມກັນສຸມໃສ່ປຶກສາຫາ ລື ເພື່ອກະ-ກຽມຄວາມພ້ອມໃຫ້ ແກ່ການນຳສະ-ເໜີປ່າສະຫງວນ ແຫ່ງຊາດຫີນໜາມໜໍ່ບັນລຸເປົ້າໝາຍເປັນມໍລະດົກໂລກແຫ່ງຕໍ່ໄປ ຊຶ່ງທັງສອງລັດຖະບານລາວຫວຽດນາມ, ຫວຽດນາມລາວຈະໄດ້ພ້ອມກັນສ້າງ ທຸກເງື່ອນໄຂ ເພື່ອເຮັດໃຫ້ຜນ ວຽກດັ່ງກ່າວບັນລຸຜົນສຳເລັດຢ່າງຈົບງາມ. ສະນັ້ນ ບັນດາ ທ່ານທີ່ເຂົ້າຮ່ວມກອງປະຊຸມ ໃນຄັ້ງນີ້ໄດ້ພ້ອມກັນຄົ້ນຄ້ວາ, ປະກອບຄຳຄິດຄຳເຫັນຢ່າງກົງໄປກົງມາ ເພື່ອກ້າວໄປເຖິງຄວາມເປັນເອກະພາບກັນວາງແຜນວຽກງານໃນຕໍ່ໜ້້າວ່າຄວນຈະສືບຕໍ່ດຳເນີນການແນວໃດຕື່ມ ເພື່ອໃຫ້ບັນລຸເປົ້າໝາຍທີ່ວາງໄວ້ຄືເຮັດໃຫ້ເຂດຫີນໜາມໜໍ່ໄດ້ຖືກຮັບຮອງເປັນມໍລະດົກໂລກທາງທຳມະຊາດຂອງລາວເຮົາ ພ້ອມນັ້ນຍັງໄດ້ຮັບຟັງການລາຍງານຄວາມຄືບໜ້າໃນການກະກຽມ ນຳສະເໜີປ່າສະຫງວນແຫ່ງ ຊາດຫີນໜາມໜໍ່ເຂົ້າເປັນມໍລະດົກໂລກທາງທຳມະຊາດ, ການຍົກລະດັບປ່າສະຫງວນແຫ່ງຊາດຫີນໜາມໜໍ່ເປັນອຸ ທິຍານແຫ່ງຊາດຫີນໜາມໜໍ່, ສະຖານທີ່ກ່ຽວກັບຊັບພະຍາກອນມະນຸດບັນຫາຫຼັກ ແລະ ແນວທາງ ໃນການແກ້ໄຂ, ຄວາມພະຍາຍາມ ແລະ ວິທີທາງໃນການເສີມຂະ-ຫຍາຍຄວາມເຂັ້ມແຂງໃຫ້ແກ່ວຽກງານຂອງປ່າສະຫງວນແຫ່ງຊາດຫີນໜາມໜໍ່ທີ່ຈັດຕັ້ງປະຕິບັດໂດຍເມືອງບົວລະພາ, ກ່ຽວກັບຜົນສຳເລັດທີ່ສາມາດຈັດຕັ້ງປະຕິບັດໄດ້ ແລະ ແຜນສະໜັບສະໜູນການປົກປ້ອງ ແລະ ການຈັດການປ່າສະຫງວນ ແຫ່ງຊາດຫີນໜາມໜໍ່ທີ່ມີປະ ສິດທິພາບ ແລະ ການສະເໜີຮ່າງເອກະສານຄຳຮ້ອງເອົາປ່າສະຫງວນດັ່ງກ່າວເຂົ້າເປັນມໍ ລະດົກໂລກ (ຂ່າວ: ສຳນານ)