ສະຫາຍ ຈະເລີນ ເຢຍປາວເຮີ ຊີ້ນຳວຽກງານຢູ່ຊຽງຂວາງ


...

04.09.2019 9:40     

   ສະຫາຍ ຈະເລີນ ເຢຍ ປາວເຮີ ກຳມະການສູນກາງພັກ ລັດຖະມົນຕີປະຈຳສຳນັກງານນາຍົກລັດຖະມົນຕີ (ສນຍ) ຄະນະກະກຽມເນື້ອໃນກອງປະ ຊຸມໃຫຍ່ ຄັ້ງທີ XI ຂອງພັກ ພ້ອມດ້ວຍຄະນະໄດ້ລົງຊີ້ນຳ ການກະກຽມດຳເນີນກອງປະ ຊຸມໃຫຍ່ 3 ຂັ້ນ ທີ່ຫ້ອງວ່າການ ແຂວງຊຽງຂວາງ ໃນວັນທີ 2 ກັນຍານີ້ ໂດຍມີສະຫາຍ ບຸນຕົ້ນ ຈັນທະພອນ ເລຂາພັກ ແຂວງ ເຈົ້າແຂວງໆຊຽງຂວາງ ເຂົ້າຮ່ວມ ພ້ອມທັງໄດ້ລາຍງານການກະກຽມດຳເນີນກອງປະຊຸມໃຫຍ່ 3 ຂັ້ນ ເປັນຕົ້ນແມ່ນ ຂັ້ນແຂວງ ແລະ ຂັ້ນທ້ອງຖິ່ນ ແຂວງໄດ້ຈັດຕັ້ງເຊື່ອມຊຶມຜັນຂະຫຍາຍຄຳສັ່ງເລກທີ 04 ຂອງຄະ ນະເລຂາທິການສູນກາງພັກ ແລະ ຄຳແນະນຳຂອງຄະນະຈັດຕັ້ງສູນກາງພັກ, ຄະນະກວດກາສູນກາງພັກ, ຄະນະອົບຮົມສູນກາງພັກ ແລະ ຄຳແນະນຳ ແຈ້ງການຂອງບັນດາອະນຸກຳມະການຕ່າງໆ ໄດ້ດຳເນີນກອງປະຊຸມໃຫຍ່ຂັ້ນບ້ານ, ບັນດາໜ່ວຍພັກທີ່ຂຶ້ນກັບອົງຄະນະພັກເມືອງ, ກອງບັນຊາການ ປກຊ-ປກສ ໄດ້ສຳເລັດ ສືບຕໍ່ດຳເນີນກອງປະຊຸມໃຫຍ່ຂັ້ນເມືອງ ແລະ ສອງກອງບັນຊາການກຳລັງປະກອບອາວຸດ ຮາກຖານພັກອ້ອມຂ້າງແຂວງໃຫ້ສຳເລັດ ຊ້າສຸດໃຫ້ສຳເລັດໃນເດືອນກຸມພາ 2020 ເພາະເດືອນມີນາຈະຈັດງານມະຫະກຳກິ ລາແຫ່ງຊາດ, ງານປະກາດທົ່ງ ໄຫຫີນເປັນມໍລະດົກໂລກ ແລະ ງານສະເຫຼີມສະຫຼອງວັນສ້າງຕັ້ງພັກ ປະຊາຊົນປະຕິວັດລາວ ຄາດວ່າຈະດຳເນີນກອງປະຊຸມໃຫຍ່ຂັ້ນແຂວງ ໃນທ້າຍປີ 2020. ນອກນີ້ຍັງໄດ້ລາຍງານອະນຸກຳມະການບຸກຄະລາກອນ, ການກະກຽມຂອງອະນຸກຳມະການເນື້ອໃນກອງປະຊຸມໃຫຍ່ຂັ້ນແຂວງ ກອງປະຊຸມດັ່ງກ່າວນີ້ ສະຫາຍລັດຖະມົນຕີປະຈຳສຳນັກງານນາຍົກ ກໍໄດ້ມີຄຳຄິດເຫັນ ຊີ້ນຳ ຕໍ່ກັບການກະກຽມ ດຳເນີນກອງປະຊຸມໃຫຍ່ຂັ້ນແຂວງ ຮັບປະກັນຫຼັກ ການປ່ຽນແປງໃໝ່ຂອງພັກພັກ ນຳພາໄປສູ່ສັງຄົມນິຍົມ, ບົດລາຍງານການເມືອງ ແລະ ແຜນ ພັດທະນາໃຫ້ມີຄວາມຖືກຕ້ອງ ຊັດເຈນມີຄວາມເປັນຈິງ, ເປັນ ການລວມຫົວຄິດປັນຍາເຕົ້າ ໂຮມຄວາມຮູ້ຄວາມສາມາດ ຂອງພະນັກງານແຕ່ລະຂະ ແໜງການ, ຕ້ອງຮັບປະກັນ ປະສານສົມທົບສະເພາະໜ້າ ແລະ ອັນຍາວນານ, ສາເຫດຂໍ້ ຄົງຄ້າງ, ຮັບປະກັນຄຸນນະພາບ, ຂະບວນການ, ບຸກຄະລາກອນ ກອງປະຊຸມໃຫຍ່ແມ່ນສຳຄັນຫຼາຍ ເພາະແມ່ນການກຳນົດແຜນພັດທະນາເສດຖະກິດ-ສັງຄົມ, ການຊີ້ນຳ-ນຳພາ ເພື່ອເຮັດໃຫ້ການຈັດຕັ້ງປະຕິບັດຕາມແຜນໄດ້ຮັບຜົນສູງ. (ຂ່າວ: ບຸນມີ ແສງທຸມມີ)