ສອງບໍລິສັດ ມອບເງິນຊ່ວຍເຫຼືອຜູ້ປະສົບໄພນ້ຳຖ້ວມ


...

...

09.09.2019 11:45     

   ໃນວັນທີ 5 ກັນຍາຜ່ານມາ ທີ່ສຳນັກງານນາຍົກລັດຖະ ມົນຕີ, ບໍລິສັດຈະເລີນເຊກອງ ພະລັງງານ ຈຳກັດ ແລະ ກຸ່ມບໍລິສັດພອນສັກໄດ້ມອບເງິນ ແລະ ເຄື່ອງຊ່ວຍເຫຼືອໃຫ້ແກ່ຜູ້ປະສົບໄພນໍ້າຖ້ວມ ລວມມູນຄ່າ 4 ຕື້ກີບ.
ພິທີມອບ-ຮັບການຊ່ວຍ ເຫຼືອດັ່ງກ່າວມີຂຶ້ນອາທິດຜ່ານມານີ້ ທີ່ສຳນັກງານນາຍົກລັດ ຖະມົນຕີ, ຕາງໜ້າບໍລິສັດຈະ ເລີນເຊກອງ ພະລັງງານຈຳກັດ ໂດຍແມ່ນທ່ານ ຈັນທະໜອມ ພົມມະນີ ປະທານບໍລິສັດໄດ້ ມອບການຊ່ວຍເຫຼືອ ມູນຄ່າ 2 ຕື້ກີບ (ເງິນສົດ 1 ຕື້ກີບ ແລະ ວັດຖຸສິ່ງຂອງ 1 ຕື້ກີບ) ແລະ ທ່ານ ນາງ ສຸດດາລາວັນ ສີຫາພົມ ຕາງໜ້າກຸ່ມບໍລິສັດ ພອນສັກ ມອບເງິນຊ່ວຍເຫຼືອ ຈຳນວນ 2 ຕື້ກີບ ຊຶ່ງໃຫ້ກຽດກ່າວຮັບໂດຍແມ່ນທ່ານ ທອງລຸນ ສີສຸລິດ ນາ ຍົກລັດຖະມົນຕີ.
ໃນໂອກາດນີ້, ທ່ານນາ ຍົກລັດຖະມົນຕີໄດ້ກ່າວຂອບ ໃຈ ຕໍ່ທັງສອງບໍລິສັດທີ່ໄດ້ໃຫ້ ການຊ່ວຍເຫຼືອບັນເທົາທຸກແກ່ຜູ້ປະສົບໄພນໍ້າຖ້ວມ ໃນປີນີ້, ພ້ອມທັງໃຫ້ຄໍາໝັ້ນສັນຍາວ່າ ຈະນໍາເອົາວັດຖຸສິ່ງຂອງທີ່ໄດ້ ຮັບການຊ່ວຍເຫຼືອດັ່ງກ່າວໄປ ມອບຕໍ່ໃຫ້ຮອດໃຫ້ເຖິງປະຊາ ຊົນທີ່ປະສົບໄພພິບັດນໍ້າຖ້ວມ ຢ່າງແທ້ຈິງ.
(ຂ່າວ-ພາບ: ຫສນຍ)