ຈະລາຈອນ ນວ ຈະເລ່ີມປ້ອງກັນງານບຸນ ອອກພັນສາປະວໍລະນາ ແລະ ບຸນຊ່ວງເຮືອ ທ່າວັດຈັນ


...

10.10.2019 8:49     

   ພະແນກຕໍາຫຼວດຈະລາຈອນນະຄອນຫຼວງວຽງຈັນ (ນວ) ໄດ້ຈັດກອງປະຊຸມຜ່ານແຜນປ້ອງກັນບຸນອອກພັນສາປະວໍລະນາ ແລະ ບຸນຊ່ວງເຮືອທ່າວັດຈັນ ນະຄອນຫຼວງວຽງຈັນ ແຕ່ວັນທີ 10-14 ຕຸລາ ຂຶ້ນໃນວັນທີ 9 ຕຸລານີ້ ທີ່ຫ້ອງຕໍາຫຼວດ ພະແນກຕໍາຫຼວດຈະລາຈອນ ນວ ໂດຍການເຂົ້າຮ່ວມຂອງທ່ານ ພັທ ຢຸດຕະພົງ ສຸ ວັນນະສິງ ຮອງຫ້ອງຕໍາ ຫຼວດ ນວ, ທ່ານ ເພັງສະຫວັນ ທໍາມາບຸນ ຫົວໜ້າພະແນກຈະ ລາຈອນນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າ ຮ່ວມ. ທ່ານ ພັທ ບຸນມາກ ສູນດາໄລ ຮອງຫົວໜ້າພະແນກ ຈະລາຈອນ ນວ ໄດ້ກ່າວວ່າ: ເພື່ອຮັບປະກັນຄວາມສະ ຫງົບ, ຄວາມເປັນລະບຽບຮຽບ ຮ້ອຍ, ຄວາມປອດໄພຮອບ ດ້ານໃຫ້ແກ່ການນໍາພັກ-ລັດ ແລະ ມວນຊົນ, ນັກທ່ອງທ່ຽວ ພາຍໃນ ແລະຕ່າງປະເທດ ທີ່ຈະມາຫຼິ້ນບຸນປະເພນີຂອງ ລາວເຮົາ ໃຫ້ມີຄວາມເບີກບານ ມ່ວນຊື່ນເຕັມໄປດ້ວຍບັນຍາ ກາດແຫ່ງຄວາມສະຫງົບ, ຄວາມປອດໄພທາງດ້ານຊີວິດ ແລະ ຊັບສິນ, ບຸນອອກພັນສາປະວໍລະນາ ແລະ ຊ່ວງເຮືອປະ ເພນີທີ່ທ່າວັດຈັນ ແມ່ນງານ ບຸນປາງໃຫຍ່ ຊຶ່ງຊາວ ນວ ໄດ້ພ້ອມກັນປະຕິບັດມາເປັນເວລາຫຼາຍຮ້ອຍປີ, ໃນທຸກໆປີຈະມີທ່ານຜູ້ນໍາພັກ-ລັດ, ນັກທ່ອງທ່ຽວ ມາຈາກທົ່ວປະເທດ ແລະ ຊາວ ຕ່າງປະເທດພາກັນມາເຕົ້າ ໂຮມ ໃນງານບຸນດັ່ງກ່າວຢ່າງ ຫຼວງຫຼາຍ ເພື່ອຊົມເຊີຍເຮືອຊ່ວງ ແລະ ໃນປີນີ້ ກໍແມ່ນປີທ່ອງທ່ຽວ ລາວ-ຈີນ 2019 ເພື່ອເຮັດແນວໃດໃຫ້ປີທ່ອງ ທ່ຽວປີນີ້ ເຕັມໄປດ້ວຍແຂກ ທ່ອງທ່ຽວທັງພາຍໃນ ແລະ ຕ່າງ ປະເທດໄດ້ມາຫຼິ້ນມາທ່ຽວດ້ວຍ ຄວາມເບີກບານມ່ວນຊື່ນ. ສະນັ້ນ, ວຽກງານປ້ອງ ກັນ ຈຶ່ງເປັນວຽກງານໜຶ່ງທີ່ສຳຄັນ ເລື່ອງປ້ອງກັນບໍ່ໃຫ້ກຸ່ມຄົນ ບໍ່ດີ ຫຼື ພວກສວຍໂອກາດເຂົ້າມາກໍ່ຄວາມວຸ້ນວາຍ ຫຼື ສ້າງພາບພົດທີ່ບໍ່ດີໃນງານບຸນຊ່ວງ ເຮືອປີນີ້. ດັ່ງນັ້ນ ສໍາລັບແຜນປ້ອງກັນທັງໝົດປະກອບມີ 70 ຈຸດ, ໃຊ້ກໍາລັງປ້ອງກັນ 255 ສະຫາຍ; ພາຫະນະຮັບໃຊ້, ລົດກະບະ 1 ຄັນ; ລົດສະຫຼາມ 3 ຄັນ, ລົດລາກ 2 ຄັນ; ລົດໂມໂຕ 6 ຄັນ; ມີຈຸດປ້ອງກັນຂອງພະແນກຈະລາຈອນ ນວ; ຈຸດປ້ອງກັນເຂດເມືອງຈັນທະບູລີ; ຈຸດປ້ອງກັນເຂດ ເມືອງສີໂຄດຕະບອງ; ຈຸດປ້ອງກັນເຂດເມືອງສີສັດຕະນາກ, ສະເພາະຈະລາຈອນ 6 ເມືອງແມ່ນຕັ້ງດ່ານກວດກາ 24 ຊົ່ວໂມງຄື: ກອງຈະລາຈອນເມືອງນາຊາຍທອງຕັ້ງດ່ານຢູ່ບ້ານໜອງສະ; ເມືອງຫາດຊາຍຟອງຕັ້ງດ່ານຢູ່ໜ້າສວນວັດທະນະທໍາ; ເມືອງໄຊທານີຕັ້ງດ່ານຢູ່ບ້ານທ່າງ່ອນ; ເມືອງປາກງື່ມ ຕັ້ງດ່ານຢູ່ບ້ານສົມສະຫວາດ; ເມືອງສັງທອງຕັ້ງດ່ານຢູ່ບ້ານສໍາພັນນາ ແລະ ເມືອງໄຊເສດຖາກວດກາເສັ້ນທາງວຽງຈະເລີນ. ສຳລັບຖະໜົນດອນຈັນ (ແຄມຂອງ) ແຕ່ສາມແຍກປາກປ່າສັກ ຫາ ອະນຸສາວະລີ ເຈົ້າອານຸວົງ, ຖະໜົນເຈົ້າຟ້າ ງຸ່ມແຕ່ສາມແຍກປາກປ່າສັກ ຫາຫໍພະແກ້ວ ເລີ່ມແຕ່ວັນທີ 10-14 ຕຸລາ 2019 ແມ່ນງົດ ການສັນຈອນພາຫະນະທຸກ ປະເພດຊົ່ວຄາວເປັນບາງເວ ລາຕາມຖະໜົນດັ່ງກ່າວ. (ຂ່າວ: ຍຸພິນທອງ, ພາບ: ບຸນອູ້ມ)