ສ້າງ​ຂີດ​ຄວາມ​ສາ­ມາດ​ການ​ຈົດ​ທະ­ບຽນ ແລະ ສະ­ຖິ­ຕິພົນ­ລະ­ເມືອງ ປະ­ເທດ​ສະ­ມາ­ຊິກ​ແມ່­ນ້ຳ​ຂອງ​-​ແມ່­ນ້ຳ​ລ້ານ​ຊ້າງ

...

22.10.2019 9:41     

   ເພື່ອ​ຍົກ​ລະດັບ​ຄວາມ​ຮູ້​ຄວາມ​ສາມາດ ໃນ​ການຄຸ້ມຄອງ ​ຂໍ້​ມູນ​ພົນລະເມືອງ, ການຜະ ລິດ​ສື່​ໂຄສະ​ນາ​-​ເຜີຍແຜ່ສະຖິ ຕິທີ່​ສໍາ​ຄັນ​ກ່ຽວ​ກັບ​ການ​ຈົດທະ ບຽນ ເພື່ອ​ແລກປ່ຽນບົດຮຽນ​ດ້ານ​ວິຊາ​ການ ​ໃນ​ການຈັດຕັ້ງ​ປະຕິບັດ​ວຽກງານ​ການ​ຈົດ​ທະ ບຽນ ແລະ ສະຖິຕິ​ພົນລະເມືອງ ລະຫວ່າງ​ບັນດາ​ສະມາຊິກ​ປະ ເທດ​ລຸ່ມ​ແມ່​ນໍ້າ​ຂອງ​-​ແມ່​ນໍ້າ​ລ້ານ​ຊ້າງໃຫ້​ມີ​ການ​ພັດທະນາ ແລະ ຜັນ​ຂະຫຍາຍ​ເຂົ້າ​ໃນ​ວຽກ​ງານ​ຕົວ​ຈິງ​ໄດ້​ຢ່າງ​ກວ້າງຂວາງ, ໃນ​ຕອນ​ເຊົ້າ​ວັນ​ທີ 21 ຕຸລາ ນີ້ ທີ່ກະຊວງ​ພາຍ​ໃນໄດ້​ຈັດ​ກອງ​ປະຊຸມ​ຝຶກ​ອົບຮົມ​ ເພື່ອ​ສ້າງ​ຂີດ​ຄວາມ​ສາມາດ​ກ່ຽວ​ກັບ​ວຽກ​ງານ​ການ​ຈົດ​ທະບຽນ ແລະ ສະ ຖິຕິ​ພົນລະເມືອງ ລະຫວ່າງ​ປະ ເທດ​ສະມາຊິກ​ແມ່​ນໍ້າ​ຂອງ​-​ແມ່​ນໍ້າ​ລ້ານ​ຊ້າງ (CRVS) ຂຶ້ນທີ່ ນະຄອນ​ປາກ​ເຊ ແຂວງ​ຈໍາ​ປາ​ສັກ ໂດຍ​ການ​ເປັນ​ປະທານ​ຮ່ວມ​ຂອງທ່ານ ສີ​ພຸກ ວົງ​ພັກດີ ຮອງ​ລັດຖະມົນຕີ​ກະຊວງ​ພາຍ​ໃນ, ທ່ານ ສົມ​ສະ​ນິດ ບຸດ​ຕິ​ວົງ ຮອງ​ເຈົ້າ​ແຂວງ​ຈໍາ​ປາ​ສັກ ແລະ ທ່ານ ສິນ ເຊີນ (Qin Chen) ທີ່​ປຶກ​ສາ​ຂອງ​ສະຖານທູດ ສປ ຈີນ ປະ​ຈໍາ ສປປ ລາວ ເຂົ້າ​ຮ່ວມກອງ​ປະຊຸມ​ມີ​ຄະນະ​ຜູ້​ແທນ ຈາກ ສສ ຫວຽດນາມ, ສປ ຈີນ, ຣາ​ຊະ​ອານາ​ຈັກ​ກໍາ​ປູ​ເຈຍ, ຣາ​ຊະ​ອານາຈັກ​ໄທ, ສະຫະພາບ​ມຽນ​ມາ, ກອງ​ເລຂາ​ແມ່​ນໍ້າ​ຂອງ​-​ແມ່​ນໍ້າ​ລ້ານ​ຊ້າງ ແລະ ຕາງໜ້າ​ບັນດາ​ກະຊວງ​ທີ່​ກ່ຽວຂ້ອງ​ຂອງ​ລາວ ພ້ອມ​ດ້ວຍ​ບັນດາ​ຫົວ​ໜ້າ​-​ຮອງ​ຫົວໜ້າ​ພະ​ແນ​ກ​ພາຍ​ໃນ​ແຂວງ​-​ນະຄອນຫຼວງ ແລະ ຄະນະ​ວິຊາ​ການ ຂົງເຂດ​ພາຍ​ໃນ ເຂົ້າ​ຮ່ວມ.

   ການ​ຈັດ​ກອງ​ປະຊຸມ​ຄັ້ງ​ນີ້​ເປັນ​ການ​ແລກປ່ຽນ​ບົດຮຽນ​ດ້ານ​ວິຊາ​ການ​ວຽກ​ງານ​ຄຸ້ມ​ຄອງ​ພົນລະເມືອງ​ຮ່ວມ​ກັນ​ລະຫວ່າງ​ບັນດາ​ສະມາຊິກ​ປະ ເທດ​ລຸ່ມ​ແມ່​ນໍ້າ​ຂອງ​ແມ່​ນໍ້າ​ລ້ານ​ຊ້າງ​ໃນ​ການ​ປັບປຸງ​ວຽກ​ງານ​ການ​ຈົດ​ທະບຽນ​ ແລະ​ ສະຖິຕິ​ພົນລະເມືອງ, ຮັບ​ຟັງ​ການ​ນໍາ​ສະເໜີ​ຈາກ​ຊ່ຽວຊານ​​ດ້ານ​ວຽກ​ງານ​ສະຖິຕິ​ພົນລະເມືອງ (Expert on Vital Statistics) ຂອງ​ປະເທດ​ເກົາຫຼີ ກ່ຽວ​ກັບ​ຂອບ​ຂອງ​ວຽກ​ງານ​ການ​ຈົດ​ທະບຽນ ແລະ ສະຖິຕິ​ພົນ ລະເມືອງ CRVS, ຂະບວນ​ການ​ຜະລິດ​ຂອງ​ວຽກ​ງານ​ການ​ຈົດ​ທະບຽນ ແລະ ສະຖິຕິ​ພົນລະເມືອງ CRVS, ການ​ຄວບ​ຄຸມ​ຄຸນ​ນະ​ພາບ​ສະຖິຕິ, ການ​ເຊື່ອມ​ໂຍງ ແລະ ສົມ​ທຽບ​ຂໍ້​ມູນ, ສະຖິຕິ​ສາເຫດ​ການ​ເສຍ​ຊີວິດ, ສະຖິຕິ​ການ​ເສຍ​ຊີວິດ​ຂອງ​ເດັກນ້ອຍ, ແມ່, ເດັກ​ ໃນ​ທ້ອງ​ແມ່​ມານ ແລະ ເດັກ​ເກີດ​ໃໝ່​ໃນ​ໜຶ່ງ​ອາທິດ​ຫຼັງ​ເກີດ. ຮັບ​ຟັງ​ການ​ນໍາ​ສະເໜີ​ບົດຮຽນກ່ຽວ​ກັບ​ວຽກ​ງານ​ການ​ຈົດ​ທະບຽນ​ຄອບ​ຄົວ​-​ທັດສະນະ​ຂອງ​ໂລກ (Global Perspective), ການ​ສ້າງ​ຂີດ​ຄວາມ​ສາມາດວຽກ​ງານ​ການ​ຈົດ​ທະບຽນ​ຄອບຄົວ, ລະບົບ​ຂໍ້​ມູນ​ຂ່າວສານ​ການ​ຄຸ້ມ​ຄອງ​ພົນລະເມືອງ: ການຈົດ ​ທະບຽນ​ພົນລະເມືອງ-ການລະ ບຸ​ຕົວ​ຕົນ​ຂອງ​ພົນລະເມືອງຈາກ​ ຊ່ຽວຊານອາວຸໂສດ້ານສາທາ ລະນະ​ສຸກຂອງ​ທະນາຄານ​ໂລກ. ຮັບ​ຟັງ​ການ​ນໍາ​ສະເໜີ​ບົດຮຽນ, ປະສົບ​ການ​ຕົວ​ຈິງ ແລະ ແຜນການ​ຈັດ​ຕັ້ງ​ປະຕິບັດ​ວຽກ​ງານ​ການ​ຄຸ້ມ​ຄອງ​ການ​ຈົດ​ທະບຽນ ແລະ ການ​ເກັບ​ກໍາ​ສະ ຖິຕິ​ພົນລະເມືອງ ໂດຍ​ນໍາ​ໃຊ້​ລະບົບ​ເອ​ເລັກ​ໂຕ​ຣນິກທີ່​ທັນ​ສະໄໝຂອງຣາ​ຊະ​ອານາຈັກ​ໄທ ແລະ ຮັບ​ຟັງ​ນຳ​ສະເໜີກ່ຽວ​ກັບ​ການ​ອອກ​ແບບ​ໂຄງການ​ຈັດ​ຕັ້ງ​ປະຕິບັດ​ຍຸດທະສາດ​ວຽກ​ງານ​ການ​ຈົດ​ທະບຽນ ແລະ ສະຖິຕິ​ພົນລະເມືອງ ຂອງ ສປປ ລາວ (CRVS).

   ທ່ານ ສີ​ພຸກ ວົງ​ພັກດີ ຮອງ​ລັດຖະມົນຕີ​ກະຊວງ​ພາຍ​ໃນ ໄດ້​ກ່າວ​ເປີດ​ກອງ​ປະຊຸມ​ບາງ​ຕອນ​ວ່າ: ກອງ​ປະຊຸມ​ຄັ້ງ​ນີ້ເປັນ​ການ​ແລກປ່ຽນ​ບົດຮຽນ​ທາງ​ດ້ານ​ວິຊາ​ການກ່ຽວກັບການຈັດ ຕັ້ງ​ປະຕິບັດ​ວຽກ​ງານ​ການຈົດ​ທະບຽນ ແລະ ​ສະຖິຕິ​ພົນລະ ເມືອງລະຫວ່າງບັນດາປະເທດ​ ແມ່​ນໍ້າ​ຂອງ​-​ແມ່​ນໍ້າ​ລ້ານຊ້າງ ສ້າງ​ໂອກາດ​ໃຫ້​ບັນດາ​ກົມ ພະ ແນກພາຍ​ໃນ ແລະ ວິຊາ​ການ​ຂອງ​ລາວ ທັງ​ສູນກາງ ແລະ ທ້ອງຖິ່ນໄດ້ຖອດຖອນບົດຮຽນ​ກ່ຽວກັບ​ວຽກ​ງານ​ການ​ຈົດທະ ບຽນ ແລະ ​ສະຖິຕິ​ພົນລະເມືອງ ຈາກ​ບັນດາ​ຜູ້​ແທນ​ຂອງ​ບັນດາ​ປະເທດ​ແມ່​ນໍ້າ​ຂອງ ແລະ ແມ່​ນໍ້າ​ລ້ານ​ຊ້າງ ຊຶ່ງວຽກ​ງານ​ການ​ ຈົດ​ທະບຽນ ແລະ ສະຖິຕິ​ພົນລະ ເມືອງແມ່ນ​ວຽກ​ງານ​ໜຶ່ງ​ທີ່ລັດ ຖະບານ ສປປ ລາວ ໄດ້​ເອົາ ໃຈໃສ່ ແລະ ຖື​ເປັນ​ວຽກ​ສໍາ​ຄັນ​ໜຶ່ງ​ໃນ​ການຈັດຕັ້ງ​ປະຕິບັດ​ເຮັດ​ໃຫ້ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ.

   ກອງ​ປະຊຸມ​ຄັ້ງ​ນີ້ ໄດ້​ຮັບ​ທຶນ​ສະໜັບສະໜູນ​ຈາກ ສປ ຈີນ ພາຍ​ໃຕ້​ກອບ​ການ​ຮ່ວມ​ມື​ແມ່​ນໍ້າ​ຂອງ​-​ແມ່​ນໍ້າລ້ານ​ຊ້າງ ມີ​ໄລຍະ​ຈັດ​ຕັ້ງ​ປະຕິບັດ 3 ປີ ແຕ່​ປີ 2018-2020 ປະກອບ​ມີ 3 ກິດ​ຈະ​ກໍາເຊັ່ນ: ປີ 2018 ແລກປ່ຽນ​ບົດຮຽນ​ທາງ​ດ້ານ​ວິຊາ​ການ​ກ່ຽວ​ກັບ​ການຈັດຕັ້ງ​ປະຕິບັດ​ກ່ຽວ​ກັບ​ວຽກ​ງານ​ຈົດ​ທະບຽນ ແລະ ສະຖິຕິ​ພົນລະເມືອງ, ປີ 2019 ສ້າງ​ຂີດ​ຄວາມ​ສາມາດ​ກ່ຽວ​ກັບ​ວຽກ​ງານ​ຈົດ​ທະບຽນ ແລະ ສະຖິຕິ​ພົນລະເມືອງ ແລະ ປີ 2020 ສ້າງ​ຂີດຄວາມ​ສາມາດ ແລະ ເພີ່ມ​ຄວາມ​ຮັບ​ຮູ້​ໃຫ້​ຊຸມ​ຊົນ ເຮັດ​ໃຫ້​ປະຊາຊົນ​ມີ​ສ່ວນ​ຮ່ວມ ແລະ ເຂົ້າ​ເຖິງ​ການ​ບໍລິການ​ວຽກ​ງານ ຈົດ​ທະບຽນ ແລະ ສະຖິຕິ​ພົນ​ລະ​ເມືອງ.(ຂ່າວ​-​ພາບ: ໄຊ​ວິສິດ)