ຜົ້ງ​ສາ­ລີ ມອບ​ເງິນ​ອຸດ​ໜູນ​ໃຫ້​ຜູ້​ເສຍ­ສະ­ຫຼະ​ຊີ­ວິດ ໃນ​ປາງ​ສົງ­ຄາມ ຢູ່ 3 ເມືອງ

...

22.10.2019 9:53     

   ເພື່ອ​ສະແດງ​ຄວາມ​ຮູ້​ບຸນຄຸນ ແລະ ລະນຶກ​ເຖິງ​ຜູ້​ທ່ີ​ກ້າຫານ ສະຫຼະ​ຊີວິດ​ເລືອດ​ເນື້ອ​ຂອງ​ຕົນ​ເອງ​ໃນ​ປາງ​ສົງຄາມ ເພື່ອ​ປົດ​ປ່ອຍປະ​ເທດ​ຊາດ​ນັ້ນ.
ໃນ​ອາທິດ​ຜ່ານ​ມາ​ນີ້, ທາງ​ ພະ​ແນ​ກ​ແຮງ​ງານ ແລະ ສະ ຫວັດດີ​ການ​ສັງຄົມ​ແຂວງ​ຜົ້ງ​ສາລີ ນຳໂດຍ​ທ່ານ ເຫຼັກ​ດວງ​ໄກ ສົມ​ພະ​ຄຸນ ກຳມະການ​ພັກ​ແຂວງ ຫົວໜ້າ​ພະ​ແນ​ກ​ແຮງ​ງານ ແລະ ສະຫວັດດີ​ການ​ສັງຄົມ​ແຂວງ ພ້ອມ​ຄະນະ ໄດ້​ລົງ​ສົມທົບ​ກັບ ຫ້ອງການ​ແຮງ​ງານ ແລະ ສະຫວັດດີ​ການ​ສັງ ຄົມ​ຂອງ 3 ເມືອງ​ຂອງ​ແຂວງ​ຜົ້ງ​ສາລີ​ຄື: ເມືອງ​ຂວາ, ເມືອງ​ໃໝ່ ແລະ ເມືອງ​ສຳພັນ ໄດ້​ຈັດ​ພິທີ​ມອບ - ຮັບ ເງິນ​ນະໂຍບາຍ​ອຸດ​ໜູນ​ຜູ້​ເສຍສະຫຼະ​ຊີວິດ​ໃນ​ປາງ​ສົງຄາມ ປະຈຳ​ປີ 2019 ຊຶ່ງ​ຈັດ​ຂຶ້ນ​ຢູ່ 2 ຈຸດ​ຄື: ຈຸດ​ເມືອງ​ສຳພັນ ມີ​ຍາດ​ພີ່ນ້ອງ​ຂອງ​ຜູ້​ເສຍສະຫຼະ​ຊີວິດ​ໃນ​ປາງ​ສົງຄາມ​ຈາກ​ທົ່ວ​ເມືອງ​ສຳພັນ ເຂົ້າ​ມາ​ຮັບ​ໃຫ້​ທັງ​ໝົດ 29 ທ່ານ ລວມ​ເງິນ 661.390.500 ກີບ; ສຳລັບ ຈຸດເມືອງ​ຂວາ ມີ​ຍາດ​ພີ່ນ້ອງ​ຂອງ​ຜູ້​ເສຍສະຫຼະ​ຊີວິດ​ໃນ​ປາງ​ສົງຄາມ​ຈາກ​ເມືອງ​ຂວາ ແລະ ເມືອງ​ໃໝ່ ເຂົ້າ​ມາ​ຮັບ​ໃຫ້​ທັງ​ໝົດ 48 ທ່ານ ລວມ​ເງິນ 1.061.420.700 ກີບ.
(ຂ່າວ: ສົມ​ຄິດ ແກ້ວ​ນວນ​ລາ)