ໜ່ວຍພັກ ປກຊ-ປກສ ສາລະວັນ ຮັບຮອງເປັນໜ່ວຍພັກ ປອດໃສ ເຂັ້ມແຂງ

...

28.10.2019 9:25     

   ໜ່ວຍພັກຫ້ອງການປ້ອງ ກັນຊາດ-ປ້ອງກັນຄວາມສະ ຫງົບ ແຂວງສາລະວັນ ໄດ້ປະເມີນ ແລະ ກວດກາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ຂຶ້ນ ໃນວັນທີ 23 ຕຸລາຜ່ານມາ ໂດຍ ການເຂົ້າຮ່ວມເປັນປະທານຂອງ ສະຫາຍ ອູທອງ ມູນລາສີ ຄະ ນະພັກຮາກຖານຫ້ອງວ່າການ ປົກຄອງແຂວງ ພ້ອມດ້ວຍສະ ມາຊິກພັກ-ພະນັັກງານເຂົ້າຮ່ວມ. ສະຫາຍ ກິແກ້ວ ດວງບຸດດີ ເລຂາໜ່ວຍພັກຫ້ອງການ ປກ ຊ-ປກສ ໄດ້ຜ່ານບົດສະຫຼຸບຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໂດຍສະເພາະແນໃສ່ເຮັດໃຫ້ຂະບວນການກໍ່ສ້າງໜ່ວຍພັກໃຫ້ໄດ້ຮັບການເຄື່ອນໄຫວຢ່າງຕໍ່ເນື່ອງ, ຮັບປະກັນດ້ານຄຸນ ນະພາບ ເພື່ອເປັນແບບຢ່າງໃນ ການປັບປຸງແບບແຜນວິທີເຮັດ ວຽກຕ່າງໆຂອງໜ່ວຍພັກໃຫ້ ກາຍເປັນໜ້າທີ່ຄວາມຮັບຜິດ ຊອບຂອງຄະນະກວດກາ, ຄະ ນະພັກແຕ່ລະຂັ້ນ ໃນການດຳ ເນີນຕີລາຄາດ້ວຍຕົນເອງ. ຕະ ຫຼອດໄລຍະຜ່ານມາ ຄະນະໜ່ວຍພັກ, ສະມາຊິກພັກໄດ້ເອົາໃຈໃສ່ເຊື່ອມຊຶມ, ກຳແໜ້ນ ແລະ ຮ່ຳຮຽນແນວທາງນະໂຍ ບາຍຕ່າງໆຂອງພັກຢ່າງເປັນປົກກະຕິ ພ້ອມທັງໄດ້ນຳເອົາແນວທາງຕ່າງໆມາຫັນເປັນທິດ ທາງ, ແຜນການຂອງໜ່ວຍໃນ ແຕ່ລະໄລຍະ, ສຶກສາອົບຮົມພະ ນັກງານນຳພາຫຼັກແຫຼ່ງ ແລະ ສະມາຊິກພັັັກທາງດ້ານແນວ ຄິດການເມືອງ, ການຈັດຕັ້ງ, ແບບແຜນການນຳພາ, ການນຳ ພາປະຕິບັດໜ້າທີ່ການເມືອງ ແລະ ຮ່ວມກັັນຕີລາຄາການນຳ ພາລວມຂອງຄະນະໜ່ວຍພັກ, ສະມາຊິກພັກທາງດ້ານຕັ້ງໜ້າ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ເພື່ອຊອກຫາສາເຫດຕ່າງໆໃນການຊີ້ນຳໆພາ ໂດຍຖືເອົາການກວດກາ, ຕີລາຄາ ແລະ ປະເມີນສະມາຊິກພັກເປັນ ປະຈຳ ແລະ ຕໍ່ເນືື່ອງທັັງສົ່ງເສີີມ ດ້ານດີ, ດັັດແປງແກ້ໄຂສິ່ງບໍ່ສອດຄ່ອງໃຫ້ໄດ້ຮັບການແກ້ ໄຂ. ຜ່ານການ ປະເມີນສາມາດຕີລາຄາ ແລະ ຈັດປະເພດໜ່ວຍພັກແຂງ, ສະມາຊິກພັກແຂງ 12 ສະຫາຍ ຍິງ 3 ສະຫາຍ ກວມເອົາ 92,38%, ກາງ 1 ສະຫາຍ ແລະ ຄະນະໜ່ວຍພັັກ, ສະມາ ຊິກພັກເຫັນດີເປັນເອກະພາບ ກຽມສະເໜີອົງຄະນະພັກແຂວງສາລະວັນ ພິຈາລະນາປະກາດໜ່ວຍພັກ, ປອດໃສ, ເຂັ້ມແຂງ ແລະ ໜັກແໜ້ນ ປະຈຳປີ 2019. (ຂ່າວ-ພາບ: ທິດລານີ ໂຄດໂຍທາ)