ກອງປະຊຸມໃຫຍ່ຄັ້ງທີ III ໜ່ວຍພັກ ຄະນະເພສັຊສາດ


...

03.10.2019 9:18     

   ກອງປະຊຸມໃຫຍ່ຄັ້ງທີ III ຂອງໜ່ວຍພັກຄະນະເພສັຊສາດມະຫາວິທະຍາໄລວິ ທະຍາສາດສຸຂະພາບ (ມວສ) ໄດ້ຈັດຂຶ້ນໃນວັນທີ 1 ຕຸລາຜ່ານມາ ທີ່ຄະນະເພສັຊສາດພາຍໃຕ້ການເປັນປະທານຂອງ ສະຫາຍ ຄຳພອນ ພຸດທະວົງ ເລຂາຄະນະ ພັກ ຮອງລັດຖະມົນຕີກະຊວງ ສາທາລະນະສຸກ ຊຶ່ງມີຄະນະພັກ ບັນດາຄະນະໜ່ວຍພັກທີ່ຂຶ້ນກັບຮາກຖານ ມວສ ເຂົ້າຮ່ວມ.
    ສະຫາຍ ນາງ ສຸນັນທາ ສຸວັນລາສີ ຄະນະໜ່ວຍພັກ ຄະນະເພສັຊສາດ ໄດ້ຂຶ້ນຜ່ານຮ່າງບົດລາຍງານການເມືອງສະຫຼຸບຕີລາຄາການຈັດຕັ້ງປະ ຕິບັດວຽກງານໄລຍະ 5 ປີຜ່ານ ມາ (2014-2019) ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຂາດຕົກບົກຜ່ອງ, ບົດຮຽນທີ່ຖອດຖອນໄດ້ ພ້ອມທັງວາງ ທິດທາງແຜນການໃນຕໍ່ໜ້າ (2020-2025), ຕະຫຼອດໄລຍະ 5 ປີທີ່ຜ່ານມາເຫັນວ່າພະນັກງານສະມາຊິກພັກມີຄວາມອຸ່ນອ່ຽນທຸ່ນທ່ຽງມີທັດສະນະຫຼັກໝັ້ນຕໍ່ການນຳຂອງພັກ, ຄະນະໜ່ວຍພັກໄດ້ນໍາພາການເຄື່ອນໄຫວວຽກງານວິຊາສະເພາະ ຊຶ່ງສາ ມາດຍາດໄດ້ຜົນສຳເລັດຫຼາຍ ດ້ານເປັນຕົ້ນແມ່ນວຽກງານ ການພັດທະນາຊັບພະຍາກອນ ມະນຸດໃນການກໍ່ສ້າງເພສັຊ ກອນໃຫ້ມີຄວາມຮູ້ຄວາມສາ ມາດ, ມີຈັນຍາບັນ -ຈັນຍາທຳອອກຮັບໃຊ້ສັງຄົມ ນອກນີ້ຍັງສຳເລັດໃນການສ້າງຂີດຄວາມສາມາດຂອງເພສັຊກອນລາວ ໃຫ້ໄດ້ຮັບການຮັບຮອງຈາກກະຊວງສາທາລະນະສຸກ ເພື່ອເປັນບ່ອນອີງໃນການສ້າງ ແລະ ປັບປຸງຫຼັກສູດເພສັຊສາດໃຫ້ແທດເໝາະກັບສະພາບເສດຖະກິດ- ສັງຄົມ.     ກອງປະຊຸມຍັງໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ຂອງໜ່ວຍພັກຄະ ນະເພສັຊສາດ ແລະ ປ່ອນບັດຄັດເລືອກເອົາຜູ້ແທນສົມບູນ, ສຳຮອງໄປຮ່ວມກອງປະຊຸມ ໃຫຍ່ຄັ້ງທີ 9 ຂອງອົງຄະນະພັກ ກະຊວງສາທາລະນະສຸກ ອີກດ້ວຍ.
(ຂ່າວ-ພາບ ເພສັຊສາດ)