ກອງປະຊຸມໃຫຍ່ຄັ້ງທີ III ຂອງໜ່ວຍພັກຄະນະພະຍາບານສາດ


...

10.10.2019 8:35     

   ກອງປະຊຸມໃຫຍ່ ຄັ້ງທີ III ຂອງໜ່ວຍພັກຄະນະພະ ຍາບານສາດ ມະຫາວິທະຍາໄລວິທະຍາສາດສຸຂະພາບ (ມວ ສ) ໄດ້ຈັດຂຶ້ນໃນວັນທີ 8 ຕຸລາຜ່ານມາ ທີ່ຫ້ອງປະຊຸມຄະນະແພດສາດ, ພາຍໃຕ້ການເປັນປະທານຂອງສະຫາຍ ຄຳພອນ ພຸດທະວົງ ເລຂາຄະນະພັກ ຮອງລັດຖະມົນຕີກະຊວງສາ ທາລະນະສຸກ ຊຶ່ງມີຄະນະພັກ, ບັນດາຄະນະໜ່ວຍພັກທີ່ຂຶ້ນກັບ ມວສ ເຂົ້າຮ່ວມ. ສະຫາຍ ສຸກສະຫວັນ ພັນປະເສີດ ວ່າການເລຂາໜ່ວຍພັກຄະນະພະຍາບານສາດໄດ້ຂຶ້ນຜ່ານຮ່າງບົດລາຍງານການເມືອງ ສະຫຼຸບຕີລາຄາການຈັດຕັ້ງປະຕິບັດວຽກງານໄລຍະ 5 ປີຜ່ານມາ ເຫັນວ່າພະນັກງານສະມາຊິກພັກມີຄວາມອຸ່ນອ່ຽນທຸ່ນທ່ຽງ, ມີທັດສະນະຫຼັກໝັ້ນຕໍ່ການນຳພາຂອງພັກ ໄດ້ຊີ້ນຳ ນຳພາວຽກງານຕ່າງໆ ພາຍໃນຄະນະວິຊາຈົນສາມາດຍາດໄດ້ຜົນສຳເລັດຫຼາຍດ້ານເປັນຕົ້ນແມ່ນວຽກງານການພັດທະນາຊັບພະຍາກອນມະນຸດໃນການກໍ່ສ້າງນັກສຶກສາພະຍາບານ ແລະ ຜະດຸງຄັນ ໃຫ້ມີຄວາມຮູ້ຄວາມສາມາດ, ຈັນຍາບັນ-ຈັນຍາທຳ ອອກຮັບໃຊ້ສັງຄົມ. ນອກນີ້ຍັງສຳເລັດໃນການສ້າງຫຼັກສູດຕໍ່ເນື່ອງປະລິນຍາຕີຜະດຸງຄັນ, ຕໍ່ເນື່ອງປະລິນຍາຕີພະຍາບານສາດ, ລົງເລິກຂະ ແໜງວິຊາການພະຍາບານຟື້ນ ຟູຊີບຜູ້ໃຫຍ່ ແລະ ລົງເລິກຂະ ແໜງວິຊາການພະຍາບານຟື້ນ ຟູຊີບເດັກ; ປັບປຸງອະນຸປະລິນ ຍາສາທາລະນະສຸກສາດ ແລະ ປະລິນຍາຕີຜະດຸງຄັນໃຫ້ແທດ ເໝາະກັບສະພາບເສດຖະກິດ ແລະ ສັງຄົມໃນປັດຈຸບັນ. ກອງປະຊຸມຍັງໄດ້ປ່ອນບັດຄັດເລືອກເອົາຄະນະພັກຊຸດໃໝ່ ແລະ ປ່ອນບັດຄັດເລືອກເອົາຜູ້ແທນສົມບູນ ແລະ ສຳຮອງ ໄປຮ່ວມກອງປະຊຸມໃຫຍ່ຄັ້ງທີ IX ຂອງອົງຄະນະພັກກະຊວງສາທາລະນະສຸກອີກດ້ວຍ. (ຂ່າວ-ພາບ: ພະຍາບານສາດ)