ເຜີຍແຜ່ວຽກງານໂຄສະນາ ແລະ ຂະບວນການໃຫ້ແກ່ ກອງປະຊຸມໃຫຍ່ຂອງພັກແຕ່ລະຂັ້ນ

05.11.2019 9:57     

  ກອງປະຊຸມເຜີຍແຜ່ແນະ ນຳວຽກງານໂຄສະນາ ແລະ ຂະບວນການໃຫ້ແກ່ກອງປະ ຊຸມໃຫຍ່ຂອງພັກແຕ່ລະຂັ້ນໄດ້ ຈັດຂຶ້ນເມື່ອວັນທີ 4 ພະຈິກນີ້ ທີ່ສູນກາງແນວລາວສ້າງຊາດ (ສນຊ) ພາຍໃຕ້ການເປັນປະ ທານຂອງທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານ ສນຊ ຫົວໜ້າອະນຸກຳມະການໂຄສະນາ ແລະ ຂະບວນການກອງປະຊຸມໃຫຍ່ຜູ້ແທນທົ່ວປະ ເທດ ຄັ້ງທີ XI ຂອງພັກ ໂດຍມີບັນດາທ່ານ ໃນຄະນະອະນຸກຳມະການໂຄສະນາ ແລະ ຂະ ບວນການເຂົ້າຮ່ວມ 100 ກວ່າ ທ່ານ. ກ່າວມີຄຳເຫັນເປີດກອງ ປະຊຸມ ທ່ານ ໄຊສົມພອນ ພົມ ວິຫານ ໄດ້ກ່າວວ່າ: ຈຸດປະ ສົງຂອງກອງປະຊຸມນີ້ແມ່ນແນໃສ່ 4 ວຽກໃຫຍ່ຄື: ໜຶ່ງ, ເຜີຍແຜ່ມະ ຕິເລກທີ 061/ກມສພ ລົງວັນທີ 29/1/2019 ວ່າດ້ວຍການກະກຽມ ແລະ ດຳເນີນກອງປະ ຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ປປ ລາວ. ສອງ, ເຜີຍແຜ່ມະຕິຕົກລົງຂອງ ກົມການເມືອງສູນກາງພັກເລກ ທີ 070/ກມສພ ລົງວັນທີ 8/5/ 2019 ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນຳລວມ ແລະ ອະນຸກຳມະການຕ່າງໆ ເພື່ອກະກຽມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ. ສາມ, ເຜີຍແຜ່ຄຳແນະນຳເລກທີ 05/ອຄຂ ກ່ຽວກັບວຽກງານໂຄສະນາ ແລະ ຂະບວນການ ແລະ ສີ່, ຜ່ານຮ່າງບົດລາຍງານການເຄື່ອນໄຫວວຽກງານ ແລະ ຂະບວນການກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ແລະ ເຜີຍແຜ່ຄຳແນະນຳກ່ຽວກັບວຽກງານໂຄສະນາແຕ່ນີ້ຫາກອງປະຊຸມໃຫຍ່ ພ້ອມເຜີຍແຜ່ເອກະສານອື່ນໆຈຳນວນໜຶ່ງ. ຕະຫຼອດວາລະດຳເນີນກອງປະຊຸມພາກເຊົ້າ ແລະ ພາກບ່າຍ ຜູ້ເຂົ້າຮ່ວມໄດ້ປະກອບຄຳເຫັນຢ່າງກົງໄປກົງມາ ແນໃສ່ເຮັດໃຫ້ມີຄວາມເປັນເອກະພາບ ໃນການຊີ້ນຳ-ນຳພາ ແລະ ຈັດຕັ້ງປະຕິບັດວຽກງານໃຫ້ບັນລຸຜົນສຳເລັດຕາມຈຸດປະສົງ ແລະ ລະດັບຄາດໝາຍທີ່ວາງໄວ້ ເຮັດໃຫ້ການກະກຽມກອງປະ ຊຸມໃຫຍ່ຜູ້ແທນທົ່ວປະເທດ ຄັ້ງ ທີ XI ຂອງພັກ ຕິດພັນກັບຂະ ບວນການປົກປັກຮັກສາ ແລະ ພັດທະນາປະເທດຊາດ ພາຍໃຕ້ຄຳຂວັນ '' ຮັກຊາດ ແລະ ພັດ ທະນາ, ສືບຕໍ່ນຳພາຍູ້ຂະບວນ ການແຂ່ງຂັນ, ສູ້ຊົນປະຕິບັດບັນດາຄາດໝາຍທີ່ມະຕິກອງປະຊຸມໃຫຍ່ ຄັ້ງທີ X ຂອງພັກວາງອອກ ໃຫ້ເປັນຂະບວນຟົດ ຟື້ນຂອງທົ່ວສັງຄົມ, ສ້າງໃຫ້ໄດ້ການຫັນປ່ຽນໃໝ່ທີ່ຕັ້ງໜ້າ ໃນທຸກດ້ານນັບແຕ່ຂັ້ນຮາກຖານຂຶ້ນມາ''. ທ່ານປະທານກອງປະຊຸມ ຍັງໄດ້ຮຽກຮ້ອງໃຫ້ຄະນະຮັບ ຜິດຊອບວຽກງານໂຄສະນາ ແລະ ຂະບວນການຂັ້ນກະຊວງ, ອົງການ, ນະຄອນຫຼວງວຽງຈັນ ແລະ ບັນດາແຂວງກໍຄືຄະນະຮັບຜິດຊອບລວມຂອງກອງປະ ຊຸມໃຫຍ່ ຄັ້ງທີ XI ຂອງພັກຕ້ອງ ເປັນເຈົ້າການເອົາໃຈໃສ່ ແລະ ຊຸກຍູ້ຄະນະພັກທຸກຂັ້ນ, ພະ ນັກງານ, ສະມາຊິກພັກ, ທະຫານ, ຕຳຫຼວດຕະຫຼອດຮອດປະຊາຊົນລາວບັນດາເຜົ່າ ສ້າງບັນຍາກາດຟົດຟື້ນແຫ່ງການກະກຽມ ແລະ ດຳເນີນກອງປະ ຊຸມໃຫຍ່ຂັ້ນຕ່າງໆໃຫ້ມີຜົນ ສຳ ເລັດຕາມຈຸດປະສົງ ແລະ ຄາດ ໝາຍທີ່ວາງໄວ້ທຸກປະການ. (ຂ່າວ: ລູກເຂົ້າໜຽວ)