ສະຫະພັນແມ່ຍິງ ພະແນກ ຍທຂ ໄຊຍະບູລີ ສຳເລັດ ກອງປະຊຸມ ຄັ້ງທີ VII

06.11.2019 9:58     

  ກອງປະຊຸມໃຫຍ່ ຄັ້ງທີ VII ສະຫະພັນແມ່ຍິງ ພະແນກໂຍ ທາທິການ ແລະ ຂົນສົ່ງ (ຍທຂ) ແຂວງໄຊຍະບູລີ ໄດ້ຈັດຂຶ້ນ ຫວ່າງແລ້ວນີ້ ທີ່ຫ້ອງປະຊຸມພະແນກດັ່ງກ່າວ ໂດຍການເຂົ້າຮ່ວມຂອງສະຫາຍ ນາງ ຄຳຜີວ ພັນທະວົງ ວ່າການປະທານສະ ຫະພັນແມ່ຍິງແຂວງ ພ້ອມດ້ວຍເອື້ອຍນ້ອງແມ່ຍິງພາຍໃນພະແນກເຂົ້າຮ່ວມ. ໃນກອງປະຊຸມ ສະຫາຍ ນາງ ວຽງຄອນ ສະຫວັດໄພ ປະ ທານສະຫະພັນແມ່ຍິງ ພະແນກ ຍທຂ ໄດ້ຂຶ້ນຜ່ານບົດລາຍງານການເມືອງ ທັງສອງພາກໂດຍຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ຊຶ່ງບາງຕອນສະຫາຍໄດ້ກ່າວວ່າ: ໃນໄລຍະຜ່ານມາ ຄະນະສະຫະພັນແມ່ຍິງ ແລະ ສະມາຊິກແມ່ຍິງທຸກສະຫາຍ ໄດ້ເອົາໃຈໃສ່ຄົ້ນຄວ້າເຊື່ອມ ຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ພ້ອມກັນນັ້ນກໍໄດ້ນຳພາເປີດ ຂະບວນການແຂ່ງຂັນ 3 ດີ ແລະ ກວດກາການຈັດຕັ້ງປະຕິບັດຂໍ້ແຂ່ງຂັນ 3 ດີ ເປັນແຕ່ລະໄລຍະ ເຮັດໃຫ້ສະມາຊິກສະຫະພັນແມ່ຍິງພາຍໃນໜ່ວຍໄດ້ຮັບ ການຍ້ອງຍໍນາມມະຍົດໜ່ວຍ ແມ່ຍິງ 3 ດີ ແລະ ບຸກຄົນດີເດັ່ນ ໃນການຈັດຕັ້ງປະຕິບັດຂໍ້ແຂ່ງ ຂັນ 3 ດີ ໄດ້ຮັັບໃບຍ້ອງຍໍຈາກ ສູນກາງສະຫະພັນແມ່ຍິງລາວ ແລະ ຄັດເລືອກບຸກຄົນ 3 ດີໄດ້ຄື: ພົນລະເມືອງດີ 32 ສະຫາຍເທົ່າກັບ 100%, ພັດທະນາດີ 32 ສະຫາຍ, 3 ດີປະເພດ I ມີ 32 ສະຫາຍ, ໜ່ວຍສະຫະພັນແມ່ ຍິງພະແນກ ຍທຂ ຍັງຮັກສາ ໄດ້ໜ່ວຍແມ່ຍິງ 3 ດີ, ນອກນີ້ ເອື້ອຍນ້ອງແມ່ຍິງຍັງສ້າງເງິນຄັງລວມໄດ້ທັງໝົດ 16 ລ້ານ ກວ່າກີບ. ຈາກນັ້ນ, ກອງປະ ຊຸມຍັງໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາ ຄະນະໜ່ວຍຊຸດໃໝ່ ບົນພື້ນ ຖານຖືກຕ້ອງສອດຄ່ອງກັບມາດ ຖານເງື່ອນໄຂກຳນົດໄວ້ ຊຶ່ງມີຜູ້ ສະໝັກ 5 ສະຫາຍ, ເລືອກເອົາ 3 ສະຫາຍ, ກອງປະຊຸມຄັ້ງປະ ຖົມມະລືກເຫັນດີເປັນເອກະສັນ ກັນເລືອກເອົາສະຫາຍ ນາງ ເພັດສະຫວັດ ຂັນແກ້ວ ເປັນປະ ທານສະຫະພັນແມ່ຍິງ ພະແນກ ຍທຂ, ສະຫາຍ ນາງ ສະນຽນ ພອນມະນີ ເປັນຮອງປະທານ ທັງເປັນປະທານກວດກາ ແລະ ສະຫາຍ ນາງ ດາວມະນີ ສົມພັນ ເປັນຄະນະ. (ຂ່າວ-ພາບ: ບຸນທີ ແສງຈັນ ທະລາ)