ກອງປະຊຸມໃຫຍ່ ຄັ້ງທີ I ຂອງໜ່ວຍພັກສະຖາບັນ ຄຸ້ມຄອງວິທະຍາສາດ ແລະ ເຕັກໂນໂລຊີ

07.11.2019 10:20     

  ກອງປະຊຸມໃຫຍ່ ຄັ້ງທີ I ຂອງໜ່ວຍພັກ ສະຖາບັນການຄຸ້ມຄອງວິທະຍາສາດ ແລະ ເຕັກ ໂນໂລຊີ (ສຄວຕ) ໄດ້ເປີດຂຶ້ນ ໃນວັນທີ 6 ພະຈິກນີ້ ທີ່ສະຖາບັນນິເວດວິທະຍາ ແລະ ເຕັກ ໂນໂລຊີ, ນະຄອນຫຼວງວຽງຈັນ ໂດຍການເຂົ້າຮ່ວມຂອງສະ ຫາຍ ບໍ່ວຽງຄໍາ ວົງດາລາ ກໍາ ມະການສູນກາງພັກ ເລຂາຄະ ນະພັກ ລັດຖະມົນຕີກະຊວງວິທະຍາສາດ ແລະ ເຕັກໂນໂລ ຊີ, ສະຫາຍ ພິມພາ ອຸດທະຈັກ ເລຂາໜ່ວຍພັກ ສຄວຕ, ມີຄະ ນະໜ່ວຍພັກ, ສະມາຊິກພັກ ສົມບູນ-ສໍາຮອງເຂົ້າຮ່ວມ. ກອງປະຊຸມ, ສະຫາຍ ພິມພາ ອຸດທະຈັກ ໄດ້ຂຶ້ນຜ່ານບົດລາຍ ງານ ໃນການເຄື່ອນໄຫວວຽກງານທີ່ຜ່ານມາ ຊຶ່ງໄດ້ຍົກໃຫ້ເຫັນດ້ານດີ, ອ່ອນ, ຂໍ້ຂາດຕົກ ບົກຜ່ອງ, ວຽກງານທີ່ຖອດຖອນໄດ້ ແລະ ທິດທາງແຜນການ ໃນ ຕໍ່ໜ້າ ຊຶ່ງໄລຍະຜ່ານມາຄະນະໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ- ພະນັກງານດ້ວຍຫຼາຍຮູບການ; ໄດ້ເອົາໃຈໃສ່ຊີ້ ນໍາ-ນໍາພາວຽກງານວິຊາສະ ເພາະ; ວຽກງານບໍລິຫານ-ສັງລວມ; ວຽກຄົ້ນຄວ້າ ແລະ ພັດ ທະນາຫຼັກສູດ; ວຽກງານຝຶກອົບ ຮົມ; ວຽກງານຂໍ້ມູນຂ່າວສານ- ຫໍສະໝຸດ ແລະ ວຽກງານພົວ ພັນຮ່ວມມື, ພິເສດແມ່ນໄດ້ສໍາ ເລັດການຄົ້ນຄວ້າສ້າງຫຼັກສູດ ຝຶກອົບຮົມການຄຸ້ມຄອງວິທະ ຍາສາດ ແລະ ເຕັກໂນໂລຊີ ສໍາລັບຮັບໃຊ້ພະນັກງານຂັ້ນວິຊາການ 1 ຫຼັກສູດ ແລະ ໄດ້ທົດລອງນຳໃຊ້ການຈັດຝຶກອົບຮົມ 1 ຄັ້ງ; ໄດ້ສັງລວມບັນດາບົດຮຽນຈາກຫ້ອງການ, ກົມ, ສະຖາບັນ ເພື່ອມາຄົ້ນຄວ້າ, ຮຽບຮຽງເປັນຫຼັກສູດການຮຽນ-ການສອນ, ການຝຶກອົບຮົມ ມີ 11 ຫົວຂໍ້ 164 ບົດ; ໄດ້ຄົ້ນຄວ້າ ແລະ ຮຽບຮຽງຄືນບົດຮຽນຕ່າງໆທີ່ ສສ ຫວຽດນາມໄດ້ໃຫ້ການຝຶກອົບຮົມ ເພື່ອເປັນເອກະສານ ຮັບໃຊ້ການສ້າງຫຼັກສູດ; ໄດ້ຄົ້ນຄວ້າຄະນະຮັບຜິດຊອບ ການສ້າງຫຼັກສູດຂັ້ນກະຊວງ; ຄົ້ນຄວ້າຫຼັກສູດຝຶກອົບຮົມສໍາລັບພະນັກງານຂັ້ນຄຸ້ມຄອງ ແລະ ວຽກງານອື່ນໆ. ກອງປະຊຸມຄັ້ງນີ້, ໄດ້ມີການປ່ອນບັດເລືອກເອົາຄະນະສະມາຊິກພັກຊຸດໃໝ່ ຊຶ່ງໄດ້ເລືອກເອົາ ສະຫາຍ ພິມພາ ອຸດທະຈັກ ເປັນເລຂາໜ່ວຍພັກສະຖາບັນການຄຸ້ມຄອງວິ ທະຍາສາດ ແລະ ເຕັກໂນໂລຊີ (ສຄວຕ), ເລືອກເອົາ ສະຫາຍນາງ ໂສດາ ລາຊະສິມມາ ເປັນຮອງເລຂາໜ່ວຍພັກ ແລະ ເລືອກເອົາສະຫາຍ ສີພອນ ແສງສຸລິຈັນ ເປັນຄະນະ ທັງເປັນປະທານກວດກາ. (ຂ່າວ: ແສງຈັນ)