ນາຍົກລັດຖະມົນຕີ ຕ້ອນຮັບຜູ້ຕາງໜ້າພິເສດຂອງ ລັດຖະບານມາເລເຊຍ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ການຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ຕຸນ ແຊມມີ ເວລູ ຜູ້ຕາງໜ້າພິເສດຂອງລັດຖະບານມາເລເຊຍ ພ້ອມດ້ວຍຄະນະ ໃນວັນທີ 31 ຕຸລາຜ່ານມານີ້ ທີ່ສຳນັກງານນາຍົກລັດຖະມົນຕີ ໃນໂອກາດທີ່ເດີນທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ ໃນລະຫວ່າງວັນທີ 29 ຕຸລາ ຫາ 1 ພະຈິກ 2017. ໃນໂອກາດນີ້ ທ່ານນາຍົກລັດຖະມົນຕີ ກໍໄດ້ກ່າວຍິນດີຕ້ອນຮັບ ແລະ ຕີລາຄາສູງຕໍ່ສາຍພົວ ພັນມິດຕະພາບ ແລະ ການຮ່ວມມືລະຫວ່າງສອງປະເທດ ລາວ - ມາເລເຊຍ ທີ່ໄດ້ຮັບການເສີມ ຂະຫຍາຍ ແລະ ຮັດແໜ້ນຕະຫຼອດຫຼາຍສິບປີທີ່ຜ່ານມາ ໂດຍສະເພາະແມ່ນ ການເດີນທາງໄປຢ້ຽມຢາມມາ ເລເຊຍຢ່າງເປັນທາງການຂອງ ທ່ານນາຍົກລັດຖະມົນຕີ ແລະ ຄະນະຜູ້ແທນຂັ້ນສູງຂອງລາວ ເມື່ອບໍ່ດົນມານີ້ ທີ່ໄດ້ມີການ ພົບປະກັນ ແລະ ເຫັນດີ ພ້ອມ ກັນເພີ່ມທະວີການຮ່ວມມື ໃນຫຼາຍຂະແໜງການ. ໃນຂະ ນະທີ່ຢ້ຽມຢາມມາເລເຊຍຂອງ ທ່ານນາຍົກລັດຖະມົນຕີ ຍັງ ໄດ້ມີໂອກາດພົບປະ ແລະ ສະ ເໜີບັນດາທ່າແຮງຂອງລາວ ຕໍ່ກັບບັນດານັກທຸລະກິດຂອງ ມາເລເຊຍທີ່ມີຄວາມສົນໃຈ ຈະລົງທຶນຢູ່ ສປປ ລາວ. ມາ ຮອດປັດຈຸບັນ, ນັກທຸລະກິດ ມາເລເຊຍ ໄດ້ມາລົງທຶນຢູ່ ສປປ ລາວ ເພີ່ມຂຶ້ນຈັດຢູ່ ອັນດັບທີ 4 ທີ່ມີການລົງທຶນຢູ່ ສປປ ລາວ ດ້ວຍມູນຄ່າຫຼາຍ ກວ່າ 1 ຕື້ໂດລາ. ພ້ອມນີ້ ທ່ານ ທອງລຸນ ສີສຸລິດ ຍັງໄດ້ ສະແດງຄວາມຊົມເຊີຍຕໍ່ການ ເດີນທາງມາເຮັດວຽກຢູ່ລາວ ຂອງຄະນະຜູ້ຕາງໜ້າພິເສດ ຂອງລັດຖະບານມາເລເຊຍ ກໍຄືໝາກຜົນຂອງການພົບປະ ແລກປ່ຽນ ແລະ ການຮ່ວມມື ສອງຝ່າຍ. ໂອກາດນີ້, ທ່ານນາຍົກ ລັດຖະມົນຕີ ແລະ ທ່ານ ຕຸນ ແຊມມີ ເວລູ ຍັງໄດ້ແລກປ່ຽນ ບາງແນວຄວາມຄິດ ທີ່ຕ່າງ ຝ່າຍຕ່າງໃຫ້ຄວາມສົນໃຈໂດຍ ສະເພາະແມ່ນການລົງທຶນໃສ່ ພື້ນຖານໂຄງລ່າງຢູ່ ສປປ ລາວ ທີ່ກ່ຽວພັນເຖິງການເຊື່ອມໂຍງ ໃນພາກພື້ນ ແລະ ສາກົນເຊັ່ນ: ການພັດທະນາລະບົບການຂົນ ສົ່ງທາງລົດ, ທາງລົດໄຟ ແລະ ທາງອາກາດ ເພື່ອໃຫ້ ສປປ ລາວ ກາຍເປັນໃຈກາງທາງ ຜ່ານ ທາງດ້ານຄົມມະນາຄົມ ຂົນສົ່ງເພາະວ່າ ສປປ ລາວ ບໍ່ມີທາງອອກສູ່ທະເລ, ການ ພັດທະນາພະລັງງານສະອາດ ເປັນຕົ້ນພະລັງງານແສງຕາ ເວັນ ແລະ ພະລັງງານລົມ, ສຳຄັນທີ່ສຸດ ທ່ານນາຍົກລັດ ຖະມົນຕີ ຍັງໄດ້ເນັ້ນໃຫ້ພ້ອມ ກັນຊອກ ແລະ ຂະຫຍາຍຕະ ຫຼາດ, ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ ການຕັດສິນໃຈຊື້ພະລັງງານ ໄຟຟ້າຈາກ ສປປ ລາວ ຈຳ ນວນ 100 ເມກາວັດ ໂດຍຜ່ານ ສາຍສົ່ງຂອງປະເທດໄທ. ທ່ານນາຍົກລັດຖະມົນຕີ ຍັງໄດ້ສະແດງຄວາມຫວັງວ່າ ການມາເຮັດວຽກຂອງຄະນະຜູ້ ຕາງໜ້າພິເສດຂອງລັດຖະບານ ມາເລເຊຍເທື່ອນີ້ ຈະເປັນການ ເປີດທາງໃຫ້ແກ່ການຊຸກຍູ້ສົ່ງ ເສີມການລົງທຶນໃນ ສປປ ລາວ ໃຫ້ນັບມື້ນັບເພີ່ມຂຶ້ນຕື່ມອີກ. ໃນຕອນທ້າຍ ທ່ານ ຕຸນ ແຊມມີ ເວລູ ໄດ້ສະແດງ ຄວາມຂອບໃຈເປັນຢ່າງສູງຕໍ່ ການຕ້ອນຮັບອັນອົບອຸ່ນຂອງ ທ່ານ ທອງລຸນ ສີສຸລິດ ແລະ ຄະນະນຳຂັ້ນສູງຂອງ ສປປ ລາວ ຊຶ່ງຈະໄດ້ນຳເອົາຜົນສຳ ເລັດຂອງການເດີນທາງມາ ເຮັດວຽກຢູ່ ສປປ ລາວ ໃນຄັ້ງນີ້ ໄປລາຍງານຕໍ່ທ່ານນາຍົກລັດ ຖະມົນຕີ ແຫ່ງປະເທດມາເລ ເຊຍຮັບຊາບ ເພື່ອຈະໄດ້ພ້ອມ ກັນຊຸກຍູ້ສົ່ງເສີມໃຫ້ບັນດາຫົວ ໜ່ວຍທຸລະກິດຂອງມາເລເຊຍ ໄດ້ມາລົງທຶນໃນບັນດາທ່າ ແຮງສຳຄັນຂອງຂະແໜງການ ຕ່າງໆຂອງລາວ ໃນອະນາຄົດ. (ພາວ-ຂ່າວ: ສນຍ)