ວາງສີລາລືກ ໂຄງການກໍ່ສ້າງຫໍສະພາແຫ່ງຊາດຫຼັງໃໝ່


...

    

ພັກ - ລັດ ແລະ ປະຊາຊົນ ຫວຽດນາມ ໄດ້ມອບເງິນຈຳ ນວນ 100 ລ້ານໂດລາ ເພື່ອ ເປັນຂອງຂວັນໃຫ້ແກ່ພັກ - ລັດ ແລະ ປະຊາຊົນລາວ ເພື່ອນຳ ໃຊ້ໃນການກໍ່ສ້າງຫໍສະພາ ແຫ່ງຊາດລາວຫຼັງໃໝ່ ຊຶ່ງພິທີ ວາງສີລາລືກໂຄງການກໍ່ສ້າງ ຫໍສະພາ ແຫ່ງຊາດ ລາວຫຼັງໃໝ່ ໄດ້ຈັດ ຂຶ້ນໃນ ວັນທີ 1 ພະຈິກນີ້ ໂດຍໃຫ້ກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ເລຂາທິ ການໃຫຍ່ ຄະນະບໍລິຫານງານ ສູນກາງພັກ ປປ ລາວ ປະທານ ປະເທດ ແຫ່ງ ສປປ ລາວ, ທ່ານ ນາງ ປານີ ຢາທໍ່ຕູ້ ກຳມະການ ກົມການເມືອງສູນກາງພັກ ປະ ທານສະພາແຫ່ງຊາດ ສປປ ລາວ, ທ່ານ ນາງ ຫງວຽນ ທິ ກິມ ເງິນ ກຳມະການກົມການ ເມືອງສູນກາງພັກກອມມູນິດ ຫວຽດນາມປະທານສະພາ ແຫ່ງຊາດ ແຫ່ງ ສສ ຫວຽດນາມ. ໂຄງການກໍ່ສ້າງຫໍສະພາ ແຫ່ງຊາດ ມີເນື້ອທີ່ກໍ່ສ້າງທັງ ໝົດ 23.400 ຕາແມັດ, ເນື້ອທີ່ ປຸກສ້າງອາຄານຕິດໜ້າດິນ 7.171 ຕາແມັດ,ກວ້າງ 78 ແມັດ ແລະ 105 ແມັດ, ມີເນື້ອ ທີ່ເຂດຂຽວ 7.100 ຕາແມັດ, ມີເນື້ອທີ່ບ່ອນຈອດລົດ ແລະ ທາງສັນຈອນ 9.450 ຕາ ແມັດ ສາມາດບັນຈຸລົດໃຫຍ່ ໄດ້ 273 ຄັນ, ມີຄວາມສູງ ຂອງອາຄານ 34,6 ແມັດ, ລວມມີ 5 ຊັ້ນ, ສາມາດບັນຈຸ ເຕັມໄດ້ 800 - 1000 ຄົນ, ມີຫ້ອງປະຊຸມໃຫຍ່ສະມາຊິກ ສະພາສາມາດບັນຈຸໄດ້ 433 ຄົນ, ລວມມູນຄ່າໃນການກໍ່ ສ້າງທັງໝົດ 100 ລ້ານໂດລາ. ທ່ານ ສົມພັນ ແພງຄຳມີ ກຳມະການສູນກາງພັກ ຮອງ ປະທານສະພາແຫ່ງຊາດ ຫົວ ໜ້າຄະນະຊີ້ນຳໂຄສະນາກໍ່ສ້າງ ຫໍສະພາແຫ່ງຊາດລາວຫຼັງ ໃໝ່ກ່າວວ່າ:ໂຄງການປຸກສ້າງ ຫໍສະພາແຫ່ງຊາດຫຼັງໃໝ່ ເພື່ອ ຮັບປະກັນໃຫ້ການປຸກສ້າງ ບັນຈຸຕາມຈຸດປະສົງຄາດໝາຍ ໃນທຸກດ້ານ: ລັດຖະບານແຫ່ງ ສສ ຫວຽດນາມ ໄດ້ຄັດເລືອກ ເອົາ ບໍລິສັດຈາກແມ່ ທັບນ້ອຍທີ 11 ກະຊວງປ້ອງກັນປະເທດ ຫວຽດນາມ ຊຶ່ງເປັນບໍລິສັດທີ່ມີ ທ່າແຮງທາງດ້ານພະນັກງານ, ກຳມະກອນ, ນັກວິສະວະ ກອນ ຄົບຊຸດ, ມີເຄື່ອງມືຮັບໃຊ້ ທີ່ທັນສະໄໝຄົບຖ້ວນ, ມີປະ ສົບການ, ມີຜົນງານໃນການ ຮັບເໝົາກໍ່ສ້າງຕຶກອາຄານທີ່ ໃຫຍ່ໂຕທັນສະໄໝຫຼາຍແຫ່ງ ຢູ່ ສສ ຫວຽດນາມ ເປັນບໍລິສັດ ຮັບເໝົາກໍ່ສ້າງຫຼັກ. ລັດຖະ ບານແຫ່ງ ສປປ ລາວ ຄັດ ເລືອກເອົາບໍລິສັດຈິດຈະເລີນ ກໍ່ສ້າງຈຳກັດ ທີ່ມີເງື່ອນໄຂ ມາດຕະຖານຄົບຖ້ວນ ແລະ ມີ ຜົນງານໃນການຮັບເໝົາກໍ່ສ້າງ ຕຶກອາຄານຢູ່ ສປປ ລາວ ຫຼາຍ ແຫ່ງເປັນຜູ້ຮັບເໝົາຮ່ວມ. ສຳ ລັບການຕົບແຕ່ງລວດລາຍສິ ລະປະວັດທະນະທຳ ທີ່ເປັນ ເອກະລັກຂອງລາວ ຈະມອບ ໃຫ້ນັກວິສະວະກອນ, ກຳມະ ກອນຂອງລາວ ເປັນຜູ້ຮັບຜິດ ຊອບໂດຍກົງ. ຫໍສະພາແຫ່ງຊາດຫຼັງ ໃໝ່ ຈະໄດ້ຮັບການປຸກສ້າງ ບັນລຸຕາມຈຸດປະສົງລະດັບ ຄາດໝາຍທຸກປະການ ແລະ ຈະກາຍເປັນປັດຕະຍະກຳໜຶ່ງ ທີ່ສວຍງາມສະຫງ່າຄຽງຄູ່ກັບ ວັດວາອາຣາມທີ່ເປັນອະລິຍະ ທຳອັນສັກກາລະບູຊາ ມີຄຸນຄ່າ ສູງທາງດ້ານວັດຖຸ ແລະ ຈິດໃຈ ຂອງປວງຊົນລາວທັງຊາດ. ຫໍສະພາແຫ່ງຊາດຫຼັງ ໃໝ່ນີ້ ຈະເປັນໜຶ່ງໃນສັນຍາ ລັກແຫ່ງສາຍພົວພັນແບບພິ ເສດການຮ່ວມມືຮອບດ້ານ ຂອງສອງພັກ, ລັດ ແລະ ປະຊາຊົນສອງຊາດ ລາວ - ຫວຽດນາມ ຈະເປັນມູນມໍລະ ດົກອັນລ້ຳຄ່າໃຫ້ລູກຫຼານຂອງ ພວກເຮົາ ໄດ້ປົກປັກຮັກສາ, ສຶກສາ ແລະ ຄົ້ນຄວ້າຮ່ຳຮຽນ ໃນຂັ້ນຕໍ່ໄປ.