ຜູ້ນຳພັກ-ລັດຖະບານ ວາງພວງມາລາໃນໂອກາດວັນຊາດ 2 ທັນວາ ຄົບຮອບ 42 ປີ


......

    

ເນື່ອງໃນໂອກາດວັນຊາດ ຄົບຮອບ 42 ປີ ( 2 ທັນວາ 1975 - 2 ທັນວາ 2017), ໃນວັນທີ 1 ທັນວານີ້ ຄະນະບໍລິຫານງານສູນກາງພັກ, ຄະນະສະພາແຫ່ງຊາດ, ຄະນະລັດຖະບານ, ຄະນະອົງການຈັດຕັ້ງມະຫາຊົນ, ຄະນະກຳລັງປ້ອງກັນຊາດ, ຄະນະກຳລັງປ້ອງກັນຄວາມສະຫງົບ ແລະ ຄະນະຫ້ອງວ່າການປົກຄອງນະຄອນຫຼວງ ວຽງຈັນ, ໄດ້ຜັດປ່ຽນເຂົ້າວາງພວງມາລາທີ່ອະນຸສາວະລີນັກຮົບນິລະນາມ (ດາວແດງ). ພິທີວາງພວງມາລາ ນຳໂດຍຄະນະບໍລິຫານງານສູນກາງພັກ, ມີບັນດາສະຫາຍກົມການເມືອງສູນກາງພັກ, ເລຂາທິການສູນກາງພັກ,ຄະນະບໍລິຫານງານສູນກາງ ພັກ ນຳໂດຍ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານ ສູນກາງ ພັກ ປະທານປະເທດ, ຖັດຈາກ ນັ້ນ ແມ່ນຄະນະສະພາແຫ່ງ ຊາດ ນຳໂດຍ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ, ຄະນະລັດຖະບານ ນຳ ໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີ, ຄະນະ ອົງການຈັດຕັ້ງມະຫາຊົນ ນຳ ໂດຍທ່ານ ໄຊສົມພອນ ພົມວິ ຫານ ປະທານສູນກາງແນວ ລາວສ້າງຊາດ, ຄະນະກຳລັງ ປ້ອງກັນຊາດ ນຳໂດຍທ່ານ ພົນໂທ ຈັນສະໝອນ ຈັນຍາ ລາດ ລັດຖະມົນຕີກະຊວງປ້ອງ ກັນປະເທດ, ຄະນະກຳລັງປ້ອງ ກັນຄວາມສະຫງົບ ນຳໂດຍ ທ່ານ ສົມແກ້ວ ສີລາວົງ ລັດຖະມົນຕີກະຊວງປ້ອງກັນ ຄວາມສະຫງົບ ແລະ ຄະນະ ຫ້ອງວ່າການປົກຄອງນະຄອນ ຫຼວງວຽງຈັນ ນຳໂດຍທ່ານ ສິນລະວົງ ຄຸດໄພທູນ ເຈົ້າຄອງ ນະຄອນຫຼວງວຽງຈັນ. ພາຍຫຼັງ ເຂົ້າວາງພວງມາ ລາທີ່ອະນຸສາວະລີນັກຮົບນິ ລະນາມສຳເລັດ ຄະນະດັ່ງກ່າວ ກໍສືບຕໍ່ເດີນທາງໄປວາງກະ ຕ່າດອກໄມ້ທີ່ຫໍພິພິທະພັນ ໄກສອນ ພົມວິຫານ ເພື່ອສະ ແດງຄວາມຮູ້ບຸນຄຸນ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ທີ່ອຸທິດຕົນ ຕໍ່ຊາດ ແລະ ປະຊາຊົນ ທັງເປັນ ການຈາລຶກຄຸນງາມຄວາມດີ ຂອງພະນັກງານ, ນັກຮົບທີ່ເສຍ ສະຫຼະຊີວິດເພື່ອຊາດ, ເພື່ອ ປະຊາຊົນໃນພາລະກິດການ ປະຕິວັດຊາດ ປະຊາທິປະໄຕ ແລະ ພາລະກິດປົກປັກຮັກສາ ສ້າງສາປະເທດຊາດ. (ຂ່າວ: ແສງຈັນ)