ທູຕານຸທູດ ແລະ ອົງການຈັດຕັ້ງສາກົນ ເຂົ້າອວຍພອນທ່ານຜູ້ນຳເຮົາໃນໂອກາດວັນຊາດ


......

    

ເນື່ອງໃນໂອກາດວັນຊາດ ທີ 2 ທັນວາ ຄົບຮອບ 42 ປີ ໃນຕອນເຊົ້າທີ 1 ທັນວາ ທີ່ ທຳນຽບປະທານປະເທດບັນ ດາທູຕານຸທູດ ແລະ ອົງການ ຈັດຕັ້ງສາກົນປະຈຳລາວ ໄດ້ ເຂົ້າອວຍພອນທ່ານຜູ້ນຳ ຂັ້ນສູງຂອງລາວເຮົານຳໂດຍ ພະນະທ່ານ ບຸນຍັງ ວໍລະຈິດ ປະທານປະເທດພ້ອມພັນລະ ຍາ, ພະນະທ່ານ ພັນຄຳ ວິພາ ວັນ ຮອງປະທານປະເທດພ້ອມ ພັນລະຍາ, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍພັນລະຍາ ແລະ ພະນະທ່ານ ສະເຫຼີມໄຊ ກົມມະ ສິດ ລັດຖະມົນຕີກະຊວງການ ຕ່າງປະເທດ, ຕະຫຼອດຮອດ ການນຳຂັ້ນສູງຈຳນວນໜຶ່ງ. ໃນໂອກາດດັ່ງກ່າວພະ ນະທ່ານ ຈອນ ໂອເວນວິນລຽມ ທູດອົດສະຕຣາລີ ໃນນາມທູດ ອາວຸໂສຕາງໜ້າທູດ ແລະ ອົງ ການຈັດຕັ້ງສາກົນປະຈຳລາວ ໄດ້ຂຶ້ນກ່າວອວຍພອນແກ່ພະ ນະທ່ານຜູ້ນຳເຮົາໃນໂອກາດ ວັນຊາດຂອງ ສປປ ລາວ ໃນ ຄັ້ງນີ້ວ່າ: ຂ້າພະເຈົ້າຕາງໜ້າ ຄະນະທູຕານຸທູດ ແລະ ອົງ ການຈັດຕັ້ງສາກົນປະຈຳລາວ ຂໍສະແດງຄວາມຂ່ຳນັບຊົມ ເຊີຍ ແລະ ຄຳອວຍພອນໄຊ ອັນປະເສີດຕໍ່ພັກ - ລັດຖະບານ ແລະ ປະຊາຊົນລາວ ທຸກຖ້ວນ ໜ້າໃນໂອກາດສະເຫຼີມສະ ຫຼອງວັນຊາດ ແລະ ເຊື່ອ ໝັ້ນວ່າພາຍໃຕ້ການຊີ້ນຳ ນຳພາຂອງພັກ - ລັດຖະບານ ສປປ ລາວ ຈະສືບຕໍ່ນຳພາປະ ຊາຊົນປະກອບສ່ວນເຂົ້າໃນ ການສ້າງສາພັດທະນາປະ ເທດຊາດໃຫ້ມີຄວາມຈະເລີນ ສີວິໄລ, ຊີວິດການເປັນຢູ່ຂອງ ປະຊາຊົນນັບມື້ດີຂຶ້ນເປັນ ກ້າວໆ ຊຶ່ງສະແດງອອກຜົນ ງານໃນແຕ່ລະດ້ານຕະຫຼອດ 42 ປີຜ່ານມາ, ຂ້າພະເຈົ້າເຊື່ອ ໝັ້ນວ່າລັດຖະບານລາວຈະ ສືບຕໍ່ໄດ້ຮັບການສະໜັບສະ ໜູນໃນການຈັດຕັ້ງປະຕິບັດ ນະໂຍບາຍຈາກຜູ້ຕາງໜ້າ ຂອງທຸກປະເທດທີ່ໄດ້ເຂົ້າ ຮ່ວມງານໃນຄັ້ງນີ້. ຂ້າພະເຈົ້າ ພ້ອມຄະນະທູຕານຸທູດ ແລະ ອົງການຈັດຕັ້ງສາກົນປະຈຳ ລາວຂໍອວຍພອນໄຊອັນປະ ເສີດແກ່ພະນະທ່ານຜູ້ນຳພັກ- ລັດຖະບານ ແລະ ປະຊາຊົນ ລາວ ຈົ່ງມີພາລະນະໄມສົມບູນ ພ້ອມກັນນຳພາປະເທດຊາດ ຂຶ້ນສູ່ຄວາມຈະເລີນສີວິໄລ ຢ່າງບໍ່ຢຸດຢັ້ງອວຍພອນໃຫ້ ສາຍພົວພັນມິດຕະພາບ ແລະ ການຮ່ວມມືສາກົນກັບບັນດາ ປະເທດເພື່ອນມິດທົ່ວໂລກຈົ່ງ ໝັ້ນຄົງຕະຫຼອດໄປ. ຈາກນັ້ນ ພະນະທ່ານ ບຸນຍັງ ວໍລະຈິດ ປະທານປະເທດ ໄດ້ຂຶ້ນກ່າວມີ ຄຳເຫັນຕໍ່ຄະນະທູດ ແລະ ອົງ ການຈັດຕັ້ງສາກົນໃນຄັ້ງນີ້ວ່າ: ມື້ນີ້, ຂ້າພະເຈົ້າ ພ້້ອມດ້ວຍ ການນຳຂອງພັກ ແລະ ລັດ ແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວ ມີ ຄວາມປິຕິຍິນດີ ເປັນຢ່າງຍິ່ງທີ່ ໄດ້ຕ້ອນຮັບບັນດາທ່ານທູຕານຸ ທູດ ແລະ ຜູ້ຕາງໜ້າອົງການ ຈັດຕັ້ງສາກົນ ປະຈຳ ສປປ ລາວ ພ້ອມດ້ວຍຄູ່ສົມລົດ ທີ່ ໄດ້ເຂົ້າມາອວຍໄຊໃຫ້ພອນ ອັນປະເສີດ ດ້ວຍຄວາມຮັກ ແພງອັນສະໜິດສະໜົມ ແລະ ເຕັມໄປດ້ວຍໄມຕີຈິດມິດຕະ ພາບມາສູ່ພວກຂ້າພະເຈົ້າ ກໍຄື ປະຊາຊົນລາວທັງຊາດ ເນື່ອງ ໃນໂອກາດວັນສະຖາປະນາ ສາທາລະນະລັດ ປະຊາທິປະ ໄຕ ປະຊາຊົນລາວ ຄົບຮອບ 42 ປີ ແລະ ວັນຂຶ້ນປີໃໝ່ສາກົນ ປີ 2018 ທີ່ຈະມາເຖິງ. ພ້ອມ ດຽວກັນນີ້, ຂ້າພະເຈົ້າ ຂໍສະ ແດງຄວາມຂອບໃຈຢ່າງຈິງໃຈ ຕໍ່ທ່ານທູດອາວຸໂສທີ່ໄດ້ມີຄຳ ເວົ້າອັນຈົບງາມ ແລະ ກ່າວ ຍ້ອງຍໍສັນລະເສີນຕໍ່ຜົນສຳ ເລັດໃນຫຼາຍດ້ານທີ່ ສປປ ລາວ ຍາດມາໄດ້ໃນພາລະກິດ ປົກປັກຮັກສາ ແລະ ສ້າງສາ ປະເທດຊາດ, ໂດຍສະເພາະ ແມ່ນການຈັດຕັ້ງປະຕິບັດ ແຜນພັດທະນາເສດຖະກິດ- ສັງຄົມ ໃນໄລຍະຜ່ານມາ. ປີ 2017 ແມ່ນອີກປີໜຶ່ງ ທີ່ມີຄວາມໝາຍສຳຄັນ ໃນປະ ຫວັດສາດຂອງຊາດລາວ, ຕະ ຫຼອດໃນໄລຍະເກືອບ 2 ປີ ແຫ່ງການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 8 , ພວກຂ້າພະເຈົ້າ ໄດ້ສຸມໃສ່ດຳເນີນມາດຕະການ ແກ້ໄຂຂໍ້ຫຍຸ້ງຍາກດ້ານຕ່າງໆ ແນໃສ່ເພື່ອສ້າງສາພັດທະນາ ປະເທດຊາດໃຫ້ມີຄວາມຈະ ເລີນຮຸ່ງເຮືອງເທື່ອລະກ້າວ. ພວກຂ້າພະເຈົ້າ ມີຄວາມພາກ ພູມໃຈເປັນຢ່າງຍິ່ງທີ່ໄດ້ເຫັນ ວ່າ ສປປ ລາວ ຍັງສືບຕໍ່ມີ ສະ ຖຽນລະພາບທາງດ້ານການ ເມືອງ, ສັງຄົມມີຄວາມສະ ຫງົບ, ເສດຖະກິດມີການຂະ ຫຍາຍຕົວຢ່າງໝັ້ນທ່ຽງ, ລວມ ຍອດຜະລິດຕະພັນພາຍໃນ ປີ 2017 ເພີ່ມຂຶ້ນ 6,83% ລາຍຮັບສະເລ່ຍຕໍ່ຫົວຄົນບັນ ລຸ 2.472 ໂດລາ, ການຄຸ້ມ ຄອງ ແລະ ບໍລິຫານລັດໄດ້ ຫັນເຂົ້າສູ່ລະບຽບ ແລະ ກົດ ໝາຍ ຊຶ່ງເປັນປັດໄຈສຳຄັນປະ ກອບສ່ວນເຂົ້າໃນການສ້າງ ເງື່ອນໄຂ ແລະ ສະພາບແວດ ລ້ອມທີ່ເອື້ອອຳນວຍໃຫ້ແກ່ ການພັດທະນາ ກໍຄືການປັບປຸງ ຊີວິດການເປັນຢູ່ຂອງປະຊາ ຊົນ ໃຫ້ດີຂຶ້ນຢ່າງຕໍ່ເນື່ອງ, ສືບ ຕໍ່ນຳພາປະເທດຊາດຫຼຸຸດພົ້ນ ອອກຈາກສະຖານະພາບດ້ອຍ ພັດທະນາ ໃນປີ 2020 ແລະ ກາຍເປັນປະເທດກຳລັງພັດ ທະນາ ທີ່ມີລາຍຮັບປານກາງ ສູງໃນປີ 2030. ຄຽງຄູ່ກັນນັ້ນ ປີ 2017 ນີ້ ຍັງເປັນປີທີ່ມີຄວາມໝາຍ ສຳຄັນຕໍ່ກັບປະຊາຄົມອາຊຽນ ແລະ ສປປ ລາວ ຂອງພວກ ຂ້າພະເຈົ້າ ຊຶ່ງແມ່ນປີຄົບ ຮອບ 50 ປີ ແຫ່ງການສ້າງຕັ້ງ ສະມາຄົມບັນດາປະຊາຊາດ ອາຊີຕາເວັນອອກສ່ຽງໃຕ້ ຫຼື ອາຊຽນ ແລະ ເປັນປີຄົບຮອບ 20 ປີ ທີ່ ສປປ ລາວ ເຂົ້າເປັນ ສະມາຊິກອາຊຽນຕະຫຼອດ ໄລຍະຜ່ານມາ ສປປ ລາວ ພວກຂ້າພະເຈົ້າເຫັນໄດ້ຜົນ ສຳເລັດອັນພົ້ນເດັ່ນ ແລະ ໃຫຍ່ ຫຼວງຂອງອາຊຽນໃນການ ປົກປັກຮັກສາສັນຕິພາບ, ຄວາມໝັ້ນຄົງ ແລະ ສະຖຽນ ລະພາບຢູ່ອາຊີຕາເວັນອອກ ສ່ຽງໃຕ້ ຊຶ່ງໄດ້ກາຍເປັນເງື່ອນ ໄຂທີ່ເອື້ອອຳນວຍໃຫ້ແກ່ ການພັດທະນາເສດຖະກິດ-ສັງຄົມ ຂອງບັນດາປະເທດສະ ມາຊິກອາຊຽນ ແລະ ການເພີ່ມ ທະວີການຮ່ວມມືພາຍໃນອາ ຊຽນ ກໍຄືການສົ່ງເສີມການ ຮ່ວມມືກັບພາຍນອກອັນໄດ້ ນຳໄປສູ່ການສ້າງຕັ້ງເປັນປະ ຊາຄົມອາຊຽນໃນວັນທີ 31 ທັນວາ 2015. ສະເພາະ ສປປ ລາວ ພວກຂ້າພະເຈົ້າແລ້ວ ແມ່ນມີຄວາມພາກພູມໃຈເປັນ ຢ່າງຍິ່ງ ທີ່ໄດ້ເປັນສ່ວນໜຶ່ງ ຂອງຄອບຄົວອາຊຽນ ຊຶ່ງໃນ ຕະຫຼອດໄລຍະ 20 ປີ ທີ່ຜ່ານ ມາ, ສປປ ລາວ ໄດ້ເຄື່ອນໄຫວ ວຽກງານລວມຂອງອາຊຽນ ຢ່າງຕັ້ງໜ້າ ໃນທຸກໆຂົງເຂດ ການຮ່ວມມືພາຍໃຕ້ກອບ 3 ເສົາຄ້ຳ ປະຊາຄົມອາຊຽນ ລວມທັງການພົວພັນກັບພາຍ ນອກຂອງອາຊຽນ ແລະ ໄດ້ ປະຕິບັດພັນທະຕ່າງໆຂອງຕົນ ຢ່າງເຕັມສ່ວນອັນໄດ້ນຳເອົາ ຜົນປະໂຫຍດອັນຊອບທຳມາ ສູ່ປະເທດຊາດ ແລະ ປະຊາ ຊົນລາວ ຢ່າງແທ້ຈິງ. ນະໂອກາດອັນສະຫງ່າ ລາສີນີ້ ຂ້າພະເຈົ້າຂໍຕາງໜ້າ ພັກ-ລັດ ແລະ ປະຊາຊົນລາວ ທັງຊາດ ສະແດງຄວາມຂອບ ໃຈຢ່າງຈິງໃຈ ແລະ ຄວາມ ຮູ້ບຸນຄຸນຢ່າງເລິກເຊິ່ງຕໍ່ບັນ ດາປະເທດເພື່ອນມິດ ແລະ ອົງການຈັດຕັ້ງສາກົນ ຕ່າງໆ ທີ່ໄດ້ໃຫ້ການ ສະໜັບສະໜູນ ແລະ ຊ່ວຍເຫຼືອ ສປປ ລາວ ໃນ ການປະຕິບັດພາລະກິດສ້າງ ສາພັດທະນາປະເທດຊາດໃນ ຕະຫຼອດໄລຍະຜ່ານມາຢ່າງ ສຸດອົກສຸດໃຈ. ສປປ ລາວ ຍາມໃດກໍຖື ເອົາການສົ່ງເສີມການທ່ອງ ທ່ຽວເປັນຂະແໜງການເສດ ຖະກິດປາຍແຫຼມໜຶ່ງທີ່ສຳຄັນ ເພື່ອປະກອບສ່ວນພັດທະນາ ເສດຖະກິດ-ສັງຄົມ ຂອງປະ ເທດຊາດ ເພື່ອເປັນການໂຄ ສະນາດຶງດູດນັກທ່ອງທ່ຽວທັງ ພາຍໃນ ແລະ ຕ່າງປະເທດ ເຂົ້າມາທ່ອງທ່ຽວ ແລະ ຢ້ຽມ ຢາມ ສປປ ລາວ ໃຫ້ຫຼາຍຂຶ້ນ ໃນວັນທີ 28 ຕຸລາ 2017 ທີ່ ຜ່ານມາ, ພວກຂ້າພະເຈົ້າໄດ້ ຈັດພິທີເປີດປີທ່ອງທ່ຽວລາວ ປີ 2018 ຂຶ້ນຢ່າງເປັນທາງການ ເນື່ອງໃນໂອກາດອັນສຳຄັນນີ້ ຂ້າພະເຈົ້າຂໍຖືເປັນກຽດເຊີນ ຊວນບັນດາທ່ານພ້ອມດ້ວຍ ຍາດຕິພີ່ນ້ອງ ແລະ ໝູ່ເພື່ອນ ທັງຫຼາຍ ເດີນທາງມາທ່ອງທ່ຽວ ລາວ ເພື່ອໄດ້ມີໂອກາດມາສຳ ພັດກັບບັນຍາກາດ, ເອກະລັກ ວັດທະນະທຳຮີດຄອງປະເພນີ ອັນດີງາມ ແລະ ທິວທັດທຳມະ ຊາດອັນສວຍສົດງົດງາມຂອງ ພວກຂ້າພະເຈົ້າດ້ວຍ. ໃນອີກບໍ່ດົນປີໃໝ່ສາກົນ 2018 ກໍໃກ້ຈະໝູນວຽນມາ ເຖິງ, ໃນທ່າມກາງບັນຍາກາດ ທີ່ເຕັມໄປດ້ວຍໄມຕີຈິດມິດຕະ ພາບອັນດູດດື່ມຂອງການພົບ ປະກັນໃນຕອນເຊົ້າມື້ນີ້, ຂ້າ ພະເຈົ້າໃນນາມສ່ວນຕົວ ແລະ ຕາງໜ້າໃຫ້ການນຳພັກ , ລັດ ແລະ ປະຊາຊົນລາວບັນດາເຜົ່າ ຂໍຖືເປັນກຽດອວຍພອນໄຊອັນ ປະເສີດມາຍັງບັນດາແຂກ ທີ່ມີກຽດ, ທ່ານຍິງ, ທ່ານຊາຍ ທີ່ມີໜ້າຢູ່ທີ່ນີ້ ຈົ່ງມີພະລານະ ໄມສົມບູນ, ມີຄວາມຜາສຸກ ແລະ ປະສົບຜົນສຳເລັດໃນ ໜ້າທີ່ວຽກງານຂອງຕົນ. ພ້ອມ ກັນນີ້, ໂດຍຜ່ານບັນດາທ່ານທູ ຕານຸທູດ ແລະ ຜູ້ຕາງໜ້າອົງ ການຈັດຕັ້ງສາກົນຕ່າງໆ, ຂ້າ ພະເຈົ້າ ຂໍຝາກຄວາມຢ້ຽມ ຢາມຖາມຂ່າວອັນອົບອຸ່ນ ແລະ ອວຍພອນໄຊອັນປະເສີດ ໄປຍັງປະມຸກລັດ, ຫົວໜ້າລັດ ຖະບານ ແລະ ປະຊາຊົນຂອງ ບັນດາທ່ານ ກໍຄື ຄະນະນຳ ແລະ ພະນັກງານຂອງອົງການຈັດຕັ້ງ ສາກົນ ທີ່ບັນດາທ່ານຕາງໜ້າ ນັ້ນດ້ວຍ. ທ້າຍສຸດນີ້, ຂໍອວຍພອນ ໃຫ້ສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສປປ ລາວ ກັບບັນດາປະເທດ ເພື່ອນມິດ ແລະ ອົງການຈັດ ຕັ້ງສາກົນຕ່າງໆ ຈົ່ງໝັ້ນຄົງ ຂະນົງແກ່ນ ແລະ ຈະເລີນງອກ ງາມຍິ່ງຂຶ້ນຢ່າງບໍ່ຢຸດຢັ້ງ. (ຂ່າວ-ພາບ: ພູວຽງຄຳ)